ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵡⴻⴽⴽⴻⴷ-ⴷ ⵎⴰⵙⵙ ⵙⴻⵔⵔⴰⴷⵊ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⴻⵍⵎⴻⴷ ⵍⵉⴱⵢⴰ ⵙⴻⴳ ⵜⵜⴻⵊⵕⵉⴱⴰ ⵜⴰⴷⵣⴰⵢⵔⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵙⴻⵍⵡⴰⵢⴰⵏ ⴰⵍⵉⴱⵉ, ⴼⴰⵉⵣ ⵙⴻⵔⵔⴰⴷⵊ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ, ⴷⴰⴽⴽⴻⵏ ⴰⵍⵎⴰⴷ ⵙⴻⴳ ⵜⵜⴻⵊⵕⵉⴱⴰ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵔⵉⵔⵉ ⵏ ⵜⴰⵍⵡⵉⵜ ⴷ ⵓⵎⵙⴻⴼⵀⴰⵎ ⴷ ⴰⵢⴻⵏ ⵢⴻⵙⵄⴰⵏ ⴰⵣⴰⵍ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⴰⵢ ⴷ-ⵉⴳⴰ ⵉ ⵜⵖⴻⵎⵙⴰ ⴷⴻⴼⴼⵉⵔ ⵓⵎⵢⴰⴳⴻⵔ-ⵏⵏⴻⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵏⵏⴰ-ⴷ ⵎⴰⵙⵙ ⵙⴻⵔⵔⴰⴷⵊ ⴷⴰⴽⴽⴻⵏ « ⵍⴻⵣⵣⴰⵢⴻⵔ ⵜⴻⵍⵎⴻⴷ-ⴷ ⵙⴻⴳ ⵜⵜⴻⵊⵕⵉⴱⴰ-ⵏⵏⴻⵙ, ⵢⴻⵔⵏⴰ ⵏⴻⴽⴽⵏⵉ ⵍⴰ ⵏⵄⴻⵔⵔⴻⴹ ⴰⴷ ⴷ-ⵏⴼⴰⵕⴻⵙ ⵙⴻⴳ ⵡⴰⵢⴰ », ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⵜⴰⵙⴻⵔⵜⵉⵜ ⵏ ⵓⵎⵙⵓⵖⴰⵍ ⴰⵖⴻⵍⵏⴰⵡ ⴰⵢ ⴷ-ⵜⴻⴱⴷⴰ ⵍⴻⵣⵣⴰⵢⴻⵔ ⵜⴻⵍⵍⴰ-ⴷ ⴰⵎⵣⵓⵏ ⴷ ⴰⵖⴻⵔⴱⴰⵣ ⵉ ⵜⴰⵍⵡⵉⵜ ⵜⴰⵏⵎⴻⵜⵜⵉⵜ (ⵉⴵⵜⵉⵎⴰⵄⵉⵢⵢⴰ) ».
« ⵍⵉⴱⵢⴰ ⴰⵜⵜⴰⵏ ⵍⴰ ⵜⴻⵜⵜⴻⴽⴽ ⵖⴻⴼ ⵢⵉⵡⴻⵜ ⵏ ⵜⴰⵍⵍⵉⵜ ⴷ ⵜⴰⵡⴻⵄⵕⴰⵏⵜ ⴰⵟⴰⵙ, ⵢⴻⵔⵏⴰ ⵖⴻⴼ ⵡⴰⵢⴰ ⴰⵢ ⵏⴻⵃⵡⴰⴵ ⴰⴷ ⴷ-ⵏⴻⵍⵎⴻⴷ ⵙⴻⴳ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵍⵉⴱⵉ ⴰⵢ ⵢⴻⵙⵏⴻⵎⵎⵔⴻⵏ « ⵍⴻⵣⵣⴰⵢⴻⵔ, ⵙ ⵓⵏⴰⴱⴰⴹ-ⵏⵏⴻⵙ, ⵙ ⵓⵖⵔⴻⴼ-ⵏⵏⴻⵙ, ⵖⴻⴼ ⵓⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵍⵉⴱⵢⴰ ⴷⴻⴳ ⵍⴻⵎⵛⴰⵡⵕⴰⵜ-ⵏⵏⵉ ⴰⵢ ⵉⴼⵓⴽⴻⵏ ⵙ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ».
