ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴷ ⵓⵖⴰⵍⴻⵏ ⵎⴻⴷⴷⴻⵏ ⵣⴻⵎⵔⴻⵏ ⴰⴷ ⵃⴻⵕⵕⴻⵏ ⴰⵎⴽⴰⵏ ⴷⴻⴳ ⵜⵎⴰⵛⵉⵏⵜ ⵙ ⵉⵏⵜⴻⵔⵏⴻⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵏ ⵓⴱⵔⵉⴷ ⵏ ⵡⵓⵣⵣⴰⵍ ⴰⴷ ⴷ-ⵜⴻⵙⵙⵓⴼⴼⴻⵖ ⴰⵜⵉⴽⵉ ⴰⵎⴰⵢⵏⵓ, ⴷⴻⴳ 28 ⵢⴻⵏⵏⴰⵢⴻⵔ, ⵉ ⵜⵎⴰⵛⵉⵏⵉⵏ ⵢⴻⵙⵙⴰⵡⴰⴹⴻⵏ ⵖⴻⵔ ⵎⴻⴱⵄⵉⴷ ⵢⴻⵔⵏⴰ ⴰⴷ ⵣⴻⵎⵔⴻⵏ ⵢⵉⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⴰⴷ ⵃⴻⵕⵕⴻⵏ ⴰⵜⵉⴽⵉ-ⴰ ⵙ ⵉⵏⵜⴻⵔⵏⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵕⵎⵉⵙⵜ-ⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ).
ⴰⵏⴻⴳⵔⴰⵡ-ⴰ (ⵏⵉⴹⴰⵎ) ⴰⵎⴰⵢⵏⵓ ⵏ ⵓⵙⵙⵓⵜⴻⵔ ⵏ ⵢⵉⵜⵉⴽⵉⵢⴻⵏ ⵙ ⵉⵏⵜⴻⵔⵏⴻⵜ ⴰⴷ ⵢⴻⴱⴷⵓ ⴰⴷ ⵢⴻⵜⵜⵡⴰⵙⵙⴻⵇⴰⵛ ⵙ ⵜⵉⵏ ⵏ ⵜⵜⴻⵊⵕⵉⴱⴰ ⵢⴻⵔⵏⴰ ⵢⴻⵍⵍⴰ-ⴷ ⴰⵃⵔⵉⵛ ⵙⴻⴳ ⵓⵙⵙⴻⵜⵔⴻⵔ (ⵄⴰⵚⵔⴰⵏⴰ) ⴷ ⵓⵙⵙⴻⵍⵀⵓ ⵏ ⵢⵉⵡⴻⵥⵍⴰ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵓⵎⴻⵙⵏⵉ ⵙ ⵓⴱⵔⵉⴷ ⵏ ⵡⵓⵣⵣⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⵏⵏⵉ.
ⵜⴰⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ) ⴰⴷ ⵜⴻⵜⵜⵡⴰⵙⵙⴻⵎⵖⴻⵔ ⵛⵡⵉⵟ, ⵛⵡⵉⵟ. ⴷⴻⴳ ⵜⴰⵣⵡⴰⵔⴰ, ⴰⴷ ⵜⴻⵔⵣⵓ ⵜⵉⵖⵙⴰⵔ (ⵎⴰⵃⴰⵟⵟⴰⵜ) ⵏ ⴰⵖⴰ (ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴷ ⵡⴻⵀⵕⴰⵏ, ⵙⴰⴽⴽⵉⵏ, ⴰⴷ ⴷ-ⵜⵃⴰⵣ ⴰⴽⴽ ⵜⵉⵖⵙⴰⵔ ⵏⵉⴹⴻⵏ ⵏ ⵜⵎⵓⵔⵜ.
ⴰⵎⴻⵥⵍⵓ-ⴰ (ⵅⵉⴷⵎⴰ) ⴰⵎⴰⵢⵏⵓ ⴰⴷ ⵢⴻⵙⵙⵉⴼⵙⴻⵙ ⴰⵃⴻⵕⵕⵉ ⵏ ⵢⵉⵎⵓⴽⴰⵏ ⴷⴻⴳ ⵜⴻⵖⵙⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ, ⵢⴻⵔⵏⴰ ⴰⴷ ⴷ-ⵢⵉⵍⵉ ⴷⴻⴳ ⵓⴷⴻⴳ ⵏ ⵉⵏⵜⴻⵔⵏⴻⵜ ⵏ ⵜⴻⵕⵎⵉⵙⵜ (ⵡⵡⵡ.ⵙⵏⵜⴼ.ⴷⵣ).
