ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵇⵚⴻⵏⵟⵉⵏⴰ 2015 : ⵓⴳⴰⵔ ⵏ 30 ⵉⵏⴰⵥⵓⵔⴻⵏ ⴷⴻⴳ ⵜⵎⴻⵙⵔⵉⵔⵜ ⵜⴰⵎⴻⵇⵇⵔⴰⵏⵜ ⵏ ⵜⴻⵙⵔⴻⵇⵜⴰ ⵏ ⵛⵛⴻⵔⵇ

ⵇⵚⴻⵏⵟⵉⵏⴰ - ⵜⴰⵎⴻⵙⵔⵉⵔⵜ ⵜⴰⵎⴻⵇⵇⵔⴰⵏⵜ ⵏ ⵜⴻⵙⵔⴻⵇⵜⴰ ⵏ ⵛⵛⴻⵔⵇ, ⵉ ⴷ-ⵢⴻⵙⵙⵓⴷⴷⴻⵙ ⵓⵃⵔⵉⵛ ⵏ ⵜⵣⵉⴽⵏⵉⵏ ⵏ ’’ⵇⵚⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⵉⴷⵍⴻⵙ ⴰⵄⵔⴰⴱ’’, ⵜⴻⵙⵙⴻⴳⵔⴻⵡ ⵙⴻⴳ ⵡⴰⵙⵙ ⵏ ⵍⴰⴱⴻⵄⴰ ⵜⴰⵎⴻⴷⴷⵉⵜ ⴷⴻⴳ ⵍⴻⵇⵚⴻⵔ ⵏ ⵢⵉⴷⵍⴻⵙⵎⵧⵀⴰⵎⴻⴷ-ⵍⴰïⴷ ⴰⵍ ⴽⵀⴰⵍⵉⴼⴰ 31 ⵉⵏⴰⵥⵓⵔⴻⵏ ⵉ ⴷ-ⵢⴻⴽⴽⴰⵏ ⵙⴻⴳ ⴷⴷⴻⵇⵙ ⵏ ⵜⵡⵉⵍⴰⵢⵉⵏ ⵏ ⵛⵛⴻⵔⵇ ⵏ ⵜⵎⵓⵔⵜ.

ⴰⵣⴰⵍ ⵏ 200 ⵏ ⵜⵚⴻⴽⴽⵉⵡⵉⵏ ⵢⴻⵜⵜⵡⴰⵙⵔⴻⵇⵜⴻⵏ ⵙ ⵜⴻⵜⵡⵉⵍⵉⵏ ⵢⴻⵎⴳⴰⵔⴰⴷⴻⵏ ⵏ ⵜⴻⵙⵔⴻⵇⵜⴰ, ⵙ ⵓⵙⵖⴰⵔ, ⵙ ⵓⵥⵔⵓ, ⵙ ⵍⴵⵉⵔ, ⵙ ⵜⴰⵍⴻⵖⵜ, ⵙ ⵡⴰⵍⴷⵓⵏ… ⵏⴻⵖ ⵙ ⵓⴼⴰⵔⴻⵙ ⵉ ⴷ-ⵍⴻⵇⴹⴻⵏ ⵙⵢⴰ ⵓⵙⵢⴰ, ⵉ ⵣⴻⵎⵔⴻⵏ ⵜⵓⵔⴰ ⴰⴷ ⵡⴰⵍⵉⵏ ⵢⴻⵇⵚⴻⵏⵟⵉⵏⵉⵢⴻⵏ, ⵓⵙⴰⵏ-ⴷ ⴷⴻⴳ ⵡⴰⵟⴰⵙ ⵢⵉⴷ-ⵙⴻⵏ ⵎⵉ ⵜⴻⵍⴷⵉ ⵜⵣⵉⴽⴻⵏⵜ.

ⵢⴻⵏⵏⴰ-ⴷ ⵎⴰⵙⵙ ⴰⵎⴰⵔ ⵏⵧⵓⵉ, ⴷ ⴰⵏⴰⵥⵓⵔ ⵢⴻⵔⵏⴰ ⴷ ⴰⵄⴻⴳⴳⴰⵍ ⵏ ⵓⵃⵔⵉⵛ ⵏ ⵜⵣⵉⴽⵏⵉⵏ, ⵜⴰⵎⴻⵙⵔⵉⵔⵜ ⵜⴰⵎⴻⵇⵇⵔⴰⵏⵜ ⵏ ⵜⴻⵙⵔⴻⵇⵜⴰ ⵏ ⵛⵛⴻⵔⵇ ⵎⴰⵞⵞⵉ ⴽⴰⵏ ⴷ ⴰⵙⴻⴳⵔⴻⵡ ⵏ ⵢⵉⵏⴰⵥⵓⵔⴻⵏ ⵉⵃⴻⵎⵍⴻⵏ ⵜⴰⵥⵓⵔⵉ-ⴰ ⵎⴰⵛⴰ ⴰⴷ ⵜⴻⴼⴽ ⵉ ⵢⵉⵎⴻⵣⴷⴰⵖ ⵏ ⵜⵡⵉⵍⴰⵢⵜ ‘’ⵢⵉⵡⴻⵜ ⵏ ⵜⵎⵓⵖⵍⵉ ⵖⴻⴼ ⵜⵥⵓⵔⵉ ⵏ ⵜⴻⵙⵔⴻⵇⵜⴰ’’ ⴰⵛⴽⵓ ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵏⴰⵥⵓⵔ-ⴰ ‘’ⴷ ⴰⵢⴻⵏ ⵓⵔ ⵏⴻⵜⵜⵡⴰⵙⵙⴻⵏ ⴰⵔⴰ ⴰⵟⴰⵙ ⴷⴻⴳ ⵜⵎⵓⵜ-ⵏⵏⴻⵖ’’.