ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵛⵍⴻⴼ: « ⴰⵙⵍⴻⵖⵎⴰⵢ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴷ ⵢⵉⵍⵉ ⴷ ⴰⵣⵣⴰⵢⵔⵉ » (ⵎⴻⴷⵧⵓⴰⵔ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⴰⴱⴷⴻⵍⴽⵔⵉⵎ ⵎⴻⴷⵧⵓⴰⵔ, ⴰⵎⵓⵜⵍⴰⵢ (ⵏⴰⵟⵉⵇ) ⵏ ⵜⴻⵖⵍⴰⵎⵜ ⴰⵙⵧ ⵛⵛⵍⴻⴼ (ⵜⴰⵎⵖⵓⵏⵜ ⵜⵉⵙ 2) ⴷⴰⴽⴽⴻⵏ ⴰⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⴰⴷ ⴷ-ⵉⵅⴻⵍⴼⴻⵏ ⴰⴼⵕⴻⵏⵙⵉⵙ ⵊⴻⴰⵏ-ⴳⵓⵢ ⵡⴰⵍⵍⴻⵎⵎⴻ, ⴰⴷ ⵢⵉⵍⵉ ⴷ ⴰⴷⵣⴰⵢⵔⵉ.

« ⵜⴰⴳⵏⵉⵜ ⴰⵢⴷⴻⴳ ⵏⴻⵍⵍⴰ ⵉⵎⵉⵔ-ⴰ ⴷ ⵜⵉⵏ ⴰⵢⴷⴻⴳ ⵜⴻⵔⵔⴰ ⵜⵎⴰⵔⴰ ⴰⴷ ⴷ-ⵏⴻⵙⵙⵉⴷⴻⴼ ⴰⵙⵍⴻⵖⵎⴰⵢ ⴰⴷⵣⴰⵢⵔⵉ ⴰⵢ ⵢⴻⵙⵙⵏⴻⵏ ⴰⵎⴻⴽ ⵜⴻⵜⵜⴻⴷⴷⵓ ⵜⴻⵎⵖⵓⵏⵜ ⵜⵉⵙ 2. ⵇⴻⴱⵍⴻⵖ ⴰⴷ ⴷ-ⵏⴻⵙⵙⵉⴷⴻⴼ ⵢⵉⵡⴻⵏ ⵏ ⵓⵙⵍⴻⵖⵎⴰⵢ ⵡⵓⴽⵓⴷ ⵓⵔ ⵜⵜⵄⴻⴹⴹⵉⵍⴻⵖ ⴰⵔⴰ ⴰⴷ ⴱⴷⵓⵖ ⵍⴻⵎⵛⴰⵡⵕⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴻⴷⵧⵓⴰⵔ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⵓⵇⴱⴻⵍ ⴰⵢⴰ, ⵜⴻⵙⵙⴰⵡⴻⵍ ⵜⴻⵖⵍⴰⵎⵜ-ⴰ ⴷ ⵓⵙⵍⴻⵖⵎⴰⵢ ⴰⵇⴱⵓⵔ ⵏ ⵎⵛ ⵍⴷⵣⴰⵢⴻⵔ ⴷ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ, ⴻⵏⵔⵉⵛⵧ ⴼⴰⴱⴱⵔⵧ, ⵎⴰⵛⴰ ⵓⵔ ⵜⴻⵙⵙⴰⵡⴻⴹ ⴰⵔⴰ ⴰⴷ ⵜⴻⵎⵙⴻⴼⵀⴰⵎ ⵢⵉⴷ-ⵙ ⵖⴻⴼ ⵜⴰⵍⵍⵉⵜ ⵏ ⵍⴻⵄⵇⴻⴷ ⴷ ⵢⵉⵙⵡⴰⵏ ⵡⵓⵖⵓⵔ ⵢⴻⵙⵙⴻⴼⴽ ⴰⴷ ⵜⴰⵡⴻⴹ ⵜⴻⵖⵍⴰⵎⵜ ⴷⴻⴳ ⵡⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⵙⴻⴳ ⵜⵙⴻⵎⵀⵓⵢⵜ (ⵎⴰⵡⵙⵉⵎ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⵍⴻⵖⵎⴰⵢ-ⴰ ⴰⵟⴰⵍⵢⴰⵏⵉ.

