ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵕⵕⵓⴽⵉⵢⴻⵏ ⴰⵢ ⵍⴰ ⵢⴻⵜⵜⵄⴻⴷⴷⵉⵏ ⵖⴻⴼ ⵍⴻⵣⵣⴰⵢⴻⵔ ⵖⴻⵔ ⵍⵉⴱⵢⴰ: ⵎⴻⵙⵙⴰⵀⴻⵍ ⵢⴻⵎⵎⵓⴳⴻⵔ ⴰⵏⵎⴰⵀⴰⵍ ⴰⵎⴻⵕⵕⵓⴽⵉ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵎⵎⵓⴳⴻⵔ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ, ⴰⵏⵎⴰⵀⴰⵍ (ⵙⴰⴼⵉⵔ) ⵏ ⵎⴻⵕⵕⵓⴽ ⴷⴻⴳ ⵍⴻⵣⵣⴰⵢⴻⵔ ⴰⴽⴽⴻⵏ ⴷ ⴰⴽⴽⴻⵏ ⵍⵍⴰⵏ ⴰⵟⴰⵙ ⵏ ⵢⵉⵎⴻⵕⵕⵓⴽⵉⵢⴻⵏ ⴰⵢ ⵍⴰ ⵉⵣⴻⴳⴳⵔⴻⵏ ⴰⴽⴰⵍ ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⴷⴷⵓⵏ ⵖⴻⵔ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
« ⵜⴰⵎⵙⴰⵍⵜ-ⴰ ⵏ ⵓⵏⵖⴰⵍ ⴰⵎⴻⵇⵔⴰⵏ ⵢⴻⴼⴼⵖⴻⵏ ⵉ ⵍⴻⵄⵡⴰⵢⴻⴷ ⵏ ⵢⵉⵎⴻⵕⵕⵓⴽⵉⵢⴻⵏ ⴰⵢ ⵍⴰ ⴷ-ⵢⴻⵜⵜⴰⵙⴻⵏ ⵙⴻⴳ ⵜⴳⴻⵎⵎⵉ ⵜⴰⵎⴻⵍⵍⴰⵍⵜ ⴰⴽⴽⴻⵏ ⴰⴷ ⴷⴷⵓⵏ ⵖⴻⵔ ⵍⵉⴱⵢⴰ ⵙ ⵓⵣⴳⴰⵔ ⵏ ⵡⴰⴽⴰⵍ ⴰⴷⵣⴰⵢⵔⵉ, ⵏⴳⴻⵔ-ⴰⵙ ⵜⴰⵎⴰⵡⵜ ⴷⴻⴳ ⵍⴻⴷⵡⴰⵕ-ⴰ ⵜⵉⵏⴻⴳⴳⵓⵔⴰ ⵢⴻⵔⵏⴰ ⵏⵅⴻⴱⴱⴻⵔ ⴼⴻⵍⵍ-ⴰⵙ ⴰⵏⵎⴰⵀⴰⵍ ⵏ ⵎⴻⵕⵕⵓⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.
ⵉ ⵍⵎⴻⵏⴷ ⵏ ⵡⴰⵢⴰ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵖⴻⴼ « ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ (ⴰⵎⵏ) ⵓⵔ ⵢⴻⵔⴽⵉⴷⴻⵏ ⵢⴻⵔⵏⴰ ⴰⵢⴰ ⵢⴻⵙⵙⵓⵜⴻⵔ-ⴷ ⵓⴳⴰⵔ ⵏ ⵍⴻⵃⴷⴻⵔ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⵜⴰⴳⵏⵉⵜ-ⴰ « ⵜⴻⵙⵙⵓⵜⵓⵔ-ⴷ ⴰⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴳⴰⵔ ⵜⵎⵓⵔⴰ ⵏ ⵜⴻⵎⵏⴰⴹⵜ ⴰⴽⴽⴻⵏ ⴰⵢ ⵍⴰ ⵜⴻⵜⵜⴻⵎⵄⴰⵡⴰⵏ ⵍⴻⵣⵣⴰⵢⴻⵔ ⴷ ⵜⵓⵏⴻⵙ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵔⵉⵔⵉ ⵏ ⵢⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ) ⵖⴻⵔ ⵜⵎⵓⵔⴰ-ⵏⵙⴻⵏ ».
ⵙ ⵡⴰⵢⴰ, ⵉⵅⴻⴱⴱⴻⵔ ⵎⴰⵙⵙ ⵎⴻⵙⵙⴰⵀⴻⵍ ⴰⵏⵎⴰⵀⴰⵍ ⴰⵎⴻⵕⵕⵓⴽⵉ ⴷ ⴰⴽⴽⴻⵏ « ⵉⴷⵓⴱⴰ ⵉⴷⵣⴰⵢⵔⵉⵢⴻⵏ ⴼⵔⴰⵏ-ⵜⵜ-ⵉⴷ ⴰⴷ ⴵⴵⴻⵏ, ⵜⵉⴽⴽⴻⵍⵜ-ⴰ, ⵢⴻⵔⵏⴰ ⵙ ⵜⵉⵏ ⵏ ⵜⵙⵓⵔⴻⴼⵜ (ⵉⵙⵜⵉⵜⵏⴰ’), ⵉⵖⴻⵔⵎⴰⵏⴻⵏ-ⴰ ⵉⵎⴻⵕⵕⵓⴽⵉⵢⴻⵏ ⵢⴻⵍⵍⴰ ⵉⵎⵉⵔ-ⴰ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⴰ ⵙⵄⴰⵏ ⵍⴻⴽⵡⴰⵖⴻⴹ ⵏ ⵜⵖⵉⵎⵉⵜ ⵏⴻⵖ ⵏ ⵓⵅⴻⴷⴷⵉⵎ ⴷⴻⴳ ⵍⵉⴱⵢⴰ, ⴰⴷ ⴽⴽⴻⵏ ⵖⴻⴼ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷⴷⵓⵏ ⵖⴻⵔ ⵜⵎⵓⵔⵜ-ⴰ. ⵎⴰⵛⴰ ⵉⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⵓⵔ ⵢⴻⵙⵄⵉⵏ ⴰⵔⴰ ⵍⴻⴽⵡⴰⵖⴻⴹ ⴰⴷ ⴷ-ⵉⵡⴻⴽⴽⴷⴻⵏ ⵙⵙⴻⴱⴱⴰ ⵏ ⵓⵙⵙⵉⴽⴻⵍ-ⵏⵙⴻⵏ ⵖⴻⵔ ⵍⵉⴱⵢⴰ, ⴰⴷ ⵜⵜⵡⴰⵥⵥⵄⴻⵏ ⵖⴻⵔ ⵜⵎⵓⵔⵜ-ⵏⵙⴻⵏ ⵜⴰⵏⴻⵚⵍⵉⵜ ».
ⵍⴻⵣⵣⴰⵢⴻⵔ « ⴰⴷ ⵜⴻⴼⴽ ⵜⵜⴰⵡⵉⵍ ⵏ ⵓⵎⴻⵙⵏⵉ (ⵏⴰⵇⵍ) ⵉ ⵢⵉⵎⴷⴰⵏⴻⵏ-ⴰ ⴰⴽⴽⴻⵏ ⴰⴷ ⵓⵖⴰⵍⴻⵏ ⵖⴻⵔ ⵎⴻⵕⵕⵓⴽ, ⵢⴻⵔⵏⴰ ⴰⴷ ⴰⵙⴻⵏ-ⵜⴻⴷⴷⵓ ⵙ ⵍⴻⵃⴷⴰⵇⴰ-ⵏⵏⵉ ⴰⵢⵢⴻⵙ ⵢⴻⵜⵜⵎⴰⴳⴰⵔ ⵓⵖⵔⴻⴼ ⴰⴷⵣⴰⵢⵔⵉ ⵉⵏⴻⴱⴳⵉⵡⴻⵏ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵍⵖⵓ-ⵏⵏⵉ.
