ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵎⴰⴳⵔⴰⴷ 51 ⵏ ⵡⴰⵀⵉⵍ ⵏ ⵜⵎⴻⵏⴷⴰⵡⵜ ⵢⴻⵔⵣⴰ ⴽⴰⵏ ⵉⵎⴰⵀⵉⵍⴻⵏ “ⵉⵄⵍⴰⵢⴰⵏⴻⵏ” ⵏ ⴷⴷⴻⵡⵍⴰ (ⵙⴻⵍⵍⴰⵍ)

ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵎⴰⴳⵔⴰⴷ ⵡⵉⵙ 51 ⵏ ⵓⵙⴻⵏⴼⴰⵔ ⵓⵄⵉⵡⴻⴷ ⴰⵎⴻⵏⴷⴰⵡⴰⵏ ⵢⴻⵔⵣⴰ ⴽⴰⵏ ⵉⵎⴰⵀⵉⵍⴻⵏ ⵉⵄⵍⴰⵢⴰⵏⴻⵏ ⵏ ⴷⴷⴻⵡⵍⴰ, ⴰⵎ ⵍⴰⵎⴰⵏ ⵏ ⵡⴰⵖⵍⴰⵏ ⴰⴽⴽ ⴷ ⵡⵉⵏ ⵢⴻⵔⵣⴰⵏ ⵍⴰⵎⴰⵏ ⴰⴷⵔⵉⵎⴰⵏ ⵏ ⵜⵎⵓⵔⵜ, ⵉⴷ-ⵢⴻⵏⵏⴰ ⴰⵙⵙ ⵏ ⵍⴰⵅⵎⵉⵙ ⴷⵉ ⵍⴻⵣⵣⴰⵢⴻⵔ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.

ⵎⴰⵙ ⵙⴻⵍⵍⴰⵍ ⵢⴻⵙⵙⴻⴼⵀⴻⵎ-ⴷ ⴷⴻⴳ ⵢⵉⵡⴻⵜ ⵏ ⵜⴻⵖⵕⵉ ⵉ ⵜⵖⴰⵎⵙⴰ ⵖⴻⵔ ⵜⴰⴳⴳⴰⵔⴰ ⵏ ⵓⵎⴻⵙⵍⴰⵢ-ⵉⵙ ⵣⴷⴰⵜ ⵏ ⵜⵙⴻⵇⵇⴰⵎⵓⵜⵜ ⵜⵓⵎⵏⵉⵏⵜ ⵢⴻⵎⵎⴻⵣⴷⵉⵏ, ⴱⴻⵍⵍⵉ ⵉⵚⴰⴹⵓⴼⴻⵏ ⴰⵔⴰ ⴷ-ⵉⴹⴻⴼⵕⴻⵏ ⴷ ⴰⵢⴻⵏ ⴰⵔⴰ ⴷ-ⵙⴼⴰⵀⵎⴻⵏ ⴰⵎⴰⴳⵔⴰⴷ-ⴰⴳⵉ ⵡⵉⵙ 51 ⴷⴻⴼⴼⵉⵔ ⵏ ⵡⴻⵇⴱⴰⵍ ⵏ ⵜⵎⴻⵏⴷⴰⵡⵜ-ⴰⴳⵉ.

"ⴰⵎⴰⴳⵔⴰⴷ ⵡⵉⵙ 51 ⵏ ⵓⵙⴻⵏⴼⴰⵔ ⴷ ⴰⵢⴻⵏ ⵉⴱⴰⵏⴻⵏ ⵓⵔ ⵢⴻⵄⵏⵉ ⵢⴰⵔⴰ ⴰⵜⵎⴰⵜⴻⵏ-ⵏⵏⴻⵖ ⵏ ⵍⴱⴻⵕⵕⴰⵏⵉ, ⵎⴰⵛⴰ ⵢⴻⵔⵣⴰ ⴽⴰⵏ ⵉⵎⴷⵇⴰⵏ ⵓⵎⴰⵀⵉⵍ ⴰⵄⵍⴰⵢⴰⵏ ⵏ ⴷⴷⴻⵡⵍⴰ. ⴷⴷⴻⵡⵍⴰ ⴰⴽⴽ ⴷ ⵍⴰⵇⵡⴰⵏⴻⵏ ⴰⴷ ⴷ-ⴱⴻⴳⴳⵏⴻⵏ ⴰⵢⴰⴳⵉ",ⵉⴷ-ⵢⴻⵙⵙⴻⴼⵀⴻⵎ, ⵉⴱⴷⴻⵔ-ⴷ ⵖⴻⴼ ⴷⴷⴻⵎⵎⴰ ⵍⴰⵎⴰⵏ ⴰⴽⴽ ⴷ ⵍⴰⵎⴰⵏ ⴰⴷⵔⵉⵎⴰⵏ ⴷⴻⴳ ⵡⴰⴷⴻⴳ ⴰⵄⵍⴰⵢⴰⵏ ⵏ ⴷⴷⴻⵡⵍⴰ ⵓⵎⵉ ⵍⴰⵇⴻⵏⵜ ⴹⵎⴰⵏⴰⵜ ⵉⵡⵓⵍⵎⴻⵏ.

ⵎⴰⵙ ⵙⴻⵍⵍⴰⵍ ⵢⴻⵏⵏⴰ ⴷⴰⵖⴻⵏ ⴱⴻⵍⵍⵉ "ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ ⵏ ⵍⴻⵣⵣⴰⵢⴻⵔ, ⵏⴻⵇⴱⴻⵍ ⵉⵣⵣⴰⵢⵔⵉⵢⴻⵏ ⵢⴻⵙⵄⴰⵏ ⴰⵟⴰⵚ ⵏ ⵜⵖⴻⵍⵏⴰⵡⵉⵢⵜⵉⵏ. ⵜⵉⵡⵡⵓⵔⴰ ⵓⵔ ⵎⴻⴷⵍⴻⵏⵜ ⴷⴻⴳ ⵡⵓⴷⴻⵎ ⵏ ⵢⵉⵣⵣⴰⵢⵔⵉⵢⴻⵏ ⵢⴻⵜⵜⵉⴷⵉⵔⴻⵏ ⴷⵉ ⵍⴱⴻⵕⵕⴰⵏⵉ ⴷⵉ ⵢⴰⵍ ⴰⵎⴹⵉⵇ.