ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵏⵏⴻⵔⵏⴰ ⵜⴽⴻⵔⵔⴰⵣⵜ ⵙ 7,5% ⴷⴻⴳ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴻⵔⵏⴰ ⵜⴽⴻⵔⵔⴰⵣⵜ (ⵣⵉⵔⴰⵄⴰ) ⵙ 7,5% ⴷⴻⴳ 2015, ⵢⵉⵍⵉ ⴷⴻⴳ 2014, ⵜⴻⵏⵏⴻⵔⵏⴰ ⴽⴰⵏ ⵙ 1%. ⴰⵏⵏⴻⵔⵏⵉ-ⴰ ⵏ 2015 ⴷ ⵡⵉⵏ ⴰⵢ ⴷ-ⵢⴻⵙⵙⴰⴷⴼⴻⵏ 2.900 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵏ ⵍⵖⴻⵍⵍⴰ ⵏ ⵜⴽⴻⵔⵔⴰⵣⵜ ⴷ 46 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵏ ⵍⵖⴻⵍⵍⴰ ⵏ ⵚⵚⵢⴰⴷⴰ ⴷ ⵜⴽⴻⵙⵙⴰⵡⵜ ⵏ ⵢⵉⵙⴻⵍⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ.

ⴰⵏⴻⵖⵍⴰⴼ, ⴰⵢ ⴷ-ⵢⴻⵙⵙⴰⵡⵍⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵓⵏⵎⴰⴳⴻⵔ ⵏ ⴻⵍ ⵎⵧⵓⴷⵊⴰⵀⵉⴷ, ⵉⵇⴻⴷⴷⴻⵎ-ⴷ ⵜⴰⵛⵔⴰⵡⵜ (ⵃⴰⵚⵉⵍⴰ) ⵜⵓⵄⴹⵉⵍⵜ ⵏ ⵓⵙⴻⴳⴳⴰⵙ ⴰⴽⴻⵔⵔⴰⵣⴰⵏ ⴳⴰⵔ ⵜⵓⴱⴻⵕ 2014 ⴷ ⵜⵓⴱⴻⵕ ⵏ 2015, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴷⴻⴳ 2015 ⴷ ⵡⵉⵏ ⴰⵢⴷⴻⴳ ⵢⴻⵔⴽⴻⴷ ⵓⵙⵙⵉⵡⴻⴹ ⵏ ⵙⵙⴻⵍⵄⴰ ⵖⴻⵔ ⵍⴻⵙⵡⴰⵇ, ⵍⴰⴷⵖⴰ ⴰⴽⴻⴼⴼⴰⵢ, ⵉⵎⴻⵏⴷⵉ (ⵃⵓⴱⵓⴱ) ⴷ ⵍⴱⴰⵟⴰⵟⴰ, ⴰⵎ ⵡⴰⴽⴽⴻⵏ ⴰⵢ ⵜⵜⵓⵏⴻⴼⴽⴻⵏ 173.000 ⵏ ⵢⵉⵣⵡⴰⵍ ⵏ ⵢⵉⵏⵉⴼ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵏ ⵓⵖⵍⵉⴼ-ⵏⵏⴻⵙ ⴷⴻⴳ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵢⴻⵏⵏⴰ-ⴷ ⵎⴰⵙⵙ ⴼⴻⵔⵔⵧⵓⴽⵀⵉ ⴷⴰⴽⴽⴻⵏ ⴰⴷ ⵉⵍⵉⵏ ⵢⵉⵙⵡⴰⵏ ⵉⴱⴰⵏⴻⵏ ⵓⴳⴰⵔ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴰⵡⴹⴻⵏ ⵖⴻⵔ-ⵙⴻⵏ ⴽⵔⴰ ⵏ ⵢⵉⵃⵔⵉⵛⴻⵏ ⵏ ⵜⴽⴻⵔⵔⴰⵣⵜ ⵙⴻⴳ 2016 ⴷ ⴰⵙⴰⵡⴻⵏ.

