ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵙⵙⴰⵡⴻⴹ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵕⵕⴻⵃⵎⴰ ⵉ ⵢⵉⴷⵣⴰⵢⵔⵉⵢⴻⵏ ⵢⴻⵎⵎⵓⵜⴻⵏ ⴰⵙⵙ ⵏ 17 ⵜⵓⴱⴻⵕ ⴷⴻⴳ ⵒⴰⵔⵉⵙ

ⵒⴰⵔⵉⵙ – ⵢⴻⵙⵙⴰⵡⴻⴹ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⵜⴰⵢⴻⴱ ⵣⵉⵜⵧⵓⵏⵉ, ⵕⵕⴻⵃⵎⴰ, ⴰⵙⵙ ⵏ ⵍⴰⵕⴻḅⵄⴰ ⵜⴰⵎⴻⴷⴷⵉⵜ, ⴷⴻⴳ ⵒⴰⵔⵉⵙ, ⵉ ⵢⵉⴷⵣⴰⵢⵔⵉⵢⴻⵏ ⵢⴻⵎⵎⵓⵜⴻⵏ ⴷⴻⴳ ⵜⵏⴻⴳⵣⴰⵔⵉⵏ ⵏ 17 ⵜⵓⴱⴻⵕ 1961.

ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⴼⵕⴰⵏⵙⴰ (ⴷ ⵜⴰⵎⴻⵣⵡⴰⵔⵓⵜ ⵙⴻⴳ ⵚⵚⴻⵏⴼ-ⵏⵏⴻⵙ), ⵢⴻⵙⵙⴰⵡⴻⴹ ⵓⵏⴻⵖⵍⴰⴼ ⵕⵕⴻⵃⵎⴰ ⵉ ⵜⵡⵉⵏⴰⵙ-ⵏⵏⵉ (ⵎⵉ’ⴰⵜ) ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵣⴻⵍⵍⵉⵏ ⵖⴻⵔ ⵡⴰⵙⵉⴼ ⵏ ⵙⴻⵉⵏⴻ, ⵎⵉ ⵢⴻⵔⵣⴰ ⵖⴻⴼ ⵜⵍⴻⴳⴳⵉⵜ ⵏ ⵙⴰⵉⵏⵜ-ⵎⵉⵛⵀⴻⵍ. ⴰⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵢⴻⴷⴷⴰ ⵖⴻⵔ ⴷⵉⵏ ⴷ ⵓⵎⴰⵔⵓ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⴼⵕⴻⵏⵙⵉⵙ ⴷ-ⵢⴻⵍⵀⴰⵏ ⵙ ⵢⵉⵎⴻⵏⵖⴰⵏ ⵉⵇⴱⵓⵔⴻⵏ, ⵊⴻⴰⵏ-ⵎⴰⵔⵛ ⵜⵧⴷⴻⵙⵛⵀⵉⵏⵉ.

ⴷⴻⴳ ⵡⴰⵙⵙ ⵏ 17 ⵜⵓⴱⴻⵕ, ⵜⴰⵎⵙⵓⵍⵜⴰ (ⵛⵓⵔⵟⴰ) ⵜⴰⴼⵕⴻⵏⵙⵉⵙⵜ, ⵢⴻⵍⵍⴰⵏ ⵉⵎⵉⵔ-ⵏⵏⵉ ⴷⴷⴰⵡ ⵕⵕⴰⵢ ⵏ ⵎⴰⵓⵔⵉⵛⴻ ⵒⴰⵒⵧⵏ, ⵜⴻⵏⵖⴰ ⵢⴻⵔⵏⴰ ⵜⵉⵡⵉⵏⴰⵙ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⴷ-ⵢⴻⴼⴼⵖⴻⵏ ⴰⴷ ⴳⴻⵏ ⵜⴰⵎⴻⵙⴱⴰⵏⵉⵜ ⵜⴰⵎⴻⵍⵡⵉⵜ ⵎⴳⴰⵍ ⵓⴳⴷⴰⵍ ⵏ ⵜⵓⴼⴼⵖⴰ ⴰⵢ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⴰⵍⴰ ⴼⴻⵍⵍ-ⴰⵙⴻⵏ, ⵢⴻⵔⵏⴰ ⴽⵔⴰ ⵙⴻⴳ ⵡⵉⴷ ⵢⴻⵜⵜⵡⴻⵏⵖⴻⵏ, ⵣⴻⵍⵍⵉⵏ-ⵜⴻⵏ ⵖⴻⵔ ⵡⴰⵙⵉⴼ ⵏ ⵙⴻⵉⵏⴻ.

