ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⵓⴼⴼⴻⵖ ⵏ ⵍⵉⴱⵢⴰ ⵙⴻⴳ ⵜⴰⵍⵓⴼⵜ ⵢⴻⵇⵇⴻⵏ ⵖⴻⵔ ⵓⵇⴱⴰⵍ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵙⵙⵉⵔⴻⵎ ⵏ ⵓⵙⵙⵓⴼⴼⴻⵖ ⵏ ⵍⵉⴱⵢⴰ ⵙⴻⴳ ⵜⴰⵍⵓⴼⵜ ⴰⵢⴷⴻⴳ ⵜⴻⵍⵍⴰ ⵢⴻⵇⵇⴻⵏ ⵖⴻⵔ ⵓⵇⴱⴰⵍ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵢ ⴷ-ⵢⴻⵜⵜⵡⴰⵙⴱⴻⴷⴷⴻⵏ ⴷⴷⵓⵕⵜ ⴰⵢⴰ.

ⴰⵏⴰⴱⴰⴹ-ⴰ ⴰⵎⴰⵢⵏⵓ ⵜⵜⵡⴰⴽⴻⵛⴼⴻⵏ-ⴷ ⵢⵉⵙⵎⴰⵡⴻⵏ ⵏ ⵡⵉⴷ ⴰⴷ ⵢⴻⵜⵜⴻⴽⴽⵉⵏ ⴷⴻⴳ-ⵙ ⴷⴻⴳ ⵡⴰⵙⵙ ⵏ 19 ⵢⴻⵏⵏⴰⵢⴻⵔ, ⴷⴻⴼⴼⵉⵔ ⵍⴻⵎⵛⴰⵡⵕⴰⵜ ⴷ ⵜⵉⵖⴻⵣⴼⴰⵏⵉⵏ, ⵢⴻⵔⵏⴰ ⴰⵙⵎⵉ ⴰⴷ ⵢⴻⴱⴷⵓ ⴰⵅⴻⴷⴷⵉⵎ, ⴰⴷ ⴷ-ⵢⴻⵍⵀⵓ ⵙ ⵓⵙⴷⵓⴽⴽⴻⵍ ⵏ ⵜⴻⴳⵔⴰⵡⵉⵏ ⵜⵉⵍⵉⴱⵉⵢⵉⵏ ⵢⴻⵎⵅⴰⵚⴰⵎⴻⵏ ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵏ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⴰⵢⴰ ⵢⴻⵙⵄⴰ ⴰⵣⴰⵍ ⴰⵎⴻⵇⵔⴰⵏ ⵉ ⴼⴻⵔⵔⵓ ⵏ ⵜⵍⵓⴼⴰ ⵏ ⵜⵙⴻⵔⵜⵉⵜ, ⵜⴰⴷⴰⵎⵙⴰ ⴷ ⵜⵖⴻⵍⵍⵉⵙⵜ (ⴰⵎⵏ) ⴰⵢⴷⴻⴳ ⵜⴻⵣⴷⴻⵔ ⵜⵎⵓⵔⵜ-ⴰ.

ⴰⵎⵏⵉ ⴰⵍⵉⴱⵉ ⵢⴻⵍⵍⴰⵏ ⴷⴻⴳ ⵟⵓⴱⵔⵓⵇ (ⵡⵉⵏ ⴰⵢⵢⴻⵙ ⵙⵜⴻⵄⵕⴼⴻⵏ ⵍⴻⴵⵏⴰⵙ) ⵓⵔ ⵢⴻⵙⵙⴰⵡⴻⴹ ⴰⵔⴰ, ⴷⴻⴳ ⵜⴻⵎⵍⵉⵍⵉⵜ-ⵏⵏⴻⵙ ⵢⴻⵣⵔⵉⵏ, ⴰⴷ ⵢⴻⴼⴽ ⵍⴰⵎⴰⵏ ⵉ ⵓⵏⴰⴱⴰⴹ-ⴰ ⵏ 32 ⵏ ⵢⵉⵏⴻⵖⵍⴰⴼⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵍⵉⴱⵢⴰ.

« ⵙⴻⴳ ⴳⴰⵔ 104 ⵏ ⵢⵉⵎⴰⵣⴰⵏⴻⵏ (ⵏⵓⵡⵡⴰⴱ) ⴰⵢ ⵉⵃⴻⴷⵕⴻⵏ ⴰⵙⵙ-ⴰ, 89 ⴰⵢ ⴷ-ⵢⴻⵏⵏⴰⵏ ⵓⵀⵓ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵙⴻⴳ-ⵙⴻⵏ, ⴰⵍⵉ ⴰⵍ-ⴳⴰⵢⴷⵉ, ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ ⴰⵢ ⴷ-ⴳⴰⵏ ⵉ ⵓⵇⴱⴰⵍ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ.

