ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⵉⵍ ⵏ ⵓⵎⵄⴰⵡⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵜⵓⵕⵓⴼⵜ ⵖⴻⴼ ⵡⴰⵎⴰⵏ ⵢⴻⵙⵙⴰⵡⴻⴹ ⵖⴻⵔ ⵢⵉⵙⵡⴰⵏ-ⵏⵏⴻⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵀⵉⵍ ⵏ ⵓⵄⴰⵡⴻⵏ ⵏ ⵡⴰⵎⴰⵏ ⴷ ⵓⵙⵙⵉⵣⴷⴻⴳ-ⵏⵙⴻⵏ (ⴻⴰⵓⵉⵉ) ⴰⵢ ⴷ-ⵢⴻⵍⵍⴰⵏ ⵙ ⵓⵎⵄⴰⵡⴻⵏ ⴳⴰⵔ ⵍⴷⵣⴰⵢⴻⵔ ⴷ ⵜⴷⵓⴽⵍⵉ ⵜⵓⵕⵓⴼⵉⵜ ⵉⴼⵓⴽ ⵙⴻⴳ ⵎⴻⵍⵎⵉ ⴽⴰⵏ ⵢⴻⵔⵏⴰ ⵢⴻⵍⵍⴰ-ⴷ ⴷ ⵓⵔⴱⵉⵃ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵎⵀⴰⵍ ⵏ ⵡⴰⵀⵉⵍ-ⴰ, ⵀⴰⵙⵙⵉⵏⴰ ⵀⴰⵎⵎⵧⵓⵛⵀⴻ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

« ⵜⴰⵛⵔⴰⵡⵜ ⵏ ⵡⴰⵀⵉⵍ-ⴰ ⴰⵢ ⵢⴻⵜⵜⵡⴰⵙⴼⴻⵄⵍⴻⵏ ⴳⴰⵔ 2012 ⴷ 2016 ⵜⴻⵍⵍⴰ-ⴷ ⵜⴻⵍⵀⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴻⴳ ⵡⴰⵙⵙ ⵏ ⵓⵅⴻⴱⴱⴻⵔ ⵏ ⵜⵖⴻⵎⵙⴰ ⵖⴻⴼ ⵡⴰⵀⵉⵍ-ⴰ ⴰⵢ ⴷ-ⵢⴻⵙⵇⴰⵎⴻⵏ 40 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ, ⴳⴰⵔ-ⴰⵙⴻⵏ 30 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ ⵜⴻⴼⴽⴰ-ⵜⴻⵏ-ⴷ ⵜⴷⵓⴽⵍⵉ ⵜⵓⵕⵓⴼⵉⵜ ⵉ ⵍⴷⵣⴰⵢⴻⵔ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⴷⵉⵙ ⴰⴷⵣⴰⵢⵔⵉ ⵢⴻⵜⵜⴻⴽⴽⴰ-ⴷ ⵙ 10 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ.

« ⴰⵀⵉⵍ-ⴰ ⵢⴻⵙⵙⴻⴼⵔⴰ 67 ⵏ ⵍⴻⵛⵖⴰⵍ ⵉ ⵓⵙⵙⴻⵍⵀⵓ ⵏ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵡⴰⵎⴰⵏ ⴷ ⵓⵙⵙⵉⵣⴷⴻⴳ-ⵏⵙⴻⵏ. ⵍⴻⵛⵖⴰⵍ-ⴰ ⴼⵓⴽⴻⵍ ⵙ 100% », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵜⵏⴻⵎⵀⴰⵍⵜ (ⵎⵓⴷⵉⵔⴰ) ⵏ ⵡⴰⵀⵉⵍ.

« ⵜⴻⵜⵜⵡⴰⵃⴰⵣ-ⴰⵖ-ⴷ ⵜⵊⴻⵍⵍⴰⴱⵜ ⵏ 10 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ ⵉ ⵓⵄⴰⵡⴻⵏ ⴰⵜⵡⵉⵍⴰⵏ (ⵜⵉⵇⵏⵉ) ⴷ ⵓⵙⵙⵉⵍⴻⵖ (ⵜⴰⴽⵡⵉⵏ) ⵢⴻⵔⵏⴰ ⵏⴻⵙⵙⴰⵡⴻⴹ ⵖⴻⵔ ⵢⵉⵙⵡⴰⵏ-ⵏⵏⴻⵖ ⵙ ⵓⵚⴻⵔⵔⴻⴼ ⵏ 99,91% ⵙⴻⴳ ⵢⵉⴷⵔⵉⵎⴻⵏ-ⵏⵏⵉ, ⵏⴻⵖ 9,38 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ. ⵎⴰ ⴷ ⴰⵢⴻⵏ ⴰⵢ ⴷ-ⵢⴻⴳⴳⵔⴰⵏ, ⵔⵔⴰⵏ-ⵜ ⵉ ⵜⴷⵓⴽⵍⵉ ⵜⵓⵕⵓⴼⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ.

ⴰⵀⵉⵍ-ⴰ ⵢⴻⵙⵙⴻⴱⴷⴻⴷ-ⴷ ⴷⴰⵖ ⴰⵏⴻⴳⵔⴰⵡ (ⵏⵉⴹⴰⵎ) ⴰⵙⴻⵏⵙⴻⵍⴽⵉⵎⴰⵏ ⵉ ⵓⵙⵙⴻⴼⵔⴻⴽ ⵏ 13.500 ⵏ ⵢⵉⴽⵉⵍⵓⵎⵉⵜⵔⴻⵏ ⵙⴻⴳ ⵓⵥⴻⴹⴹⴰ ⵏ ⵓⵖⵔⴰⵎ ⵏ ⵡⴰⵎⴰⵏ ⵏ ⵜⵎⵓⵔⵜ.

ⴰⵀⵉⵍ ⵏ ⴻⴰⵓ ⵉⵉ ⴷⴷⴰⵏ-ⴷ ⴷⴻⴳ-ⵙ 17 ⵏ ⵢⴻⵙⵡⴰⵏ, ⵢⴻⵔⵏⴰ ⵡⵉⴷ ⴰⵢ ⵉⵅⴻⴷⵎⴻⵏ ⴼⴻⵍⵍ-ⴰⵙ ⵙⵙⴰⵡⴹⴻⵏ ⵖⴻⵔ 12 ⵙⴻⴳ-ⵙⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ 5 ⵏⵉⴹⴻⵏ ⴰⵢ ⴷ-ⵢⴻⵇⵇⵉⵎⴻⵏ ⵎⴰⵣⴰⵍ ⵍⴰ ⵅⴻⴷⴷⵎⴻⵏ ⴼⴻⵍⵍ-ⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵎⵀⴰⵍ.

ⵙⴻⴳ ⵢⵉⴷⵉⵙ ⵏⵉⴹⴻⵏ, 4 ⵏ ⵜⴻⵣⵔⴰⵡⵉⵏ (ⴷⵉⵔⴰⵙⴰⵜ) ⴰⵢ ⴷ-ⵉⵡⴻⵊⴷⴻⵏ ⴷⴻⴳ ⵡⴰⵀⵉⵍ-ⴰ, ⵢⴻⵔⵏⴰ ⵜⵉ ⴷ ⵜⵉⵣⵔⴰⵡⵉⵏ ⵢⴻⵇⵇⵏⴻⵏ ⵖⴻⵔ ⵓⵃⴻⵣⵣⴻⴱ ⵖⴻⴼ ⵢⵉⵃⴻⵎⵎⴰⵍⴻⵏ, ⵜⴰⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵜⴰⵖⴻⵍⵏⴰⵡⵜ ⵏ ⵓⵖⵔⴰⵎ ⵏ ⵡⴰⵎⴰⵏ, ⵜⴰⵙⵓⴷⴷⴻⵙⵜ ⵏ ⵓⵖⵔⴰⵎ ⵏ ⵡⴰⵎⴰⵏ ⴱⴻⵕⵕⴰ ⵉ ⵜⴻⵎⴷⵉⵏⵉⵏ ⴷ ⵓⵙⵙⴻⵍⵀⵓ ⵏ ⵓⵙⵡⵉⵔ ⵏ ⵜⴻⵖⵙⴰⵔ ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ.

ⴷⴻⴳ ⵡⴰⵙⵙ-ⴰ ⵏ ⵓⵅⴻⴱⴱⴻⵔ ⴰⵢ ⴷ-ⵉⴳⴰ ⵓⵖⵍⵉⴼ ⵏ ⵜⴻⵖⴱⵓⵍⴰ (ⵎⴰⵡⴰⵔⵉⴷ) ⵏ ⵡⴰⵎⴰⵏ, ⵍⵍⴰⵏⵜ-ⴷ ⴷⴰⵖ ⵜⴻⵔⵣⴰ ⵖⴻⴼ ⵜⴻⵖⵙⴰⵔ (ⵎⴰⵃⴰⵟⵟⴰⵜ) ⵏ ⵓⵙⵙⵉⵣⴷⴻⴳ ⵏ ⵡⴰⵎⴰⵏ ⵏ ⴱⴻⵔⵔⴰⵇⵉ ⴷ ⵔⵔⵖⴰⵢⴰ.