ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⴱⴷⴰ ⵉⵙⵕⴰⵢⵉⵍ ⵜⴱⴻⵏⵏⵓ 1.800 ⵏ ⵢⵉⵅⵅⴰⵎⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ

ⵍⵇⵓⴷⵙ ⵢⴻⵜⵜⵡⴰⵟⵟⴼⴻⵏ– ⴱⴷⴰⵏ ⵢⵉⴷⵓⴱⴰ (ⵙⵓⵍⵓⵟⴰⵜ) ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⴱⴻⵏⵏⵓⵏ 1.800 ⵏ ⵢⵉⵅⵅⴰⵎⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵉ ⵢⵉⵎⵀⴰⵔⵙⴻⵏ (ⵎⵓⵙⵜⴰⵡⵟⵉⵏⵉⵏ) ⵓⴷⴰⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⵏ « ⵒⴻⴰⵛⴻ ⵏⵧⵡ ».

ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵕⴰⴱⵓⵍ ⵏ ⵜⵓⴷⴷⵙⴰ-ⴰ ⵜⴰⵔⵏⴰⴱⴰⴹⵜ (ⵖⴰⵔ ⵃⵓⴽⵓⵎⵉⵢⵢⴰ), 69% ⵙⴻⴳ ⵢⵉⵣⵓⴷⴰⵖ-ⴰ (ⵄⵉⵎⴰⵔⴰⵜ) ⵍⴰ ⵜⴻⵏ-ⴱⴻⵏⵏⵓⵏ ⴷⴻⴳ ⵜⴻⵀⵔⴰⵙ ⵜⵓⴷⴰⵢⵉⵏ ⵢⴻⵜⵜⵡⴰⵄⴻⵣⵍⴻⵏ ⴷ-ⵢⵓⵙⴰⵏ ⴷⴻⴳ ⵜⴻⵎⵏⴰⴹⵉⵏ ⴰⵢⵙⴻⴳ, ⵍⴻⵎⵎⴻⵔ ⴷ ⵍⴻⴱⵖⵉ, ⴰⴷ ⵜⴻⴼⴼⴻⵖ ⵉⵙⵕⴰⵢⵉⵍ ⵍⴻⵎⵎⴻⵔ ⴰⴷ ⴷ-ⵢⵉⵍⵉ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵢⵉⴼⴰⵍⴻⵙⵟⵉⵏⵉⵢⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴼⵓⴽ ⵓⵀⴻⵢⵢⵉ ⵏ ⵢⵉⵡⴻⵏ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵉ ⵍⴻⴱⵏⵉ ⵏ 734 ⵏ ⵢⵉⵅⵅⴰⵎⴻⵏ ⵢⴻⵔⵏⵓ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⴱⴷⵓ ⵍⴻⴱⵏⵉ-ⵏⵙⴻⵏ.

265 ⵏ ⵢⵉⵅⵅⴰⵎⴻⵏ ⴰⵢ ⵢⴻⵜⵜⵡⴻⴱⵏⴰⵏ ⵢⴰⴳⵉ ⵉ ⵡⵓⴷⴰⵢⴻⵏ ⴷⴻⴳ ⵢⵉⵎⵓⴽⴰⵏ ⵓⵎⵉ ⵓⵔ ⵜⴻⴼⴽⵉ ⴰⵔⴰ ⵉⵙⵕⴰⵢⵉⵍ « ⵜⵜⴻⵙⵔⵉⵃ », ⵢⵉⵍⵉ, ⴷⴻⴳ ⵜⵉⴷⴻⵜ, ⴰⴽⴽ ⵜⵉⵀⵔⴰⵙ (ⵎⵓⵙⵜⴰⵡⵟⴰⵏⴰⵜ) ⴰⵢ ⴱⵏⴰⵏ ⵢⵉⵙⵕⴰⵢⵉⵍⵉⵢⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⴼⴼⵖⴻⵏⵜ ⵉ ⵍⵇⴰⵏⵓⵏ ⴰⴳⵔⴰⵖⵍⴰⵏ.

ⵓⵍⴰ ⵎⴰ ⴰⵏⴰⴱⴰⴹ (ⵃⵓⴽⵓⵎⴰ) ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⵃⴱⴻⵙ ⵍⴻⴱⵏⵉ ⵏ ⵜⴻⵀⵔⴰⵙ, ⵍⴻⴱⵏⵉ-ⴰ ⵎⴰⵣⴰⵍ-ⵉⵜ ⵢⴻⵜⵜⴽⴻⵎⵎⵉⵍ ⴷⴻⴳ ⵓⵏⵔⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵓⴷⴷⵙⴰ ⵏ ⵒⴻⴰⵛⴻ ⵏⵧⵡ.

ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ ⵏ ⵒⴻⴰⵛⴻ ⵏⵧⵡ, ⵙⴻⴳ 2009 ⴰⵔ ⴰⵙⵙ-ⴰ, ⵉⵙⵕⴰⵢⵉⵍ ⵜⴻⴱⵏⴰ ⵜⵉⵏⴻⵣⴷⵓⵖⵉⵏ ⵉ ⵡⴰⵣⴰⵍ ⵏ 40.000 ⵏ ⵢⵉⵎⴻⵀⵔⴰⵙⴻⵏ ⵉⵎⴰⵢⵏⵓⵜⴻⵏ, ⵓⵍⴰ ⵎⴰ, ⵍⴻⵎⵎⴻⵔ ⴷ ⵍⴻⴱⵖⵉ, ⴰⴽⴰⵍ ⴰⵢⴷⴻⴳ ⴰⵢ ⵜⴻⵜⵜⵡⴻⴱⵏⴰ ⵜⵏⴻⵣⴷⵓⵖⵜ-ⴰ ⴰⴷ ⴼⴼⵖⴻⵏ ⵙⴻⴳ-ⵙ ⵡⵓⴷⴰⵢⴻⵏ ⵍⴻⵎⵎⴻⵔ ⴰⴷ ⴷ-ⵢⵉⵍⵉ ⵓⵎⵜⴰⵡⴰ ⴰⴷ ⵜⵜ-ⵉⴷ-ⵢⴻⴼⵔⵓⵏ ⵖⴻⴼ ⵓⵣⴻⴽⴽⴰ ⵏ ⴼⴰⵍⴻⵙⵟⵉⵏ.

ⵏⵏⵉⴳ ⵡⴰⵢⴰ, ⵒⴻⴰⵛⴻ ⵏⵧⵡ ⵜⴻⵣⵣⴻⵎ ⵖⴻⴼ ⵉⵙⵕⴰⵢⵉⵍ ⴰⵢ ⵍⴰ ⴷ-ⵢⴻⵜⵜⴳⴻⵏ ⵉⵄⴻⵡⵡⵉⵇⴻⵏ ⴷⴻⴳ ⵓⵏⵔⴰⵔ ⴰⴽⴽⴻⵏ ⵓⵔ ⵜⴼⴻⵔⵔⵓ ⴰⵔⴰ ⵜⴻⵎⵙⴰⵍⵜ ⵜⴰⴼⴰⵍⴻⵙⵟⵉⵏⵉⵜ ⵙ ⵜⴰⵍⵡⵉⵜ.