ⵉⵎⴰⵣⴰⵏⴻⵏ « ⵓⴳⵉⵏ ⴰⵏⴰⴱⴰⴹ-ⴰ ⵖⴻⴼ ⵍⴵⴰⵍ ⵏ ⵓⵎⴹⴰⵏ (ⵄⴰⴷⴰⴷ) ⵏ ⵢⵉⵏⴻⵖⵍⴰⴼⴻⵏ », ⵉⵎⵉ ⴰⵢ ⵜ-ⵡⴰⵍⴰⵏ ⴷ ⴰⵎⴻⵇⵔⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵏⴰⴱⴰⴹ ⵏⵉⴹⴻⵏ, ⴻⵍ-ⵙⴰⵍⵀⵉⵏⴻ ⴰⴱⴷⴻⵍⵏⴰⴱⵉ.

ⴷ ⴰⵛⵓ ⴽⴰⵏ, ⵢⴻⵣⵎⴻⵔ ⴰⴷ ⵉⴱⴻⴷⴷⴻⵍ ⵓⵎⵏⵉ (ⴱⴰⵔⵍⴰⵎⴰⵏ) ⵕⵕⴰⵢ-ⵏⵏⴻⵙ ⵉⵎⵉ « ⴰⵢ ⵢⴻⴼⴽⴰ 10 ⵏ ⵡⵓⵙⵙⴰⵏ ⴰⴽⴽⴻⵏ ⴰⴷ ⵉⵄⴰⵡⴻⴷ ⴰⴷ ⴷ-ⵢⴻⵜⵜⵡⴰⵙⵙⴻⴱⴷⴻⴷ ⵓⵏⴰⴱⴰⴹ ⴰⵎⴰⵢⵏⵓ ⵙ ⵓⵎⴹⴰⵏ ⴷ ⴰⵎⴻⵥⵢⴰⵏ ⵏ ⵢⵉⵏⴻⵖⵍⴰⴼⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴼⴰⵜⵀⵉ ⴰⴱⴷⴻⵍⴽⴰⵔⵉⵎ.

ⴰⵏⴰⴱⴰⴹ ⵏ ⵜⴷⵓⴽⵍⵉ ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵓⵔⴳⴰⵣ ⵏ ⵢⵉⵡⴻⵥⵍⴰ ⴰⵟⵔⴰⴱⴻⵍⵙⵉ, ⴼⴰⵢⴻⵣ ⴻⵍ ⵙⴻⵔⵔⴰⵊ, ⵢⴻⵙⵙⴻⴼⴽ ⴰⴷ ⵜ-ⵜⴻⵇⴱⴻⵍ ⵜⴻⴳⵜⵉ (ⴰⵖⵍⴰⴱⵉⵢⵢⴰ) ⵏ ⵙⵉⵏ ⵏ ⵢⵉⵎⵓⵔⴻⵏ ⵖⴻⴼ 3 ⴷⴻⴳ ⵓⵎⵏⵉ ⵏ ⵟⵓⴱⵔⵓⵇ. ⵙⵏⴰⵜ ⵏ ⵜⵉⴽⴽⴰⵍ ⴰⵢ ⴷ-ⵢⴻⵍⵍⴰ ⵓⴷⵖⴰⵔ (ⵜⴰⵚⵡⵉⵜ) ⵖⴻⴼ ⵓⵏⴰⴱⴰⴹ-ⴰ, ⵎⴰⵛⴰ ⵓⵔ ⵉⵄⴻⴷⴷⴰ ⴰⵔⴰ ⴷⴻⴳ ⵓⵎⵏⵉ.

ⵍⴻⵎⵎⴻⵔ ⴰⴷ ⵢⴻⴱⴷⵓ ⵓⵏⴰⴱⴰⴹ-ⴰ ⴰⵅⴻⴷⴷⵉⵎ, ⴰⴷ ⴷ-ⵢⵉⵍⵉ ⵡⴰⵢⴰ ⴷ ⴰⵙⵓⵔⵉⴼ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵙⵙⴻⵔⴽⴻⴷ ⵏ ⵜⵎⵓⵔⵜ ⴷ ⵢⵉⵎⴻⵏⵖⵉ ⵎⴳⴰⵍ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ ⴰⵡⴰⵏⴰⴽ ⵉⵙⵍⴰⵎⴰⵏ, ⴰⵢ ⵢⵓⴼⴰⵏ ⵉⵎⴰⵏ-ⵏⵏⴻⵙ ⵖⴻⴼ ⵍⴵⴰⵍ ⵏ ⵢⵉⵍⴻⵎ ⴰⵙⴻⵔⵜⵉ ⵢⴻⵍⵍⴰⵏ ⴷⴻⴳ ⵜⵎⵓⵔⵜ-ⴰ.