ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵙⵙⵏⴻⵏ ⵢⵉⵎⵙⵓⵍⵜⴰ ⴰⵎⴻⴽ ⴰⴷ ⴰⵙⴻⵏ-ⴷⴷⵓⵏ ⵉ ⵡⵉⴷ ⵢⵓⴹⵏⴻⵏ ⵙⵉⴷⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵏⵏⴰⵏ-ⴷ ⴽⵔⴰ ⵏ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⵏ ⵜⴷⴰⵡⵙⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵉⵎⵙⵓⵍⵜⴰ (ⵔⵉⴵⴰⵍ ⵛⵓⵔⵟⴰ) ⵢⴻⵙⵙⴻⴼⴽ ⴰⴷ ⵙⵙⵏⴻⵏ ⴰⵎⴻⴽ ⴰⴷ ⴷⴷⵓⵏ ⴷ ⵢⵉⵎⵓⴹⵉⵏⴻⵏ ⵏ ⵙⵉⴷⴰ ⵎⵉ ⴰⴷ ⵜⵜⴳⴻⵏ ⵍⴻⵛⵖⴰⵍ-ⵏⵙⴻⵏ ⴷⴻⴳ ⵓⵏⵔⴰⵔ, ⴰⴽⴽⴻⵏ ⵓⵔ ⵜⴻⵏ-ⵉⴷ-ⵉⵏⴻⵟⵟⴻⴹ ⴰⵔⴰ ⵡⴰⴹⴹⴰⵏ-ⴰ.
ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ (ⵎⵓⴷⴰⵅⴰⵍ) ⵉ ⵍⵎⴻⵏⴷ ⵏ ⵡⴰⵙⵙ ⵏ ⵓⵙⵃⵓⵍⴼⵓ ⴰⵢ ⵜⴳⴰ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⵙ ⵓⵎⵄⴰⵡⴻⵏ ⴷ ⵜⵉⴷⴷⵓⴽⵍⵉⵡⵉⵏ ⵏ « ⴻⵍ-ⵀⴰⵢⴰⵜ » ⴷ « ⴰⵉⴷⵙ-ⴰⵍⴳⴻⵔⵉⴻ », ⵉ ⵍⵎⴻⵏⴷ ⵏ ⵓⵃⴻⵣⵣⴻⴱ ⵖⴻⴼ ⵙⵉⴷⴰ ⴷⴻⴳ ⵜⴻⵎⵙⵓⵍⵜⴰ, ⵜⴻⵏⵏⴰ-ⴷ ⵜⴷⵓⴽⵜⵓⵔⵜ ⴰⵙⵎⴰ ⵙⴰⴰⴷ ⴷⵊⴰⴱⴰⵍⵍⴰⵀ ⴷ ⴰⴽⴽⴻⵏ « ⵉⵎⵙⵓⵍⵜⴰ ⵢⴻⵣⵎⴻⵔ ⴰⴷ ⵜⴻⵏ-ⵉⴷ-ⵢⴻⵏⵟⴻⴹ ⵡⴰⴹⴹⴰⵏ-ⴰ ⵖⴻⴼ ⵍⴵⴰⵍ ⵏ ⵓⵅⴻⴷⴷⵉⵎ-ⵏⵙⴻⵏ, ⴷⵖⴰ ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵙⵃⵓⵍⴼⵓ ⵖⴻⴼ ⵡⴰⵢⴰ ».
ⴷⵖⴰ ⵜⴻⴱⴷⴻⵔ-ⴷ ⵜⵉⴳⵏⴰⵜⵉⵏ ⴰⵢⴷⴻⴳ ⴽⵔⴰ ⵏ ⵢⵉⵎⵙⵓⵍⵜⴰ ⵢⴻⵏⵟⴻⴹ-ⵉⵜⴻⵏ-ⵉⴷ ⵡⴰⴹⴹⴰⵏ-ⴰ ⴷⴻⴳ ⵓⵎⴽⴰⵏ ⴰⵢⴷⴻⴳ ⵜⴻⵍⵍⴰ ⵜⴻⵊⵔⵉⵎⵜ ⵏⴻⵖ ⵎⵉ ⴰⴷ ⵜⵜⴳⴻⵏ ⵛⵛⵖⴻⵍ-ⵏⵙⴻⵏ ⴷ ⵡⵉⴷ ⵢⴻⵙⵙⴻⵇⴷⴰⵛⴻⵏ ⵜⵉⵀⵢⵓⴼⵉⵏ.
ⵙⴻⴳ ⵢⵉⴷⵉⵙ-ⵏⵏⴻⵙ, ⵢⴻⵏⵏⴰ-ⴷ ⵓⴷⵓⴽⵜⵓⵔ ⴰⴱⴷⴻⵍⵀⴰⴽⵉⵎ ⴱⴻⵍⴰⵎⵔⵉ ⴷ ⴰⴽⴽⴻⵏ ⴰⵎⴻⵥⵍⵓ (ⵎⴰⵚⵍⴰⵃⴰ) ⵏ ⵜⵉⴳⴰⵡⵜ ⵜⴰⵏⵎⴻⵜⵜⵉⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⵀⴻⵢⵢⴰ-ⴷ ⴰⵀⵉⵍ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ) ⵉ ⵢⵉⵎⵙⵓⵍⵜⴰ ⴰⴽⴽⴻⵏ ⴰⴷ ⵍⴻⵎⴷⴻⵏ ⴰⵎⴻⴽ ⴰⴷ ⴰⵙⴻⵏ-ⴷⴷⵓⵏ ⵉ ⵡⵉⴷ ⵢⵓⴹⵏⴻⵏ ⵙⵉⴷⴰ, ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵡⴰⵀⵉⵍ-ⴰ ⵢⴻⵔⵣⴰ ⵜⵉⵎⵍⵉⵍⵉⵢⵉⵏ ⵏ ⵓⵙⵃⵓⵍⴼⵓ.
ⴷⵖⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵉⵎⵙⵓⵍⵜⴰ ⵙⵉⵎⴰⵍ ⵍⴰ ⵜⵜⴰⴽⵉⵏ ