ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⵊⴰⵀⴻⴷ ⴰⴱⴷⴻⵍⵀⴰⴼⵉⴷ ⵢⴰⵀⴰ ⴷⵉⵎⴰ ⵉⵇⵓⴷⴻⵔ ⵍⵉⵎⵉⵏ ⴷ ⵡⴰⵣⴰⵍⴻⵏ ⵏ ⵏⵡⴻⵎⴱⴻⵕ ⵏ 1954 (ⵣⵉⵜⵧⵓⵏⵉ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (25 ⵢⴻⵏⵏⴰⵢⴻⵔ 2016) – ⵢⴻⵔⵔⴰ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⵜⴰⵊⵎⵉⵍⵜ, ⴰⵙⵙ ⵏ ⵍⴻⵜⵏⵉⵢⴻⵏ, ⵉ ⵓⵎⴻⵛⵡⴰⵕ ⴰⵢ ⴷ-ⵢⴻⵡⵡⵉ ⵓⵎⵊⴰⵀⴻⴷ ⴰⵎⴻⵕⵃⵓⵎ ⴷ ⵓⵎⴻⵖⵏⴰⵙ ⴰⴱⴷⴻⵍⵀⴰⴼⵉⴷ ⵢⴰⵀⴰ, ⴰⵢ ⵢⴻⵡⵡⴹⴻⵏ ⵍⴻⵄⴼⵓ ⵏ ⵕⴻⴱⴱⵉ ⵖⴻⵔ 83 ⵏ ⵢⵉⵙⴻⴳⴳⴰⵙⴻⵏ.

ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⵏ ⵓⵄⴻⵣⵣⵉ ⴰⵢ ⵢⵓⵣⴻⵏ ⵉ ⵜⵡⴰⵛⵓⵍⵜ ⵏ ⵓⵎⵊⴰⵀⴻⴷ ⴰⴱⴷⴻⵍⵀⴰⴼⵉⴷ ⵢⴰⵀⴰ, ⵢⴻⵏⵏⴰ-ⴷ ⵎⴰⵙⵙ ⵣⵉⵜⵧⵓⵏⵉ ⴷ ⴰⴽⴽⴻⵏ « ⴰⵎⴻⵕⵃⵓⵎ ⵢⴻⵇⵇⵉⵎ ⵢⴻⵜⵜⵇⴰⴷⴰⵔ ⵍⵉⵎⵉⵏ ⴷ ⵡⴰⵣⴰⵍⴻⵏ ⵏ ⵓⵎⴻⵏⴻⵣⵓ ⵏ ⵏⵡⴻⵎⴱⴻⵕ 1954 ⴰⵔⵎⵉ ⴷ ⴰⵙⵎⵉ ⴰⵢ ⵢⴻⵡⵡⴻⴹ ⵍⴻⵄⴼⵓ ⵏ ⵕⴻⴱⴱⵉ ⴰⵙⵙ ⵏ ⵍⵃⴻⴷⴷ ⴷⴻⴳ ⵒⴰⵔⵉⵙ ».

« ⵢⴻⵡⵡⴻⴹ-ⵉⵢⵉ-ⴷ ⵙ ⵍⴻⵃⵣⴻⵏ ⴷ ⴰⵎⴻⵇⵔⴰⵏ ⵢⵉⵙⴰⵍⵉ ⵏ ⵜⵎⴻⵜⵜⴰⵏⵜ ⵏ ⵓⵎⵊⴰⵀⴻⴷ ⴰⵎⴻⵖⵏⴰⵙ ⵏ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ, ⴰⴱⴷⴻⵍⵀⴰⴼⵉⴷ ⵢⴰⵀⴰ, ⵢⴻⵜⵜⵡⴰⵙⵙⵏⴻⵏ ⵙ ⵢⵉⵙⴻⵎ ⵏ’ⵙⵙⵉ ⵍⵃⴰⴼⵉⴹ’ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ.

ⴷⴻⴳ ⵜⴻⴳⵏⵉⵜ-ⴰ ⵜⵓⵇⵔⵉⵃⵜ, ⵉⵄⴻⵣⵣⴰ ⵓⵏⴻⵖⵍⴰⴼ « ⵜⴰⵡⴰⵛⵓⵍⵜ ⵏ ⵓⵎⴻⵕⵃⵓⵎ ⴷ ⵢⵉⵔⴼⵉⵇⴻⵏ-ⵏⵏⴻⵙ ⵏ ⵢⵉⵎⴻⵏⵖⵉ, ⵢⴻⵔⵏⴰ ⵢⴻⴷⵄⴰ ⵉ ⵕⴻⴱⴱⵉ ⴰⴷ ⴰⵙ-ⵢⴻⵔⵥⴻⵇ ⵕⵕⴻⵃⵎⴰ ⴷ ⵍⴵⴻⵏⵏⴻⵜ ⵖⴻⵔ ⵢⵉⴷⵉⵙ ⵏ ⵡⵉⴷ ⴰⵢ ⵉⵄⵓⵣⵣ, ⵢⴻⵔⵏⴰ ⴰⴷ ⴷ-ⵢⴰⵣⴻⵏ ⵚⵚⴱⴻⵔ ⵉ ⵡⴰⵢⵜ ⵜⵡⴰⵛⵓⵍⵜ-ⵏⵏⴻⵙ ».

ⵉⵍⵓⵍ ⴰⴱⴷⴻⵍⵀⴰⴼⵉⴷ ⵢⴰⵀⴰ ⴰⵙⵙ ⵏ 26 ⵢⴻⵏⵏⴰⵢⴻⵔ 1933 ⴷⴻⴳ ⵜⴰⴷⴷⴰⵔⵜ ⵏ ⴰⵉⵜ ⴰⵙⵙⵧⵓ, ⴷⴻⴳ ⵜⵖⵉⵡⴰⵏⵜ ⵏ ⵢⵉⴼⴻⵕⵃⵓⵏⴻⵏ, ⴷⴻⴳ ⵜⴷⴰⵢⵕⴰ ⵏ ⵄⵉⵏ ⵍⵃⴻⵎⵎⴰⵎ (ⵜⵉⵣⵉ ⵡⴻⵣⵣⵓ), ⵢⴻⵔⵏⴰ ⵢⴻⵜⵜⴻⴽⴽⴰ, ⵙⴻⴳ ⵡⴰⵙⵎⵉ ⴰⵢ ⵢⴻⵍⵍⴰ ⵎⴻⵥⵥⵉⵢ, ⴷⴻⴳ ⵓⵎⵓⵙⵙⵓ ⴰⵖⴻⵍⵏⴰⵡ, ⵓⵇⴱⴻⵍ ⵎⴰ ⵢⵓⴷⴻⴼ ⵖⴻⵔ ⵢⵉⵖⴰⵍⵍⴻⵏ ⵏ ⵢⵉⴳⴻⵏ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ.