ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵛⵇⵉⵔⵔⴻⵡ ⴰⴳⵔⴰⵖⵍⴰⵏ ⵏ ⵜⴻⵎⵙⵉⵣⵣⴻⵍⵜ ⵏ ⵓⴳⴰⵎⴰ: 2.500 ⵏ ⵢⵉⵏⴰⴷⴷⴰⵍⴻⵏ ⴰⴷ ⵢⴻⵜⵜⴻⴽⴽⵉⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⴱⴰⵜⴻⵏⵜ

ⵜⴰⴱⴰⵜⴻⵏⵜ – ⵓⴳⴰⵔ ⵏ 2.500 ⵏ ⵢⵉⵏⴰⴷⴷⴰⵍⴻⵏ ⴰⴷ ⵢⴻⵜⵜⴻⴽⴽⵉⵏ, ⴰⵙⵙ ⵏ ⵙⵙⴻⴱⵜ ⴷⴻⴳ ⵜⴱⴰⵜⴻⵏⵜ, ⴷⴻⴳ ⵓⵎⵙⵉⵣⵡⴻⵔ ⵏ ⵓⴳⴰⵎⴰ ⵏ « ⵢⵉⵅⴻⵔⴱⴰⵏ ⵏ ⵕⵕⵓⵎⴰⵏ », ⵢⴻⵔⵏⴰ ⴰⵎⵙⵉⵣⵡⴻⵔ-ⴰ ⴷ ⴰⵎⴻⵛⵡⴰⵕ ⵡⵉⵙ 8 ⵏ ⵓⵛⵇⵉⵔⵔⴻⵡ ⴰⵖⴻⵍⵏⴰⵡ ⵏ 2015-2016 ⵏ ⵜⴻⵎⵙⵉⵣⵣⴻⵍⵜ ⵏ ⵓⴳⴰⵎⴰ ⵏ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴰⵜⵍⵉⵜⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ. 12 ⵏ ⵜⴻⵎⵙⵉⵣⵣⵍⵉⵏ ⴰⴷ ⴷ-ⵢⵉⵍⵉⵏ ⴷⴻⴳ-ⵙ.

ⴰⵎⵙⵉⵣⵡⴻⵔ-ⴰ ⴰⴷ ⴷ-ⵢⵉⵍⵉ ⵙ ⵓⵎⵄⴰⵡⴻⵏ ⴳⴰⵔ ⵜⴻⵎⵖⵓⵏⵜ (ⵔⴰⴱⵉⵟⴰ) ⵏ ⵜⴰⵜⵍⵉⵍⵉⵜ ⵏ ⵜⴱⴰⵜⴻⵏⵜ ⴷ ⵜⵎⴻⵀⵍⴰ ⵏ ⵢⵉⵍⴻⵎⵥⵉⵢⴻⵏ ⴷ ⵡⴰⴷⴷⴰⵍ, ⵢⴻⵔⵏⴰ ⴰⴷ ⴷ-ⵢⵉⵍⵉ ⴷⴻⴳ ⵓⴱⵔⵉⴷ ⵉⵡⴻⵄⵕⴻⵏ, ⵍⴰⴷⵖⴰ ⵉⵎⵉ ⴰⵢ ⴷ-ⵉⵡⴻⵜ ⵓⴷⴼⴻⵍ ⴷⴻⴳ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⵀⵍⴰ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⴰⵣⴰⵍ ⵏ 2.000 ⵏ ⵢⵉⵏⴰⴷⴷⴰⵍⴻⵏ (ⵙⴻⴳ ⵜⴰⴳⴳⴰⵢⵉⵏ [ⴼⵉ’ⴰⵜ] ⵢⴻⵎⴳⴻⵔⵔⴰⴷⴻⵏ) ⴰⵢ ⴷ-ⵉⵡⴻⴽⴽⴷⴻⵏ ⴷ ⴰⴽⴽⴻⵏ ⴰⴷ ⵜⵜⴻⴽⴽⵉⵏ.

ⵉⵎⴹⴻⴱⴱⵔⴻⵏ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) « ⵀⴻⵢⵢⴰⵏ-ⴷ ⴰⴽⴽ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⵙⵔⴻⴱⵃⴻⵏ ⴰⵎⵙⵉⵣⵡⴻⵔ-ⴰ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵙ ⵓⵄⴰⵡⴻⵏ ⵏ ⵡⴰⵟⴰⵙ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⵖⴻⵍⵏⴰⵡⵉⵏ ⴷ ⵜⵓⵙⵍⵉⴳⵉⵏ. »

ⵜⴰⴷⵢⴰⵏⵜ-ⴰ ⵏ ⵓⵙⵡⵉⵔ ⴰⴳⵔⴰⵖⵍⴰⵏ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ 4 ⵏ ⵜⵎⵓⵔⴰ ⵜⵉⴱⴻⵕⵕⴰⵏⵉⵢⵉⴱⵏ, ⵢⴻⵔⵏⴰ ⵜⵉ ⴷ ⵜⵓⵏⴻⵙ, ⵎⴻⵕⵕⵓⴽ, ⴱⴻⵃⵕⵉⵏ ⴷ ⵇⴰⵟⴰⵔ.

ⵍⵡⴻⵍⵀⴰ ⴰⴷ ⴷ-ⵜⵉⵍⵉ ⵖⴻⵔ ⵓⵎⵙⵉⵣⵡⴻⵔ ⵏ ⵢⵉⵎⴻⵇⵔⴰⵏⴻⵏ ⵍⴰⴷⵖⴰ ⵉⵎⵉ ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵡⵓⵥⵡⵉⵔⴻⵏ ⵏ ⴰⵙⴰⵒⵛ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴰⵛ ⵍⴱⵓⵕⵊ ⴱⵓⵄⵕⵉⵕⵉⴵ, ⴷ ⵢⵉⵏⴰⴷⴷⴰⵍⴻⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⵜⴰⵖⴻⵍⵏⴰⵡⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵡⵉⴷ ⵏ ⵜⴻⵖⵍⴰⵎⵜ ⵏ ⵔⴱ ⵙⵙⵓⵇ ⵏ ⵍⴻⵜⵏⵉⵢⴻⵏ (ⵏ ⴱⴳⴰⵢⴻⵜ). ⵖⴻⵔ ⵜⵍⴰⵡⵉⵏ, ⴰⴷ ⵜⵜⴻⴽⴽⵉⵏⵜ ⴷⴰⵖ ⵜⵓⵥⵡⵉⵔⵉⵏ ⵏ ⵜⴻⵖⵍⴰⵎⵜ ⵏ ⵍⴱⵓⵕⵊ ⴱⵓⵄⵕⵉⵕⵉⴵ (ⵀⴰⴷⴷⴰ ⵙⵧⵓⴰⴰⴷⵉⴰ, ⵀⴰⴷⵊⴻⵔ ⵙⵧⵓⴽⴻⵀⴰⵍ ⴷ ⵔⵉⵎⴰ ⵛⵀⴻⵏⴰⵀ ⵔⵉⵎⴰ) ⴰⵢ ⵉⵔⴻⴱⵃⴻⵏ ⵢⴰⴳⵉ ⴷⴻⴳ ⵢⵉⵎⵙⵉⵣⴻⵡⵔⴻⵏ ⵢⴻⵣⵔⵉⵏ.

ⴰⵎⵙⵉⵣⵡⴻⵔ-ⴰ ⴰⴷ ⴷ-ⵜⵉⵍⵉⵏⵜ ⴷⴻⴳ-ⵙ 12 ⵏ ⵜⴻⵎⵙⵉⵣⵣⵍⵉⵏ ⵏ ⴳⴰⵔ 1.400 ⴷ 9.500 ⵏ ⵢⵉⵎⵉⵜⵔⴻⵏ (ⵖⴻⴼ ⵍⴻⵃⵙⴰⴱ ⵏ ⵜⴰⴳⴳⴰⵢⵉⵏ ⵏ ⵍⴻⵄⵎⴻⵕ).