ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴽⴽ ⵡⵉⴷ ⴰⴷ ⵢⴻⵙⵄⴻⴷⴷⵉⵏ ⵍⴱⴰⴽ ⴰⴷ ⵙⵄⵓⵏ ⵜⵉⴽⴰⵔⴹⵉⵡⵉⵏ ⵏ ⵜⵎⴰⴳⵉⵜ ⵜⵉⴱⵢⵓⵎⵉⵜⵔⵉⵢⵉⵏ (ⴰⵏⴻⵖⵍⴰⴼ)
ⵍⴻⵣⵣⴰⵢⴻⵔ – ⴰⴽⴽ ⵉⵎⴰⵣⵡⴰⵔⴻⵏ (ⵎⵓⵔⴰⵛⵛⴰⵃⵉⵏ) ⵏ ⵓⴽⴰⵢⴰⴷ ⵏ ⵍⴱⴰⴽ ⴰⴷ ⵙⵄⵓⵏ ⵜⵉⴽⴰⵔⴹⵉⵡⵉⵏ ⵏ ⵜⵎⴰⴳⵉⵜ ⵜⵉⴱⵢⵓⵎⵉⵜⵔⵉⵢⵉⵏ ⵓⵇⴱⴻⵍ ⵓⴽⴰⵢⴰⴷ ⵏ ⵍⴱⴰⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵙⵙ ⵏ ⵙⵙⴻⴱⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ.
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴷⴻⵕ ⵏ ⵜⴼⵓⴳⵍⴰ (ⵉⵃⵜⵉⴼⴰⵍ) ⵏ ⵜⵓⴽⵛⵉ ⵏ ⵜⴽⴰⵔⴹⴰ ⵜⴰⵖⴻⵍⵏⴰⵡⵜ ⵜⴰⴱⵢⵓⵎⵉⵜⵔⵉⵜ ⵜⴰⵎⴻⵣⵡⴰⵔⵓⵜ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⴰⴽⴽ ⵉⵎⴰⵣⵡⴰⵔⴻⵏ ⵏ ⵍⴱⴰⴽ, ⵏⴻⵖ 700.000 ⵏ ⵢⵉⵎⴷⵏⴻⵏ, ⴰⴷ ⵙⵄⵓⵏ ⵜⵉⴽⴰⵔⴹⵉⵡⵉⵏ-ⵏⵙⴻⵏ ⵜⵉⴱⵢⵓⵎⵉⵜⵔⵉⵢⵉⵏ ⵓⵇⴱⴻⵍ ⵓⴽⴰⵢⴰⴷ-ⴰ, ⵙ ⵓⵇⴰⴷⴻⵔ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ».
ⵉⵙⵏⴰⵙⴻⵏ (ⵜⴰⵟⴱⵉⵇⴰⵜ) ⵢⴻⵍⵍⴰⵏ ⴷⴻⴳ ⵜⴽⴰⵔⴹⴰ-ⵏⵏⵉ ⵏ ⵜⵎⴰⴳⵉⵜ ⵜⴰⴱⵢⵓⵎⵉⵜⵔⵉⵜ ⴰⴷ ⵙⵙⵉⴼⴻⵙⵙⴻⵏ ⴰⵎⵎⴻⵕⴽⵉ ⵏ ⵢⵉⵏⴻⵍⵎⴰⴷⴻⵏ ⵖⴻⵔ ⵜⴻⵙⴷⴰⵡⵉⵜ.
« ⴰⵣⴰⵍ ⵏ ⵓⵎⴻⵍⵢⵓⵏ ⵏ ⵜⴽⴰⵔⴹⵉⵡⵉⵏ ⵏ ⵜⵎⴰⴳⵉⵜ ⵜⵉⴱⵢⵓⵎⵉⵜⵔⵉⵢⵉⵏ ⴰⴷ ⴷ-ⵢⴻⵜⵜⵡⴰⵅⴻⴷⵎⴻⵏ ⴰⵙⴻⴳⴳⴰⵙ-ⴰ, ⵙⴰⴽⴽⵉⵏ ⴰⵎⴹⴰⵏ-ⴰ ⴰⴷ ⵢⴻⵔⵏⵓ ⵢⴻⵔⵏⴰ ⴰⴷ ⴷ-ⵉⵃⴰⵣ ⴰⴽⴽ ⵜⴰⴳⴳⴰⵢⵉⵏ (ⴼⵉ’ⴰⵜ) ⵏ ⵜⵎⴻⵜⵜⵉ ⴷⴻⴳ ⵡⴰⴽⴰⵍ ⴰⵖⴻⵍⵏⴰⵡ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵖⵍⴰⴼ.
