ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ: ⵍⴷⵣⴰⵢⴻⵔ ⵜⵡⴻⵚⵚⴰ-ⴷ ⵖⴻⴼ ⵓⵎⵄⴰⵡⴻⵏ ⴰⴳⵔⴰⵖⵍⴰⵏ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵏⵏⴰⵏ-ⴷ ⵡⵉⴷ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵡⴻⵜ ⵏ ⵜⵏⴻⵎⵙⴻⵍⵜ (ⵡⴰⵔⵛⴰ) ⵖⴻⴼ ⵔⵔⴻⴱⵔⴰⴱ ⴷ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵜⵉⴱⴻⵕⵕⴰⵏⵉⵢⵉⵏ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵉⵎⴻⵏⵖⵉ ⵎⴳⴰⵍ ⵔⵔⴻⴱⵔⴰⴱ ⵢⴻⵃⵡⴰⴵ ⵜⵉⵔⵉⵔⵉⵜ ⵏ ⵓⵙⵡⵉⵔ ⴰⴳⵔⴰⵖⵍⴰⵏ.

« ⵜⵓⴳⴳⵣⵉⵡⵉⵏ (ⵜⴰⵀⴷⵉⴷⴰⵜ) ⵜⵉⵔⴻⴱⵔⴰⴱⵉⵏ ⵙⵉⵎⴰⵍ ⵍⴰ ⵜⵜⵉⵎⵖⵓⵔⴻⵏⵜ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⴷ-ⵜⵉⵍⵉ ⵜⵔⵉⵔⵉⵜ ⵏ ⵢⵉⵡⴰⵏⴰⴽⴻⵏ (ⴷⵓⵡⴰⵍ) ⴷ ⵜⴰⴳⵔⴰⵖⵍⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴷⴻⴳ ⵜⴻⴳⵔⴰⵢⵜ ⴰⵢ ⴷ-ⵓⵔⴰⵏ ⵎⵉ ⵜⴼⵓⴽ ⵜⵏⴻⵎⵙⴻⵍⵜ-ⴰ ⴰⵢ ⴷ-ⵢⴻⵍⵍⴰⵏ ⵙ ⵓⵣⵡⴻⵍ ⵏ « ⵜⵙⴻⵙⵜⴰⵏⵜ ⴷ ⵓⴹⴼⴰⵔ ⵏ ⵜⴻⵎⵙⴰⵍ ⵏ ⵔⵔⴻⴱⵔⴰⴱ ⵢⴻⵇⵇⵏⴻⵏ ⵖⴻⵔ ⵢⵉⵎⴻⵏⵖⴰⵏ ⵉⵔⴻⴱⵔⴰⴱⴻⵏ ⵉⴱⴻⵕⵕⴰⵏⵉⵢⴻⵏ ».

ⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⴷ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⴰⵢ ⵢⴻⵎⵍⴰⵍⴻⵏ 3 ⵏ ⵡⵓⵙⵙⴰⵏ ⴰⴽⴽⴻⵏ ⴰⴷ ⵙⵇⴻⵔⴷⵛⴻⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵜⵖⴻⵍⵍⵉⵙⵜ, ⵡⴻⵚⵚⴰⵏ-ⴷ ⴷⴰⵖ ⴰⵙⵙⴻⵇⴷⴻⵛ ⵏ ⵜⵜⴰⵡⵉⵍⴰⵜ « ⵉⵎⴻⵍⵍⵉⵍⴻⵏ ⵓⴳⴰⵔ ⵉ ⵓⵃⴱⴰⵙ ⵏ ⵔⵔⴻⴱⵔⴰⴱ ⴰⴱⴻⵕⵕⴰⵏⵉ ⴰⵢ ⵢⴻⵣⴳⴰⵏ ⵢⴻⵜⵜⵉⵎⵖⵓⵔ ».

ⵙ ⵡⴰⵢⴰ, ⵙⵇⴻⵔⴷⵛⴻⵏ-ⴷ ⴰⵟⴰⵙ ⵖⴻⴼ ⵡⴰⵣⴰⵍ ⴰⵢ ⵢⴻⵙⵄⴰ ⵓⵎⵄⴰⵡⴻⵏ ⴰⴳⵔⴰⵖⵍⴰⵏ ⵉ ⵍⵎⴻⵏⴷ ⵏ ⵓⵙⵙⴻⴱⴷⴻⴷ ⵏ ⵜⵜⴰⵡⵉⵍⴰⵜ ⵢⴻⵙⵙⴻⴼⴽⴻⵏ ⵉ ⵓⵃⵕⴰⵙ ⵏ ⵜⴻⴳⵏⵉⵜ ⵖⴻⴼ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ ⴰⵢ ⵢⴻⵙⵙⴻⵇⴷⴰⵛⴻⵏ ⵜⵉⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵏ ⵜⴻⵖⵡⴰⵍⵜ ⴷ ⵉⵏⵜⴻⵔⵏⴻⵜ ⵉ ⵓⵊⴱⴰⴷ ⵏ ⵢⵉⵍⴻⵎⵥⵉⵢⴻⵏ.

Ɣⴻⴼ ⵍⴻⵃⵙⴰⴱ ⵏ ⵢⵉⵎⴰⵣⵣⴰⴳⴻⵏ-ⴰ, ⵜⴰⵙⵏⴰⵜⵡⵉⵍⵜ ⴷ ⵏⴻⵜⵜⴰⵜ ⴰⵢ « ⵢⴻⵙⵙⵉⴼⵙⵓⵙⴻⵏ ⴰⵙⵙⵉⴷⴻⴼ ⵏ ⵢⵉⵎⴷⴰⵏⴻⵏ ⵉⵎⴰⵢⵏⵓⵜⴻⵏ ⵖⴻⵔ ⵜⴻⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ », ⴷⵖⴰ ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⵢⵉⵍⵉ « ⵓⵏⴰⴳⵔⴰⵡ ⵏ ⵓⵃⴻⵣⵣⴻⴱ ⵓⵛⵔⵉⴽ ⵙ ⵓⵎⵄⴰⵡⴻⵏ ⴰⴳⵔⴰⵖⵍⴰⵏ ».