ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴷⵣⴰⵢⴻⵔ ⵜⵡⴻⵜ-ⴷ ⴷⴻⴳ ⵓⴽⴻⵎⵎⴻⵍ ⵏ ⵔⵔⴻⴱⵔⴰⴱ ⵏ ⴱⵧⴽⵧ ⵀⴰⵔⴰⵎ ⴷⴻⴳ ⵏⵉⵊⵉⵔⵢⴰ ⴷ ⵞⴰⴷ
ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵜⵡⴻⵜ-ⴷ ⵍⴷⵣⴰⵢⴻⵔ ⴷⴻⴳ ⵓⵏⵏⴻⵔⵏⵉ ⵏ ⵔⵔⴻⴱⵔⴰⴱ ⵏ ⴱⵧⴽⵧ ⵀⴰⵔⴰⵎ ⴷⴻⴳ ⵏⵉⵊⵉⵔⵢⴰ ⴷ ⵞⴰⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵓⵎⵓⵜⵍⴰⵢ (ⵏⴰⵟⵉⵇ) ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ.
« ⵉⵏⵟⴰⴳⴻⵏ (ⵀⵓⴳⵓⵎⴰⵜ) ⵉⵔⴻⴱⵔⴰⴱⴻⵏ ⵏ ⴱⵧⴽⵧ ⵀⴰⵔⴰⵎ ⵓⵖⴰⵍⴻⵏ ⵜⵜⵉⵍⵉⵏ-ⴷ ⵇⵔⵉⴱ ⵢⴰⵍ ⴰⵙⵙ ⵢⴻⵔⵏⴰ ⵍⴰ ⵜⵜⵃⴰⴽⴰⵕⴻⵏ, ⵍⴰⴷⵖⴰ, ⵉⴳⴻⵔⴷⴰⵏ, ⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⴷ ⵡⴰⵢⵜ ⵜⵓⴷⴷⴰⵔ ⵓⵔ ⵢⴻⵣⵎⵉⵔⴻⵏ ⴰⴷ ⵃⵓⴷⴷⴻⵏ ⵉⵎⴰⵏ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⴷⴻⴼⴼⵉⵔ ⵎⴰ ⵜⴻⵙⵙⵓⴳⴳⴻⵜ ⴱⵧⴽⵧ ⵀⴰⵔⴰⵎ ⵉⵏⵟⴰⴳⴻⵏ-ⵏⵏⴻⵙ ⵉⵔⴻⴱⵔⴰⴱⴻⵏ ⴷⴻⴳ ⵏⵉⵊⵉⵔⵢⴰ ⴷ ⵜⵎⵓⵔⴰ ⵏⵉⴹⴻⵏ ⵏ ⵜⴻⵎⵏⴰⴹⵜ-ⴰ.
ⵉⵏⵟⴰⴳⴻⵏ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⵃⵓⵣⴰⵏ ⴰⵟⴰⵙ ⵏ ⵜⵓⴷⴷⴰⵔ ⴰⵢ ⴷ-ⵢⵓⵙⴰⵏ ⵙⴷⴰⵜ ⵜⴻⵎⴷⵉⵏⵜ ⵏ ⵎⴰⵉⴷⵓⴳⵓⵔⵉ, ⴷⴻⴳ ⵏⵉⵊⵉⵔⵢⴰ, ⵎⴰ ⴷ ⵡⵉⴷ ⵏ ⵡⴰⵙⵙ ⵏ ⵍⵃⴻⴷⴷ ⵍⵍⴰⵏ-ⴷ ⴷⴻⴳ ⵜⴻⵎⴷⵉⵏⵜ ⵏ ⴳⵓⵉⴻ ⴷ ⵜⴰⴷⴷⴰⵔⵜ ⵏ ⵎⵉⵜⴻⵔⵉⵏⴻ ⴷⴻⴳ ⵞⴰⴷ.