ⵊⴻⴰⵏ-ⴳⵓⵢ ⵡⴰⵍⵍⴻⵎⵎⴻ, ⴰⵢ ⵉⵅⴻⴷⵎⴻⵏ ⴷ ⴰⵙⵍⴻⵖⵎⴰⵢ ⴷⴻⴳ ⵜⴻⵖⵍⴰⵎⵜ ⵏ ⵛⵛⵍⴻⴼ ⵙⴻⴳ ⵢⵓⵏⵢⵓ ⵢⴻⵣⵔⵉⵏ, ⵢⴻⵙⵙⴻⵔⵙ ⵜⴰⴱⵕⴰⵜ-ⵏⵏⴻⵙ ⵏ ⵓⵜⵜⵉⵅⴻⵔ ⴰⵙⵙ ⵏ ⵍⵃⴻⴷⴷ, ⵙⵉⵏ ⵡⵓⵙⵙⴰⵏ ⴷⴻⴼⴼⵉⵔ ⵎⴰ ⵜⴻⵅⵚⴻⵔ ⵜⴻⵖⵍⴰⵎⵜ-ⴰ ⵎⴳⴰⵍ ⵜⴻⵖⵍⴰⵎⵜ ⵏ ⴰⵎⴻⴽ ⴱⵓⵙⵄⴰⴷⴰ ⵙ 0 ⵖⴻⵔ 1 ⴷⴻⴳ ⵡⴰⵙⵙ ⵡⵉⵙ 18 ⵏ ⵜⴻⵍⵖⵓⵖⴰ.

ⴷⴻⴼⴼⵉⵔ ⵍⴻⵅⵚⴰⵔⴰ-ⴰ, ⵛⵛⵍⴻⴼ ⵜⵓⴷⴻⵔ-ⴷ ⵖⴻⵔ ⵓⵎⴽⴰⵏ ⵡⵉⵙ 6 ⴷⴻⴳ ⵓⵙⴻⵜⵜⴻⴼ, ⵙ 26 ⵏ ⵜⴻⵏⵇⵉⴹⵉⵏ, ⵢⴻⵔⵏⴰ ⵜⴻⴱⵄⴻⴷ-ⴷ ⵙ 3 ⵏ ⵢⵉⵎⵓⴽⴰⵏ ⵖⴻⴼ ⵓⵎⴽⴰⵏ-ⵏⵏⵉ ⴰⴷ ⵜⵜ-ⵢⴻⴵⴵⴻⵏ ⴰⴷ ⵜⵄⴰⵡⴻⴷ ⴰⴷ ⵜⴰⵍⵉ ⵖⴻⵔ ⵜⴻⵎⵖⵓⵏⵜ 1ⵓⵜ.

ⵙⴻⴳ ⵍⴻⵄⴹⵉⵍ ⴰⴷ ⴷ-ⵢⴻⵜⵜⵡⴰⵙⴻⵎⵎⵉ ⵓⵙⵍⴻⵖⵎⴰⵢ ⴰⵎⴰⵢⵏⵓ, ⴰⵙⵍⴻⵖⵎⵓ ⵏ ⴰⵙⵧ ⵛⵛⵍⴻⴼ ⵍⵀⴰⵏ-ⴷ ⵢⵉⴷ-ⵙ ⴰⵉⵜ ⵎⵧⵀⴰⵎⴻⴷ ⵔⴰⵛⵀⵉⴷ, ⵙⴰⵎⵉⵔ ⵣⴰⵧⵓⵉ ⴷ ⵙⴰⴷⴻⴽ ⵍⴰⵔⴱⵉ, ⵢⴻⵔⵏⴰ ⴷ ⵏⵉⵜⵏⵉ ⴰⴷ ⴷ-ⵢⴻⵙⵡⴻⵊⴷⴻⵏ ⵜⴰⵖⵍⴰⵎⵜ-ⴰ ⵉ ⵜⴻⵎⵍⵉⵍⵉⵜ-ⵏⵏⴻⵙ ⵎⴳⴰⵍ ⵎⵛⴻ ⵍⵄⴻⵍⵎⴰ ⴰⴷ ⴷ-ⵢⵉⵍⵉⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵡⴰⵙⵙ ⵡⵉⵙ 19 ⵏ ⵜⴻⵍⵖⵓⵖⴰ ⵏ ⵜⴻⵎⵖⵓⵏⵜ ⵜⵉⵙ 2.