ⵢⵉⵡⴻⵏ ⵙⴻⴳ ⵢⵉⵙⵡⴰⵏ-ⴰ ⵏⴻⵜⵜⴰ ⴷ ⴰⵙⵙⵉⵡⴻⴹ ⵏ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⵇⴰⵎ ⵉⵎⴰⵏ-ⵏⵏⴻⵙ ⴷⴻⴳ ⵢⵉⵔⴷⴻⵏ ⵉⵇⵓⵔⴰⵏⴻⵏ, ⵍⴰⴷⵖⴰ ⵉⵎⵉ 50% ⵙⴻⴳ ⵢⵉⵔⴷⴻⵏ-ⴰ ⴷ ⴰⴵⴰⵡ ⴰⵢ ⵜⴻⵏ-ⵉⴷ-ⵜⴻⵜⵜⴰⴵⴻⵡ ⵍⴷⵣⴰⵢⴻⵔ: « ⵏⴻⵙⵄⴰ ⵜⵉⵣⴻⵎⵎⴰⵔ ⴰⴷ ⴰⵖ-ⵢⴻⴵⴵⴻⵏ ⴰⴷ ⵏⴻⵃⴱⴻⵙ ⴰⴵⴰⵡ ⵏ ⵢⵉⵔⴷⴻⵏ ⵢⴻⵔⵏⴰ ⴰⴷ ⴷ-ⵏⵡⴻⵀⵀⵉ ⴰⴽⴽ ⵓⵙⵙⵉⵙⴻⵏ-ⵏⵏⴻⵖ (ⵎⴰⴵⵀⵓⴷⴰⵜ) ⵖⴻⵔ ⵓⵃⵔⵉⵛ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⴰⴷ ⵉⵄⴰⵡⴻⵏ ⵜⵉⵖⵉⵏ ⵏ ⵣⵣⴻⵔⵔⵉⵄⴰⵜ ⵏ ⵢⵉⵎⵖⴰⵏ ⵏ ⵓⵎⵄⵉⵛ ⵏ ⵍⵎⴰⵍ ⴰⴽⴽⴻⵏ ⴰⴷ ⵢⴻⵙⵙⴻⴱⵖⴻⵙ ⴰⴼⴰⵔⴻⵙ (ⵉⵏⵜⴰⴵ) ⵏ ⵓⵎⵄⵉⵛ-ⴰ, ⴰⵛⴽⵓ ⴰⵢⴰ ⴷ ⴰⵃⵔⵉⵛ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵜⵎⴻⵔⵏⵉⵡⵜ ⵏ ⵓⴼⴰⵔⴻⵙ ⵏ ⵓⴽⴻⴼⴼⴰⵢ.

ⵙ ⵡⴰⵢⴰ, ⴰⵖⵍⵉⴼ ⵍⴰ ⵢⴻⵙⵙⴰⵔⴰⵎ ⴰⴷ ⵜⵓⵖⴰⵍ ⵍⴷⵣⴰⵢⴻⵔ ⵓⵔ ⴷ-ⵜⴻⵜⵜⴰⴵⴻⵡ ⴰⵔⴰ ⴰⴽⴽ ⴰⵖⴻⴱⴱⴰⵔ ⵏ ⵓⴽⴻⴼⴼⴰⵢ ⵙⴻⴳ-ⴰ ⵖⴻⵔ 2019.

ⴰⵃⵔⵉⵛ ⵏⵉⴹⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵏ ⵡⵉⵏ ⵏ ⵓⵍⵓⵎⵎⵉⵙ (ⵎⵓⵔⴰⴽⴽⴰⵣ) ⵏ ⵟⵓⵎⴰⵟⵉⵛ, ⵢⴻⵔⵏⴰ ⵉⵙⵡⵉ ⵏⴻⵜⵜⴰ ⴷ ⴰⵙⵙⵉⵡⴻⴹ ⵏ ⵍⴷⵣⴰⵢⴻⵔ ⴰⵔⵎⴰ ⵜⴻⵙⵙⴰⴵⴰⵡ ⴰⴼⴰⵔⵉⵙ-ⴰ ⵖⴻⵔ ⵓⵣⵖⴰⵔ ⵙⴻⴳ-ⴰ ⵖⴻⴼ 3 ⵏ ⵢⵉⵙⴻⴳⴳⴰⵙⴻⵏ.

ⵍⴷⵣⴰⵢⴻⵔ ⵜⵇⴰⵎ-ⴷ ⵉⵎⴰⵏ-ⵏⵏⴻⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴱⴰⵟⴰⵟⴰ ⵏ ⵓⵙⵙⵓⴷⴻⵔ (ⵉⵙⵜⵉⵀⵍⴰⴽ), ⵎⴰⵛⴰ ⵍⴰ ⵜⵅⴻⴷⴷⴻⵎ ⴷⴰⵖ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⴰⴷ ⴷ-ⵜⵇⴰⵎ ⵉⵎⴰⵏ-ⵏⵏⴻⵙ ⴷⴻⴳ ⵣⵣⴻⵔⵔⵉⵄⴰ ⵏ ⵍⴱⴰⵟⴰⵟⴰ.