« ⵏⴻⵙⵙⴰⵥⴻⵔ (ⵏⵓⵏⴰⴷⴷⵉⴷⵓ) ⵙ ⵍⴵⴻⵀⴷ ⵜⵉⵅⴰⵣⵣⴰⴱⵉⵢⵉⵏ-ⴰ ⵢⴻⵔⵏⴰ ⵏⴻⵜⵜⵡⴰⵍⵉ ⴷⴰⴽⴽⴻⵏ ⴰⵙⵙⵓⴳⴳⴻⵜ ⵏ ⵢⵉⵅⴻⴷⴷⵉⵎⴻⵏ-ⴰ ⵉⵊⵔⵉⵎⴰⵏⴻⵏ (ⵉⴵⵔⴰⵎⵉⵢⵢⴰ) ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵇⴰⴱⴻⵍ ⵙ ⵛⵛⵖⴻⵍ ⴷ ⵓⴵⵀⵉⴷ ⴰⴷ ⴷ-ⵢⵉⵍⵉⵏ ⵙ ⵓⵎⵄⴰⵡⴻⵏ ⴳⴰⵔ ⴰⴽⴽ ⵜⵉⵎⵓⵔⴰ ⵏ ⵜⴻⵎⵏⴰⴹⵜ-ⴰ, ⵍⴰⴷⵖⴰ ⴷⴻⴳ ⵓⴽⴰⵜⴰⵔ ⵏ ⵜⴷⵓⵙⵉ ⵜⴰⴳⵔⴰⵖⵍⴰⵏⵜ ⵜⵓⵅⵍⵉⴹⵜ, ⴷ ⵓⵙⵙⴻⴱⴳⴻⵙ ⵏ ⵡⴰⴽⴽ ⵜⵜⴰⵡⵉⵍⴰⵜ ⴰⵢ ⵉⵣⴻⵎⵔⴻⵏ ⴰⴷ ⵙⴵⴻⵀⴷⴻⵏ ⵜⵉⵣⴻⵎⵎⴰⵔ ⵏ ⵓⵇⴰⴱⴻⵍ ⵏ ⵜⵓⴳⴳⵣⴰ ⵜⴰⵔⴻⴱⵔⴰⴱⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⵓⵜⵍⴰⵢ ⵏ ⵓⵖⵍⵉⴼ ⵏ ⵜⵖⴰⵡⵉⵙⵉⵏ ⵏ ⵓⵣⵖⴰⵔ.
« ⵢⴻⵙⵙⴻⴼⵍ ⴰⴷ ⴷ-ⵜⵉⵍⵉ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⴰⵎⴰ ⴳⴰⵔ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ, ⴰⵎⴰ ⴳⴰⵔ ⵓⵎⵖⵉⵡⴰⵏ (ⵎⵓⴵⵜⴰⵎⴰⵄ) ⴰⴳⵔⴰⵖⵍⴰⵏ ⴰⴽⴽⴻⵏ ⴰⴷ ⵏⴰⵡⴻⴹ ⵖⴻⵔ ⵢⵉⵙⵡⵉ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ.
« ⵏⴻⴽⴽⵏⵉ, ⴰⵢ ⴷ-ⵢⴻⵔⵔⴰⵏ ⴷⵉⵎⴰ ⵍⵡⴻⵍⵀⴰ-ⵏⵏⴻⵖ ⵖⴻⵔ ⵙ ⴽⵔⴰ ⵏ ⵡⴰⵢⴻⵏ ⵢⴻⵇⵇⵏⴻⵏ ⵖⴻⵔ ⵜⴰⵍⵡⵉⵜ, ⵜⴰⵖⴻⵍⵍⵉⵙⵜ (ⴰⵎⵏ) ⴷ ⵓⵔⴽⴰⴷ ⴷⴻⴳ ⵓⵎⴻⵏⵥⴰⵡ-ⵏⵏⴻⵖ ⴰⴼⵔⵉⵇⵉ, ⵏⴻⵙⵙⴻⵏⴼⴰⵍⴰⵢ-ⴷ ⵜⴰⵎⵙⴻⵜⵍⴻⵍⵜ-ⵏⵏⴻⵖ ⴷ ⵜⵎⵓⵔⴰ-ⴰ ⵢⴻⵔⵏⴰ ⵏⴻⵜⵜⵄⴻⵣⵣⵉ ⵜⵉⵡⴰⵛⵓⵍⵉⵏ ⵏ ⵜⴻⵖⵜⴰⵙ (ⴹⴰⵃⴰⵢⴰ) ⴷ ⵢⵉⵏⴰⴱⴰⴹⴻⵏ ⵏ ⵏⵉⵊⵉⵔⵢⴰ ⴷ ⵞⴰⴷ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵎⴰⵙⵙ ⵛⵀⴻⵔⵉⴼ ⴱⴻⵏⴰⵍⵉ.