ⵓⵇⴱⴻⵍ ⵡⴰⵢⴰ, ⵢⴻⵙⵙⴻⵔⵙ ⵜⴰⵢⴻⴱ ⵣⵉⵜⵧⵓⵏⵉ ⵜⴰⵎⴻⵇⵇⵓⵏⵜ ⵏ ⵜⵊⴻⵊⵊⵉⴳⵉⵏ ⵙⴷⴰⵜ ⵓⵥⴻⴽⴽⴰ ⵏ ⵓⵙⴻⵔⴷⴰⵙ ⵓⵔ ⵢⴻⵜⵜⵡⴰⵙⵙⵏⴻⵏ ⵢⴻⵜⵜⵡⴻⴱⵏⴰⵏ ⴷ ⵜⴰⵊⵎⵉⵍⵜ ⵉ ⵡⵉⴷ ⵢⴻⵎⵎⵓⵜⴻⵏ ⴷⴻⴳ ⵓⵎⴳⴰⵔⵓ ⴰⵎⴰⴹⵍⴰⵏ ⴰⵎⴻⵣⵡⴰⵔⵓ ⴷⴻⴳ ⵓⴽⵎⵉⵔ ⵏ ⵜⵔⴻⵏⵏⴰⵡⵜ (ⴷⴻⴳ ⵒⴰⵔⵉⵙ).

ⵜⴰⵚⴻⴱⵃⵉⵜ ⵏ ⵡⴰⵙⵙ ⵏ ⵍⴰⵕⴻⴱⵄⴰ, ⵢⴻⴷⴷⴰ ⵓⵏⴻⵖⵍⴰⴼ ⵖⴻⵔ ⵠⴻⵔⴷⵓⵏ, ⴷ ⵜⴰⵖⵉⵡⴰⵏⵜ ⵜⴰⴼⵕⴻⵏⵙⵉⵙⵜ ⴷ-ⵢⴻⵣⴳⴰⵏ ⴷⴻⴳ ⵍⵧⵔⵔⴰⵉⵏⴻ, ⴰⵏⴷⴰ ⴰⵢ ⴷ-ⵢⴻⵍⵍⴰ ⵢⵉⵎⴻⵏⵖⵉ ⴰⵎⴻⵇⵔⴰⵏ ⴰⵢ ⵢⴻⴳⵍⴰⵏ ⵙ ⵡⴰⵟⴰⵙ ⵏ ⵜⵎⴻⴷⴷⵓⵔⵉⵏ, ⴷⴻⴳ ⵓⵎⴳⴰⵔⵓ ⴰⵎⴰⴹⵍⴰⵏ ⴰⵎⴻⵣⵡⴰⵔⵓ (1914-1918), ⴰⵏⴷⴰ ⴰⵢ ⵢⴻⵙⵙⴰⵡⴻⴹ ⵕⵕⴻⵃⵎⴰ ⵙⴷⴰⵜ 592 ⵏ ⵢⵉⵥⴻⴽⵡⴰⵏ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵜⴻⵡⵡⵉ ⴼⵕⴰⵏⵙⴰ ⴰⴽⴽⴻⵏ ⴰⴷ ⵏⵏⴰⵖⴻⵏ ⴼⴻⵍⵍ-ⴰⵙ.

ⴰⵣⴰⵍ ⵏ 20.000 ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵎⴻⵏⵖⵉ-ⴰ ⴰⵢ ⵢⴻⵇⵇⵉⵎⴻⵏ 300 ⵏ ⵡⵓⵙⵙⴰⵏ. ⴷ ⵉⴳⵉⵎⴰⵏ (ⴰⵍⴰⴼ) ⵙⴻⴳ-ⵙⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ ⴰⵍⴰ 592 ⵙⴻⴳ-ⵙⴻⵏ ⴰⵢ ⵢⴻⵜⵜⵡⴰⵄⴻⵇⵍⴻⵏ ⵢⴻⵔⵏⴰ ⵜⵜⵡⴰⵎⴻⴹⵍⴻⵏ ⴷⴻⴳ ⵠⴻⵔⴷⵓⵏ.

ⵜⵧⴷⴻⵙⵛⵀⵉⵏⵉ, ⴰⵢ ⵢⴻⴷⴷⴰⵏ ⴷ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵖⴻⵔ ⵠⴻⵔⴷⵓⵏ, ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ « ⴰⵟⴰⵙ ⵏ ⵢⵉⵙⴻⵔⴷⴰⵙⴻⵏ ⴰⵢ ⴷ-ⵢⵓⵙⴰⵏ ⴷⴻⴳ ⵍⴻⵣⵣⴰⵢⴻⵔ ⴰⵢ ⵢⴻⵎⵎⵓⵜⴻⵏ ⴷⴻⴳ ⵓⵎⴳⴰⵔⵓ ⴰⵎⴰⴹⵍⴰⵏ ⴰⵎⴻⵣⵡⴰⵔⵓ ⴷ ⵓⵎⴳⴰⵔⵓ ⴰⵎⴰⴹⵍⴰⵏ ⵡⵉⵙ ⵙⵉⵏ ⵖⴻⴼ ⵜⵍⴻⵍⵍⵉ-ⵏⵏⴻⵖ, ⵜⵉⵍⴻⵍⵍⵉ ⵏ ⴼⵕⴰⵏⵙⴰ ⴷ ⵜⵉⵏ ⵏ ⵜⵓⵕⵓⴼⵜ ⵏ ⵡⴰⵙⵙ-ⴰ ».

ⴰⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ ⵉⴳⴰ ⵜⵉⵔⵣⵉ ⵏ 3 ⵏ ⵡⵓⵙⵙⴰⵏ ⵖⴻⴼ ⴼⵕⴰⵏⵙⴰ ⵢⴻⵔⵏⴰ ⵜⵉⵔⵣⵉ-ⴰ ⴰⴷ ⵜⴼⴰⴽ ⴰⵙⵙ ⵏ ⵍⴻⵅⵎⵉⵙ ⵙ ⵓⴷⵉⵡⴻⵏⵏⵉ (ⵃⵉⵡⴰⵔ) ⴳⴰⵔ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⴼⵕⴻⵏⵙⵉⵙ, ⵛⵍⴰⵓⴷⴻ ⴱⴰⵔⵜⵧⵍⵧⵏⴻ, ⴷ ⵓⵏⴻⵖⴰⴼ ⵏ ⵢⵉⵎⵊⴰⵀⴷⴻⵏ ⴰⵢ ⵢⴻⵙⵙⴰⵡⵍⴻⵏ ⵢⴰⴳⵉ, ⴰⵙⵙ ⵏ ⵜⵜⵍⴰⵜⴰ, ⴷ ⵓⵎⴰⵔⵓ ⵏ ⵓⵡⴰⵏⴰⴽ ⴰⴼⵕⴻⵏⵙⵉⵙ ⴷ-ⵢⴻⵍⵀⴰⵏ ⵙ ⵢⵉⵎⴻⵏⵖⴰⵏ ⵉⵇⴱⵓⵔⴻⵏ ⴷ ⵓⵙⴻⵍⵡⴰⵢ ⵏ ⵓⵙⵉⵏⴰⵜ, ⴳⴻⵔⴰⵔⴷ ⵍⴰⵔⵛⵀⴻⵔ.

ⴰⴷ ⵢⴻⵙⵙⵉⵡⴻⵍ ⴷⴰⵖ ⵓⵏⴻⵖⵍⴰⴼ ⵏ ⵢⵉⵎⵊⴰⵀⴷⴻⵏ, ⴰⵙⵙ ⵏ ⵍⵅⵎⵉⵙ, ⴷ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⴻⵎⵃⴰⴷⴷⵉⵜ, ⵊⴻⴰⵏ-ⵢⵠⴻⵙ ⵍⴻ ⴷⵔⵉⴰⵏ.