ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵏⴻⴳⵡⴰ ⵏ ⵍⴱⴻⵏⵢⴰⵏ: ⵜⴻⵏⵇⴻⵙ ⵜⴼⴰⵜⵓⵕⵜ ⵏ ⵡⴰⴵⴰⵡ ⴷⴻⴳ 2015

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵇⴻⵙ ⵜⴼⴰⵜⵓⵕⵜ ⵏ ⵡⴰⴵⴰⵡ ⵏ ⵜⵏⴻⴳⵡⴰ ⵏ ⵍⴱⴻⵏⵢⴰⵏ ⴷⴻⴳ 2015 ⵢⴻⵔⵏⴰ ⵜⴻⵙⵇⴰⵎ-ⴷ 2,54 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵢ ⴷ-ⵜⴻⵙⵇⴰⵎ 3,35 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 2014. ⵙ ⵡⴰⵢⴰ, ⵢⴻⵍⵍⴰ-ⴷ ⵓⵏⵇⴰⵙ ⵏ 24,1% ⴷⴻⴳ 2015, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⴻⴷⵡⴰⵏⵜ.

ⴷ ⴰⵛⵓ ⴽⴰⵏ, ⵜⴰⵙⵎⴻⴽⵜⴰ (ⴽⴰⵎⵎⵉⵢⵢⴰ) ⴰⵢ ⴷ-ⵢⴻⵜⵜⵡⴰⴵⵡⴻⵏ ⵜⴻⵔⵏⴰ ⵢⴻⵔⵏⴰ ⵜⴻⵡⵡⴻⴹ ⵖⴻⵔ 12,73 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⴷⴻⴳ 2015, ⵢⵉⵍⵉ ⴷⴻⴳ 2014, ⵜⴰⵙⵎⴻⴽⵜⴰ ⵜⴻⵡⵡⴻⴹ ⵖⴻⵔ 10,65 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ. ⵙ ⵡⴰⵢⴰ, ⵜⴻⵔⵏⴰ ⵜⴻⵙⵎⴻⴽⵜⴰ ⵏ ⵜⵏⴻⴳⵡⴰ ⵏ ⵍⴱⴻⵏⵢⴰⵏ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵙ 19,45%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴰⵎⵎⴰⵙ ⴰⵖⴻⵍⵏⴰⵡ ⵏ ⵜⵙⴻⵏⵙⴻⵍⴽⵉⵎⵜ ⴷ ⵜⴰⴷⴷⴰⴷⴰⵏⵉⵏ ⵏ ⵜⴻⴷⵡⴰⵏⵜ.

ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵓⵙⵉⵎⴰⵏ (ⵡⵉⵏ ⵏ ⵒⵧⵔⵜⵍⴰⵏⴷ, ⴰⵙⵉⵎⴰⵏ ⵓⵔ ⵢⴻⵜⵜⵡⴰⵏⴻⵖⴷⴻⵎ, ⴰⵙⵉⵎⴰⵏ ⵢⴻⵍⵍⵓⵎⵎⵏⴻⵏ, ⴰⵙⵉⵎⴰⵏ ⵉⵎⴻⵙⵡⵉ, ⴰⵜⴳ.) ⵜⴻⵡⵡⴻⴹ ⵖⴻⵔ 473,81 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (6,6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ), ⵎⴰ ⴷ ⴷⴻⴳ 2014, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 537,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵏ ⵓⵙⵉⵎⴰⵏ (6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ. ⵙ ⵡⴰⵢⴰ, ⵢⴻⵍⵍⴰ-ⴷ ⵓⵏⵇⴰⵙ ⵏ 12% ⴷⴻⴳ ⵙⵙⵓⵎⴰ ⴷ ⵜⵎⴻⵔⵏⵉⵡⵜ ⵏ 9,55% ⴷⴻⴳ ⵜⴻⵙⵎⴻⴽⵜⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵖⴰⵔ, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 639,82 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (3,08 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ) ⴷⴻⴳ 2015, ⵢⵉⵍⵉ ⴷⴻⴳ 2014, ⵜⵓⴵⴻⵡ-ⴷ 846,65 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (1,53 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ). ⵢⴻⵍⵍⴰ-ⴷ, ⵙ ⵡⴰⵢⴰ, ⵓⵏⵇⴰⵙ ⵏ 24,43% ⴷⴻⴳ ⵡⴰⵣⴰⵍ ⴷ ⵜⵎⴻⵔⵏⵉⵡⵜ ⵏ 101% ⴷⴻⴳ ⵜⴻⵙⵎⴻⴽⵜⴰ.

ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵡⵓⵣⵣⴰⵍ ⴷ ⵓⵏⴼⴻⴷ (ⴼⵓⵍⴰⴷ) ⵜⴻⵏⵇⴻⵙ-ⴷ ⵖⴻⵔ 1,38 ⴷ ⴰⵎⴻⵍⵢⵓⵏ ⵏ ⵢⵉⴷⵓⵍⴰⵕⴻⵏ, ⵢⵉⵍⵉ ⴷⴻⴳ 2014, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 1,88 ⴷ ⴰⵎⴻⵍⵢⵓⵏ ⵏ ⵢⵉⴷⵓⵍⴰⵕⴻⵏ (ⴷ ⴰⵏⵇⴰⵙ ⵏ 26,7%), ⵢⴻⵔⵏⴰ ⵓⵍⴰ ⴷ ⵜⴰⵙⵎⴻⴽⵜⴰ ⵜⴻⵏⵇⴻⵙ-ⴷ ⵖⴻⵔ 2,99 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵢⵉⵍⵉ ⴷⴻⴳ 2014, ⵜⵜⵡⴰⴵⵡⴻⵏ-ⴷ 3,04 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵡⵓⵣⵣⴰⵍ ⴷ ⵓⵏⴼⴻⴷ (ⴷ ⴰⵏⵙⴰⵇ ⵙ 1,6%).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴵⴰⵡ ⵏ ⵢⵉⴼⴰⵔⵉⵙⴻⵏ ⵏ ⵜⵙⵉⵕⴰⵎⵉⵜ (ⴰⵍⴰⵊⵓⵕ, ⵜⵉⵎⴻⴷⵍⵉⵏ, ⵜⵉⴱⵍⴰⴹⵉⵏ ⴷ ⵜⵖⴰⵡⵙⵉⵡⵉⵏ ⵉⵛⵓⴱⴰⵏ ⴰⵢⴰ), ⵜⴻⵏⵇⴻⵙ-ⴷ ⵜⴼⴰⵜⵓⵕⵜ ⵖⴻⵔ 47,65 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵡⴰⴽⵓⴷ ⴰⵢⴷⴻⴳ ⴷⴻⴳ 2014, ⵜⵓⴵⴻⵡ-ⴷ ⵍⴻⵣⵣⴰⵢⴻⵔ 80,71 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ (ⴷ ⴰⵏⵇⴰⵙ ⵏ 41%), ⵎⴰ ⴷ ⵜⴰⵙⵎⴻⴽⵜⴰ ⴰⵢ ⴷ-ⵢⴻⵜⵜⵡⴰⴵⵡⴻⵏ ⵜⴻⵏⵇⴻⵙ-ⴷ ⵖⴻⵔ 48.554,51 ⵏ ⵢⵉⵟⵓⵏⴻⵏ, ⵢⵉⵍⵉ ⴷⴻⴳ 2014, ⵜⴰⵙⵎⴻⴽⵜⴰ ⵜⴻⵡⵡⴻⴹ ⵖⴻⵔ 53.025,89 ⵏ ⵢⵉⵟⵓⵏⴻⵏ (ⴷ ⴰⵏⵇⴰⵙ ⵏ 8,43%).

ⵙ ⵓⵎⴰⵜⴰ, ⴰⵏⵇⴰⵙ-ⴰ ⴷⴻⴳ ⵜⴼⴰⵜⵓⵕⵜ ⵏ ⵡⴰⴵⴰⵡ ⵏ ⵜⵏⴻⴳⵡⴰ ⵏ ⵍⴱⴻⵏⵢⴰⵏ ⵢⴻⴱⴷⴰ-ⴷ ⵙⴻⴳ ⵜⴻⵣⵡⴰⵔⴰ ⵏ 2015, ⵢⴻⵔⵏⴰ ⵢⴻⵍⵍⴰ-ⴷ ⵍⴰⴷⵖⴰ ⵉⵎⵉ ⴰⵢ ⵜⴻⵏⵇⴻⵙ ⵙⵙⵓⵎⴰ ⵏ ⵓⵎⵓⵔ ⴰⵎⴻⵇⵔⴰⵏ ⵙⴻⴳ ⵜⵏⴻⴳⵡⴰ-ⴰ ⴷⴻⴳ ⵓⵎⴰⴹⴰⵍ, ⴰⵎ ⵡⴰⴽⴽⴻⵏ ⴷⴰⵖ ⴰⵢ ⴷ-ⵢⴻⵍⵍⴰ ⵖⴻⴼ ⵍⴵⴰⵍ ⵏ ⵓⵙⵙⴻⴱⵖⴻⵙ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⴷⵣⴰⵢⵔⵉ ⴰⴽⴽⴻⵏ ⴰⴷ ⵜⵜⵡⴰⵙⵙⴻⵇⴷⴰⵛⴻⵏⵜ ⵜⵏⴻⴳⵡⴰ ⵏ ⵍⴱⴻⵏⵢⴰⵏ ⴰⵢ ⴷ-ⵢⴻⵜⵜⵡⴰⵅⴻⴷⵎⴻⵏ ⴷⴻⴳ ⵜⵎⵓⵔⵜ ⵉ ⵓⵙⵎⴰⵍ (ⵜⴰⵔⵇⵉⵢⴰ) ⵏ ⵙⵙⴻⵍⵄⴰ ⵜⴰⵖⴻⵍⵏⴰⵡⵜ ⴷ ⵓⵃⴱⴰⵙ ⵏ ⵡⴰⴵⴰⵡ.