ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

310 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵀⴻⵢⵢⵉ ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⵉ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⴻⵍ ⵀⴰⴷⵉ ⵧⵓⵍⴷ ⴰⵍⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ 310 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴰⵢ ⴷ-ⵢⴻⵜⵜⵡⴰⵃⴰⵣⴻⵏ ⵉ ⵓⵙⵙⴻⵡⵊⴻⴷ ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵉⵄⴻⴷⴷⴰⵏ ⵏⴻⵖ ⴰⵢ ⵍⴰ ⵢⴻⵜⵜⴻⵎⵙⵉⵣⵡⵉⵔⴻⵏ ⴰⴽⴽⴻⵏ ⴰⴷ ⵄⴻⴷⴷⵉⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016 ⵏ ⵔⵉⵧ ⴷⴻ ⵊⴰⵏⴻⵉⵔⵧ (ⴱⵔⵉⵣⵉⵍ).

« Ɣⴻⴼ ⵍⴻⵃⵙⴰⴱ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ, 310 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴰⴷ ⴷ-ⵇⴰⵎⴻⵏ ⴰⴽⴽⴻⵏ ⴰⴷ ⴷ-ⵏⴻⵍⵀⵓ ⵙ ⵡⴰⴽⴽ ⵉⴷⵉⵙⴰⵏ ⵢⴻⵇⵇⵏⴻⵏ ⵖⴻⵔ ⵓⵜⵜⴻⴽⴽⵉ ⵏ ⵢⵉⴷⵣⴰⵢⵔⵉⵢⴻⵏ ⴷⴻⴳ ⵔⵉⵧ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵡⵊⴻⴷ ⴷ ⵓⵎⴻⵙⵏⵉ (ⵏⴰⵇⵍ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵧⵓⵍⴷ ⴰⵍⵉ.

ⵉⴳⴰ ⵓⵏⴻⵖⵍⴰⴼ ⵜⵉⵎⵍⵉⵍⵉⵜ, ⴰⵙⵙ ⵏ ⵍⴻⵅⵎⵉⵙ, ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴰⴷⵣⴰⵢⵔⵉ, ⵎⵓⵙⵜⴰⵒⵀⴰ ⴱⴻⵔⵔⴰⴼ, ⴷ ⵢⵉⵙⴻⵍⵡⴰⵢⴻⵏ ⵏ ⴽⵔⴰ ⵏ ⵜⴼⵉⵔⵉⵕⴰⵍⵉⵢⵉⵏ ⵜⵉⵏⴰⴷⴷⴰⵍⵉⵏ.

ⴰⵔ ⵉⵎⵉⵔ-ⴰ, 8 ⵏ ⵡⴰⵢⵢⵓⵔⴻⵏ ⵓⵇⴱⴻⵍ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016, 25 ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⴰⵢ ⵉⵄⴻⴷⴷⴰⵏ ⵖⴻⵔ ⵡⵓⵔⴰⵔⴻⵏ-ⴰ, ⵔⵏⵓ ⵖⴻⵔ-ⵙ ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ ⵏ ⴷⴷⴰⵡ 23 ⵏ ⵢⵉⵙⴻⴳⴳⴰⵙⴻⵏ.

« ⴷ ⴰⴽⵓⴷ ⴰⴷ ⴷ-ⵏⴻⵙⵙⴻⵡⵊⴻⴷ ⴰⵖⴰⵡⴰⵙ (ⵎⵓⵅⴰⵟⵟⴰⵟ) ⴰⵢⴷⴻⴳ ⴰⴷ ⵏⴻⵎⵄⴰⵡⴰⵏ ⴰⴽⴽⴻⵏ ⴰⴷ ⵏⴻⴹⵎⴻⵏ ⴰⵙⵙⴻⵡⵊⴻⴷ ⵉⴳⴻⵔⵔⵣⴻⵏ ⴰⴽⴽ ⵉ ⵢⵉⵏⴰⴷⴷⴰⵍⴻⵏ-ⵏⵏⴻⵖ ⴰⵢ ⵉⵄⴻⴷⴷⴰⵏ ⵏⴻⵖ ⵡⵉⴷ ⴰⵢ ⵍⴰ ⵢⴻⵜⵜⴻⵎⵙⵉⵣⵣⵉⵍⴻⵏ ⴰⴽⴽⴻⵏ ⴰⴷ ⵄⴻⴷⴷⵉⵏ ⵖⴻⵔ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ. ⴰⴽⴽⴻⵏ ⵓⵔ ⵜⵜⵡⴰⵙⵙⴻⵇⴷⴰⵛ ⴰⵔⴰ ⵓⵎⴰⵔⵓⴷ ⵙⵏⴰⵜ ⵏ ⵜⵉⴽⴽⴰⵍ ⵉ ⵢⵉⵡⴻⵏ ⵏ ⵛⵛⵖⴻⵍ, ⵢⴻⵙⵙⴻⴼⴽ ⴰⴷ ⴷ-ⵏⴰⴼ ⵜⴰⵍⵖⴰ ⵉⵡⴰⵜⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⴷⴻⴼⴼⵉⵔ ⵓⵎⵛⵉⵡⴻⵕ ⴰⵢ ⴷ-ⵢⴻⵍⵍⴰⵏ ⴳⴰⵔ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵙⵙⵓⵎⵔⴻⵏ-ⴷ (ⵉⵇⵜⴰⵔⴰⵃⵓ) ⴰⴷ ⴷ-ⵙⴱⴻⴷⴷⴻⵏ ⵜⴰⵙⴻⵇⵇⴰⵎⵓⵜ ⵜⵓⵅⵍⵉⴹⵜ ⴰⵢⴷⴻⴳ ⴰⴷ ⵢⴻⵜⵜⴻⴽⴽⵉ ⵓⵙⴻⵇⵇⴰⵎⵓ ⴰⴷⵣⴰⵢⵔⵉ ⵓⵍⵉⵎⵒⵉ ⴷ ⵓⵏⴰⴷⴷⴰⵍ, ⴰⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⴷ ⵜⴼⵉⴷⵉⵕⴰⵍⵉⵢⵉⵏ ⵏ ⵡⴰⴷⴷⴰⵍⴻⵏ ⵢⴻⵎⴳⴻⵔⵔⴰⴷⴻⵏ, ⴰⴽⴽⴻⵏ ⴰⴷ ⴷ-ⵍⵀⵓⵏ ⵙ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵓⵎⴰⵔⵓⴷ-ⴰ ⴰⴷ ⵢⴻⵜⵜⵡⴰⵙⵇⴻⴷⵛⴻⵏ ⵉ ⵓⵙⵙⴻⵡⵊⴻⴷ ⵏ ⵓⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⴷ ⴰⴽⴽⴻⵏ ⴰⵜⴰⵏ ⵍⴰ ⵉⵅⴻⴷⴷⴻⵎ ⵙ « ⵓⵎⵜⴰⵡⴰ » ⵉⴼⴰⵣⴻⵏ ⵖⴻⵔ ⵢⵉⴷⵉⵙ ⵏ ⵓⵖⵍⵉⴼ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ.

« ⴰⵇⵍ-ⴰⵖ ⵏⴻⵎⵙⴻⴼⵀⴰⵎ ⵖⴻⴼ ⵜⴻⵎⵙⴰⵍ ⵏ ⵜⴻⴷⵔⵉⵎⵜ ⴷ ⵜⴻⵎⵙⴰⵍ ⵜⵉⵜⵡⵉⵍⴰⵏⵉⵏ (ⵜⵉⵇⵏⵉⵢⵢⴰ) ⵢⴻⵇⵇⵏⴻⵏ ⵖⴻⵔ ⵓⵙⵙⴻⵡⵊⴻⴷ ⴷ ⵓⵜⵜⴻⴽⴽⵉ. ⴰⵙⵙⴻⵡⵊⴻⴷ ⵏ ⵢⵉⵏⴰⴷⴷⴰⵍⴻⵏ ⴰⴷ ⴷ-ⵢⴻⵙⵇⴰⵎ 180 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵎⴰ ⴷ ⵡⵉⵏ ⵏ ⵓⵎⴻⵙⵏⵉ, 130 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵔⵔⴰⴼ.