ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
300.000 ⵏ ⵢⵉⵅⴻⴷⴷⴰⵎⴻⵏ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ ⴰⵢ ⵢⴻⵜⵜⵡⴰⵎⵎⴻⵕⴽⴰⵏ ⵖⴻⵔ ⴹⴹⵎⴰⵏⴰ ⴷⴻⴳ 2015
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵣⴰⵍ ⵏ 300.000 ⵏ ⵢⵉⵅⴻⴷⴷⴰⵎⴻⵏ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ ⴰⵢ ⵢⴻⵜⵜⵡⴰⵎⵎⴻⵕⴽⴰⵏ ⵖⴻⵔ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵖⴻⵍⵍⵉⵙⵜ ⵜⴰⵏⵎⴻⵜⵜⵉⵜ ⵏ ⵡⵉⴷ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ (ⵛⴰⵙⵏⵧⵙ) ⵙⴻⴳ ⵡⴰⵙⵎⵉ ⴰⵢ ⵢⴻⵜⵜⵡⴰⵙⵙⴻⴼⵄⴻⵍ ⵍⵇⴰⵏⵓⵏ ⵏ ⵓⵙⵙⵎⴰⴷ ⵏ ⵜⴻⴷⵔⵉⵎⵜ ⵏ 2015, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵛⵀⴰⵡⴽⵉ ⴰⵛⵀⴻⵓⴽ-ⵢⵧⵓⵛⴻⴼ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵓⵙⴻⵏⴷⵓⵇ-ⴰ.
ⴰⵎⵎⴻⵕⴽⵉ ⵏ ⵢⵉⵅⴻⴷⴷⴰⵎⴻⵏ-ⴰ ⴷ ⴰⵢⴻⵏ ⴰⴷ ⵢⴻⴵⴵⴻⵏ ⴰⵙⴻⵏⴷⵓⵇ ⴰⴷ ⴷ-ⵢⴻⵊⵎⴻⵄ 23 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵏⴰ ⴷⴰⴽⴽⴻⵏ 100.000 ⵏ ⵢⵉⵅⴻⴷⴷⴰⵎⴻⵏ ⵉⵎⴰⵢⵏⵓⵜⴻⵏ ⴰⵢ ⵢⴻⵔⵏⴰⵏ ⵎⵎⴻⵕⴽⴰⵏ-ⴷ ⴰⵔⵎⵉ ⴷ ⴼⵓⵕⴰⵕ ⵏ 2016.
ⵢⴻⵔⵏⴰ-ⴷ ⵓⵎⴰⵙⴰⵢ-ⴰ ⴷⴰⴽⴽⴻⵏ ⵜⴰⵎⵀⴻⵍⵜ-ⴰ (ⵄⴰⵎⴰⵍⵉⵢⵢⴰ) ⴰⴷ ⵜⴻⴵⴵ ⵉⵅⴻⴷⴷⴰⵎⴻⵏ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ ⴰⴷ ⵅⴻⵍⵍⵚⴻⵏ ⵜⴰⴱⵣⴰⵔⵜ-ⵏⵙⴻⵏ ⵢⴻⵔⵏⴰ ⴰⴷ ⵙⵄⵓⵏ ⴰⵀⵉⵍ ⵉ ⵓⵅⴻⵍⵍⴻⵚ ⵏ ⵜⴻⴱⵣⴰⵔ ⴰⵢ ⵜⵜⵡⴰⵍⴰⵙⴻⵏ, ⴰⵎ ⵡⴰⴽⴽⴻⵏ ⴰⴷ ⵜⵜⵡⴰⵄⴼⵓⵏ ⵙⴻⴳ ⵍⴻⵅⴹⴻⵢⵢⴰ ⴷ ⵜⴻⵎⵇⴰⵙⵉⵜ ⵏ ⵓⵄⴻⴹⴹⴻⵍ.
ⵢⴻⵏⵏⴰ-ⴷ ⵎⴰⵙⵙ ⴰⵛⵀⴻⵓⴽ-ⵢⵧⵓⵛⴻⴼ ⴷⴰⴽⴽⴻⵏ ⴰⵙⴻⵏⴷⵓⵇ-ⴰ ⵢⴻⵙⵄⴰ 1,6 ⴷ ⴰⵎⴻⵍⵢⵓⵏ ⵏ ⵢⵉⵅⴻⴷⴷⴰⵎⴻⵏ ⵡⴰⵔ ⵜⴰⵛⴻⵀⵕⵉⵜ, ⴳⴰⵔ-ⴰⵙⴻⵏ ⵓⴳⴰⵔ ⵏ 750.000 ⵏ ⵢⵉⵅⴻⴷⴷⴰⵎⴻⵏ ⵓⵔ ⵢⴻⵜⵜⵡⴰⵍⴰⵙⴻⵏ ⴰⵔⴰ ⴷⴻⴳ ⵜⴻⴱⵣⴰⵔⵜ.
ⵉⴳⵎⴰⴹ-ⴰ ⵍⵍⴰⵏ-ⴷ ⴷⴰⵖ ⵙ ⵢⵉⵃⴻⵣⵣⵉⴱⴻⵏ ⴰⵢ ⵢⴻⴷⴷⴻⵎ ⵓⵙⴻⵏⴷⵓⵇ, ⵍⴰⴷⵖⴰ ⵜⵉⵎⵀⴰⵍ ⵏ ⵓⵙⵃⵓⵍⴼⵓ ⵏ ⵢⵉⵅⴻⴷⴷⴰⵎⴻⵏ ⴷ ⵓⵄⴰⵡⴻⴷ ⵏ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵓⵙⴻⵏⴷⵓⵇ ⵙ ⵓⵙⵙⴻⴱⴷⴻⴷ ⵏ ⵜⵎⴻⵀⵍⵉⵡⵉⵏ (ⵎⵓⴷⵉⵔⵉⵢⵢⴰⵜ) ⴷⴻⴳ ⵜⵡⵉⵍⴰⵢⵉⵏ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⴰⵙⴻⵏⴷⵓⵇ-ⴰ ⴰⴷ ⵉⵇⴻⵔⵔⴻⴱ ⵓⴳⴰⵔ ⵖⴻⵔ ⵢⵉⵅⴻⴷⴷⴰⵎⴻⵏ ⵙ ⵓⵔⵥⴰⵎ ⵏ 131 ⵏ ⵜⵏⴰⵔⵉⵢⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ.
