ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵙⵉⵣⵣⴻⵍⵜ ⵜⴰⵎⵏⴰⴹⴰⵏⵜ ⵏ ⵓⵙⵏⴰⵙⵖⴻⵍ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵜⴰⴼⵔⴰⵡⵉ (ⵡⴻⵀⵕⴰⵏ)

ⵡⴻⵀⵕⴰⵏ – ⴰⴷ ⴷ-ⵜⵉⵍⵉ ⴰⵙⵙ ⵏ ⵍⵊⴻⵎⵄⴰ ⵢⵉⵡⴻⵜ ⵏ ⵜⴻⵎⵙⵉⵣⵣⴻⵍⵜ ⵜⴰⵎⵏⴰⴹⴰⵏⵜ (ⴵⵉⵀⴰⵡⵉⵢⵢⴰ) ⴷⴻⴳ ⵜⵖⵉⵡⴰⵏⵜ ⵏ ⵜⴰⴼⵔⴰⵡⵉ, ⴷⴻⴳ ⵡⴻⵀⵕⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴻⵎⵖⵓⵏⵜ (ⵔⴰⴱⵉⵟⴰ) ⵜⴰⵡⴻⵀⵕⴰⵏⵉⵜ ⵏ ⵓⵙⵏⴰⵙⵖⴻⵍ, ⴰⵙⵙ ⵏ ⵍⴻⵜⵏⵉⵢⴻⵏ.

ⵜⵉⵎⵙⵉⵣⵣⴻⵍⵜ-ⴰ ⴰⴷ ⵜⵜ-ⵜⴻⴳ ⵜⴻⵎⵖⵓⵏⵜ-ⴰ ⵖⴻⵔ ⵢⵉⴷⵉⵙ ⵏ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ ⵏ ⵜⵡⵉⵍⴰⵢⵜ ⵏ ⵡⴻⵀⵕⴰⵏ, ⵢⴻⵔⵏⴰ ⴰⴷ ⵜⵜⴻⴽⴽⵉⵏ ⴷⴻⴳ-ⵙ 90 ⵏ ⵢⵉⵏⴰⴷⴷⴰⵍⴻⵏ ⵙⴻⴳ ⵜⴻⵖⵍⴰⵎⵉⵏ ⵏ ⵜⴻⵎⵖⵓⵏⵉⵏ ⵏ ⵛⵛⵍⴻⴼ, ⵙⵉⴷⵉ ⴱⴻⵍⵄⴻⴱⴱⴰⵙ, ⵎⵄⴻⵙⴽⴻⵕ, ⵄⵉⵏ ⵜⵉⵎⵓⵛⴻⵏⵜ, ⵎⴻⵙⵜⵖⴰⵏⴻⵎ ⴷ ⵡⴻⵀⵕⴰⵏ ⴷⴻⴳ ⵜⴰⴳⴳⴰⵢⵉⵏ (ⴼⵉ’ⴰⵜ) ⵏ ⵡⴰⴷⴷⴰⵢⴻⵏ, ⵉⵎⴻⵥⵢⴰⵏⴻⵏ, ⵉⵍⴻⵎⵥⵉⵢⴻⵏ ⴷ ⵢⵉⵎⴻⵇⵔⴰⵏⴻⵏ.

ⵜⵉⵎⵙⵉⵣⵣⴻⵍⵜ-ⴰ ⵜⴰⵎⵏⴰⴹⴰⵏⵜ ⴰⴷ ⴷ-ⵜⵉⵍⵉ ⴷⴻⴳ ⵓⵎⵏⴻⵏⵏⵉⴹ ⵓⵎⴷⵉⵍ ⵏ 30 ⵏ ⵢⵉⴽⵉⵍⵓⵎⵉⵜⵔⴻⵏ.

ⴱⴻⴷⴷⵓ ⴰⴷ ⴷ-ⵢⵉⵍⵉ ⵙⴻⴳ ⵜⴰⴼⵔⴰⵡⵉ ⵢⴻⵔⵏⴰ ⵉⵎⴻⵙⵏⴰⵙⵖⴰⵍⴻⵏ ⴰⴷ ⴷ-ⵓⵖⴰⵍⴻⵏ ⴰⵔⵎⴰ ⴷ ⴰⵎⴽⴰⵏ-ⵏⵏⵉ ⴰⵢⵙⴻⴳ ⵇⴻⵍⵄⴻⵏ ⴷⴻⴼⴼⵉⵔ ⵎⴰ ⵄⴻⴷⴷⴰⵏ ⵖⴻⴼ ⵜⵖⵉⵡⴰⵏⵜ ⵏ ⵜⴰⵎⵣⵓⵔⴰ ⴷ ⵜⴰⴷⴷⴰⵔⵜ ⵏ ⴻⵍ ⵀⴰⵎⵧⵓⵍ.

ⴰⴷⴷⴰⵢⴻⵏ ⵢⴻⵙⵙⴻⴼⴽ ⴰⴷ ⴰⵣⵣⵍⴻⵏ ⴰⵎⵏⴻⵏⵏⵉⴹ-ⴰ ⴷⴻⴳ ⵢⵉⵡⴻⵜ ⴽⴰⵏ ⵏ ⵜⵓⵣⵣⵢⴰ, ⵎⴰ ⴷ ⵉⵎⴻⵥⵢⴰⵏⴻⵏ ⴷⴻⴳ ⵙⵏⴰⵜ ⵏ ⵜⵓⵣⵣⵢⵉⵡⵉⵏ. ⵉⵍⴻⵎⵥⵉⵢⴻⵏ ⴷ ⵢⵉⵎⴻⵇⵔⴰⵏⴻⵏ ⴰⴷ ⴷ-ⵣⵣⵉⵏ ⵖⴻⴼ ⵓⵎⵏⴻⵏⵏⵉⴹ 3 ⵏ ⵜⵉⴽⴽⴰⵍ.

ⵜⵉⵎⵙⵉⵣⵣⴻⵍⵜ-ⴰ ⵜⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ ⵡⴰⵀⵉⵍ ⵏ ⵜⴻⵎⵖⵓⵏⵜ ⵜⴰⵎⵏⴰⴹⴰⵏⵜ ⵏ ⵓⵙⵏⴰⵙⵖⴻⵍ, ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⴷⵢⴰⵏⵜ ⵜⵉⵙ 3 ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵜ-ⴰ ⴷⴻⴼⴼⵉⵔ ⵜⵉⵏ ⴰⵢ ⴷ-ⵢⴻⵍⵍⴰⵏ ⵢⴰⴳⵉ ⴷⴻⴳ ⴱⵓⵚⴼⴻⵔ, ⴷⴻⴳ ⵏⵡⴻⵎⴱⴻⵕ ⵢⴻⵣⵔⵉⵏ.