ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

« ⵜⴰⴼⵙⵓⵜ ⵜⴰⵄⵕⴰⴱⵜ » ⵓⵔ ⴷ-ⵜⴻⴳⵍⵉ ⵙ ⵡⴰⵛⴻⵎⵎⴰ ⵎⴻⵏⵖⵉⵔ ⵜⵜⴻⵊⵕⵉⴱⴰ ⵜⴰⵜⵓⵏⵙⵉⵜ

ⵒⴰⵔⵉⵙ – ⵜⵉⴷⵢⴰⵏⵉⵏ ⵏ « ⵜⴻⴼⵙⵓⵜ ⵜⴰⵄⵕⴰⴱⵜ » ⴰⵢ ⵢⴻⵔⵡⵉⵏ ⴰⵎⴰⴹⴰⵍ ⴰⵄⵕⴰⴱ ⵙⴻⴳ ⵡⴰⵙⵎⵉ ⴰⵢ ⴱⴷⴰⵏⵜ 5 ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⵡⴰⵍⴰⵏ-ⵜⵜ ⴽⵔⴰ ⵏ ⵢⵉⵖⵎⵉⵙⴻⵏ ⵉⴼⵕⴻⵏⵙⵉⵙⴻⵏ ⴷ ⴰⵢⴻⵏ ⴰⵢ ⵢⴻⵙⵙⴰⴷⴼⴻⵏ ⵜⵉⵎⵓⵔⴰ ⵜⴰⵄⵕⴰⴱⵉⵏ ⴷⴻⴳ ⵜⵉⵍⵍⴰⵙ (ⴹⴹⵍⴰⵎ), ⵎⴻⵏⵖⵉⵔ ⵜⵜⴻⵊⵕⵉⴱⴰ ⵜⴰⵜⵓⵏⵙⵉⵜ, ⵓⵍⴰ ⵎⴰ ⵓⵍⴰ ⵜⴰⴳⵏⵉⵜ ⴷⴻⴳ ⵜⵎⵓⵔⵜ-ⴰ ⴰⵢⴷⴻⴳ ⴱⴷⴰⵏⵜ ⵜⴻⴷⵢⴰⵏⵉⵏ-ⴰ ⵎⴰⵣⴰⵍ ⵖⴻⴼ ⵙⵙⴻⴱⴱⴰ ⴰⵢ ⵜⴻⵍⵍⴰ.

« ⴽⴽⴰⵏ 5 ⵏ ⵢⵉⵙⴻⴳⴳⴰⵙⴻⵏ ⵏ ⵓⵣⴷⴰⵔ ⵖⴻⵔ ⴵⵉⵀⴻⵏⵏⴰⵎⴰ. ⵎⵉ ⴰⴷ ⵏⵡⴰⵍⵉ ⴰⵙⵙ-ⴰ ⵜⴰⴳⵏⵉⵜ ⴰⵢⴷⴻⴳ ⵢⴻⵍⵍⴰ ⵓⵎⴰⴹⴰⵍ ⴰⵄⵕⴰⴱ, ⵉⴱⴰⵏ ⴷ ⴰⴽⴽⴻⵏ ‘ⵜⴰⴼⵙⵓⵜ ⵏ 2011’ ⵜⵓⵖ ⴰⴱⵔⵉⴷ ⵉⵣⴻⵍⴳⴻⵏ ⵎⵍⵉⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵓⵖⵎⵉⵙ ⴰⵢⴰⵍⵍⴰⵙ ⵏ ⴼⵉⴳⴰⵔⵧ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵜⴰⵛⵔⴰⵡⵜ (ⵃⴰⵚⵉⵍⴰ) ⵏ « ⵜⴻⴼⵙⵓⵜ ⵜⴰⵄⵕⴰⴱⵜ » ⴷ « ⵜⴰⴱⴻⵔⴽⴰⵏⵜ », ⵢⴻⵔⵏⴰ ⵜⵓⵕⵓⴼⵜ « ⵜⴻⵜⵜⴻⴽⴽⴰ » ⴷⴻⴳ ⵡⴰⵢⴰ ⵢⴻⵔⵏⴰ « ⴰⵜⵜⴰⵏ ⵍⴰ ⵜⴻⵜⵜⵅⴻⵍⵍⵉⵚ ⵜⴰⴼⴰⵜⵓⵕⵜ ⵖⵍⴰⵢⴻⵏ » ⵖⴻⴼ ⵡⴰⵏⴻⵛⵜ-ⴰ.

« ⵎⴻⵏⵖⵉⵔ ⵜⵜⴻⵊⵕⵉⴱⴰ ⵜⴰⴼⴻⵔⴽⴰⴽⵜ ⵏ ⵜⵓⴳⴷⵓⵜ ⴷⴻⴳ ⵜⵓⵏⴻⵙ », ⵜⵉⴷⵢⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴰⵍⵍⵉⵜ-ⵏⵏⵉ ⵢⴰ ⵙⵙⴰⵡⴹⴻⵏⵜ ⵖⴻⵔ ⵡⵓⵖⴰⵍ ⵏ ⵢⵉⴷⵓⴱⴰ ⵉⵇⴱⵓⵔⴻⵏ, ⴰⵎ ⴷⴻⴳ ⵎⴰⵚⴻⵔ, ⵢⴰ ⵙⵙⴰⵡⴹⴻⵏⵜ ⵖⴻⵔ ⵓⵔⵡⴰⵢ ⴷ ⴰⵎⴻⵇⵔⴰⵏ, ⴰⵎ ⴷⴻⴳ ⵙⵓⵔⵢⴰ ⵏⴻⵖ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵎⵉⵙ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵜⵓⵕⵓⴼⵜ ⴰⵜⵜⴰⵏ ⵖⴻⴼ ⵢⵉⵔⵉ ⵏ ⵛⵛⵡⴰⵍ-ⴰ, ⵉⵎⵉ ⴰⵢ ⴷ-ⵜⵓⴼⴰ ⵉⵎⴰⵏ-ⵏⵏⴻⵙ ⴷⴻⴳ ⵜⴻⴳⵏⵉⵜ ⴰⵢⴷⴻⴳ ⴷ-ⵎⴱⴰⴱⴱⴻⵏ ⵢⵉⵎⵉⵀⵉⵜⴻⵏ (ⴰⵅⵟⴰⵔ) ⵖⴻⴼ ⵜⴻⵡⵡⵓⵔⴰ-ⵏⵏⴻⵙ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵡⵡⴰⴹ ⴰⵎⴻⵇⵔⴰⵏ ⵏ ⵢⵉⵎⴷⴰⵏⴻⵏ ⵙⴻⴳ ⵜⵎⵓⵔⴰ ⴰⵢⴷⴻⴳ ⵢⴻⵏⴽⴻⵔ ⵛⵛⵡⴰⵍ ⴷ ⵔⵔⴻⴱⵔⴰⴱ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵙ ⵡⴰⴽⴽ ⵚⵚⵉⴼⴰⵜ-ⵏⵏⴻⵙ.

« ⴱⵏⴰⵇⴻⵙ, ⴰⴳⵎⵓⴹ (ⵏ ⵜⴻⴷⵢⴰⵏⵉⵏ-ⴰ) ⴷ ⴰⵅⴻⵚⵚⴰⵔ », ⴰⵢ ⴷ-ⵢⴻⵏⵏⴰ ⵓⵖⵎⵉⵙ ⵏ ⴼⵉⴳⴰⵔⵧ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵔⵔⴻⴱⵔⴰⴱ « ⵓⵔ ⵢⴻⵄⵜⵉⵇ ⵢⵉⵡⴻⵏ, ⵜⴰⵖⴻⵍⵍⵉⵙⵜ (ⴰⵎⵏ) ⵜⴰⵎⴰⴹⵍⴰⵏⵜ ⵜⵓⵖⴰⵍ ⵖⴻⵔ ⴷⴻⴼⴼⵉⵔ ⵢⴻⵔⵏⴰ ⵓⵍⴰ ⴷ ⴰⵎⴰⴹⴰⵍ ⵓⵜⵔⵉⵎ ⵓⵔ ⴷ-ⵢⴻⵇⵇⵉⵎ ⴰⵔⴰ ⴷ ⴰⵎⴻⴷⵢⴰ ⴰⴷ ⵢⴻⵜⵜⵡⴰⴹⴻⴼⵔⴻⵏ ».

ⵎⴰ ⴷ ⴰⵖⵎⵉⵙ ⵏ ⵧⵓⴻⵙⵜ ⴼⵔⴰⵏⵛⴻ ⵢⴻⵏⵏⴰ-ⴷ ⴷ ⴰⴽⴽⴻⵏ 5 ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵜⴻⴷⵢⴰⵏⵉⵏ-ⴰ, « ⵜⴰⴼⵙⵓⵜ ⵜⴰⵄⵕⴰⴱⵜ » ⵜⴻⴳⵍⴰ-ⴷ ⵙ ⵓⴳⵎⵉⴹ « ⵢⴻⵙⵙⴻⵃⵣⴰⵏⴻⵏ », ⵢⴻⵔⵏⴰ ⴽⵔⴰ ⵏ ⵢⵉⵎⴰⵏⴰⵢⴻⵏ (ⵎⵓⵔⴰⵇⵉⴱⵉⵏ) ⵡⵡⴹⴻⵏ ⴰⵔⵎⵉ ⴰⵢ ⴰⵙ-ⵙⴻⵎⵎⴰⵏ « ⴰⵔⵡⴰⵢ ⴰⵄⵕⴰⴱ ». « ⴰⵙⵎⵉ ⵓⵔ ⵙⵙⴰⵡⴹⴻⵏ ⴰⵔⴰ ⵢⵉⴷⵓⴱⴰ ⵉⵇⴱⵓⵔⴻⵏ ⴰⴷ ⴷ-ⵓⵖⴰⵍⴻⵏ (ⴰⵎ ⴷⴻⴳ ⵎⴰⵚⴻⵔ ⴷ ⴱⴻⵃⵕⵉⵏ), ⴷ ⵜⴰⴽⵔⵉⴹⵜ (ⵄⵓⵏⴼ) ⴷ ⵓⵔⵡⴰⵢ ⵏ ⵟⵟⵔⴰⴷ ⴰⵖⴰⵔⵉⵎ » ⴰⵢ ⵢⵓⵖⴻⵏ ⵜⵉⵎⵓⵔⴰ ⵏⵉⴹⴻⵏ, ⵢⴻⵔⵏⴰ « ⵎⴻⴷⴷⴻⵏ ⵓⵔ ⵜⴻⵏ-ⵎⴰⵣⴰⵍ ⴰⵔⴰ ⵙⵙⴰⵡⴰⵍⴻⵏ ⵖⴻⴼ ⵜⴻⴳⵔⴰⵡⵍⴰ ⵏ ⵓⵢⴰⵙⵎⵉⵏ, ⵡⴰⵏⴰⴳ ⵖⴻⴼ ⴷⴰⵄⴻⵛ ».

« 11 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵙⵓⵔⵉⵢⴻⵏ ⴰⵢ ⵉⵔⴻⵡⵍⴻⵏ ⵙⴻⴳ ⵢⵉⵅⵅⴰⵎⴻⵏ-ⵏⵙⴻⵏ. ⵢⴰⵎⴰⵏ ⴰⵜⵜⴰⵏ ⴷⴻⴳ ⵟⵟⵔⴰⴷ. ⵍⵉⴱⵢⴰ ⵜⵓⵖⴰⵍ ⴷ ⵉⵅⴻⵔⴱⴰⵏ. ⵜⴻⴷⵔⴻⵎ ⵜⴷⴰⵎⵙⴰ ⵏ ⵡⴰⴽⴽ ⵜⵉⵎⵓⵔⴰ ⵜⴰⵄⵕⴰⴱⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵎⵉⵙ ⵏ ⵧⵓⴻⵙⵜ ⴼⵔⴰⵏⵛⴻ ⴰⵢ ⴷ-ⵉⴳⵔⴻⵏ ⵜⴰⵎⴰⵡⵜ ⴷ ⴰⴽⴽⴻⵏ ⴰⵍⴰ ⵜⵜⴻⵊⵕⵉⴱⴰ « ⵜⴰⴼⴻⵔⴽⴰⴽⵜ » ⵏ ⵜⵓⵏⴻⵙ ⴰⵢ ⵉⵙⴻⵍⴽⴻⵏ ⵙⴻⴳ ⵡⴰⵏⴻⵛⵜ-ⴰ.

ⴰⵖⵎⵉⵙ ⵏ ⵍ’ⵀⵓⵎⴰⵏⵉⵜé, ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⴷ ⴰⴽⴽⴻⵏ ⴷⴻⴼⴼⵉⵔ ⵎⴰ ⵢⴻⴼⴼⴻⵖ ⵓⵏⵀⵉⵍ (ⵏⵉⴹⴰⵎ) ⵏ ⴱⴻⵏ ⴰⵍⵉ ⴷⴻⴳ ⵜⵓⵏⴻⵙ ⵢⴻⴵⴵⴰ « ⵙⵙⴰⵡⴹⴻⵏ ⵢⵉⵖⴰⵍⵍⴻⵏ ⴷ ⵉⵎⵥⴻⵔⴼⴰⵔⴰⵢⴻⵏ (ⵜⴰⵇⴰⴷⴷⵓⵎⵉ) ⴰⴷ ⴱⴻⴷⴷⴻⵏ ⴷⴻⴳ ⵡⵓⴷⴻⵎ ⵏ ⵓⵔⵡⴰⵢ » ⴷ ⵓⵣⵣⵓⵖⴻⵔ ⵏ ⵜⴻⴳⵔⴰⵡⵍⴰ ⵖⴻⵔ ⵡⴰⵢⴻⵏ ⵉⵏⴻⴼⵄⴻⵏ ⵉⵛⴻⵏⴳⴰ ⵏ ⵜⵓⴳⴷⵓⵜ.

ⴷ ⴰⵛⵓ ⴽⴰⵏ, ⵖⴻⴼ ⵍⴻⵃⵙⴰⴱ ⵏ ⵓⵖⵎⵉⵙ-ⴰ, ⵓⵍⴰ ⵎⴰ ⵜⴻⵡⵄⴻⵕ ⵜⴻⴳⵏⵉⵜ, ⵎⴰⵛⴰ ⵙⵙⴰⵡⴹⴻⵏ ⵢⵉⵜⵓⵏⵙⵉⵢⴻⵏ « ⴰⴷ ⴷ-ⴳⴻⵏ ⵜⴰⵎⴻⵏⴹⴰⵡⵜ (ⴷⵓⵙⵜⵓⵔ) ⴰⵢⵢⴻⵙ ⵙⵄⴰⵏ ⵍⵃⴻⵇⵇ ⴰⴷ ⵣⵓⵅⵅⴻⵏ », ⵎⴰⵛⴰ ⵎⴰⵣⴰⵍ ⵢⴻⴳⴳⵓⵏⵉ-ⵜⴻⵏ ⵓⵎⴻⵏⵏⵓⵖ ⵎⴳⴰⵍ ⵡⴰⵟⴰⵙ ⵏ ⵡⵓⴳⵓⵔⴻⵏ.