ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⴻⵍⵍⴰⵍ ⵉⵇⴻⴷⴷⴻⵎ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵔⵣⴰⵏ ⴰⵄⵉⵡⴻⴷ ⵏ ⵜⵎⴻⵏⴷⴰⵡⵜ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵉⵇⴻⴷⴷⴻⵎ ⴰⵙⵙ ⵏ ⵍⵃⴻⴷⴷ ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵔⵣⴰⵏ ⴰⵄⵉⵡⴻⴷ ⵏ ⵜⵎⴻⵏⴷⴰⵡⵜ ⴰⵍⵎⴻⵏⴷ ⵏ ⵜⵖⵉⵎⵉⵜ ⵏ ⵡⴻⵎⵏⵉ ⵢⴻⵎⵎⴻⵣⴷⵉⵏ ⴷ-ⵢⴻⵍⵍⴰⵏ ⵉ ⵡⴻⴷⵖⴰⵕ ⵏ ⵓⵙⴻⵏⴼⴰⵔ-ⴰⴳⵉ.
ⵎⴰⵙ ⵙⴻⵍⵍⴰⵍ, ⴷ-ⵉⵇⴻⴷⴷⵎⴻⵏ ⵉⵡⴻⵍⵍⵉⵀⴻⵏ ⵉⴳⴻⵊⴷⴰⵏⴻⵏ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ-ⴰⴳⵉ, ⵉⵡⴻⴽⴽⴻⴷ-ⴷ ⴱⴻⵍⵍⵉ ⴰⵄⵉⵡⴻⴷ ⴰⵎⴻⵏⴷⴰⵡⴰⵏ ⵢⴻⵍⵍⴰ-ⴷ ⵉⵡⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴰⴱⴻⴷⴷⴻⵍ ⴰⵙⴻⵔⵜⴰⵏ ⵢⴻⵅⴷⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⵍⴻⵛⵖⴰⵍ ⵏ ⵜⴻⴷⵡⵉⵍⵜ-ⴰⴳⵉ ⴷ-ⵢⴻⵜⵜⵉⵍⵉⵏ ⴷⵉ ⵍⴱⴻⵕⵊ ⵏ ⵡⴰⵖⵍⴰⵏ (ⵍⴻⵣⵣⴰⵢⴻⵔ) ⴷⴷⴰⵡ ⵏ ⵜⵙⴻⵍⵡⵉⵜ ⵓⵙⴻⵍⵡⴰⵢ ⵏ ⵡⴻⵎⵏⵉ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⵢⴻⵍⵍⴰ ⴷⴰⵖⴻⵏ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ (ⴰⵒⵏ), ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ ⴰⴽⴽ ⴷ ⵉⵄⴻⴳⴳⴰⵍⴻⵏ ⵓⵏⴰⴱⴰⴹ.
ⵜⴰⴷⵡⵉⵍⵜ-ⴰⴳⵉ ⵢⴻⵍⵍⴰⵏ ⴱⴻⴷⴷⴻⵎⵎⴰ ⵢⴻⵣⴷⵉⵏ ⵙⵏⴰⵜ ⵏ ⵜⵣⴰⵖⵡⵉⵏ ⵏ ⵡⴻⵎⵏⵉ (ⴰⵙⴻⵇⵇⴰⵎⵓ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⴽⴽ ⴷ ⵓⵙⴻⵇⵇⴰⵎⵓ ⵏ ⵡⴰⵖⵍⴰⵏ) ⵜⴻⵍⵍⴰ-ⴷ ⵙ ⵡⴻⵏⵛⴰⴷ ⴰⵙⵙ ⵏ 30 ⵢⴻⵏⵏⴰⵢⴻⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
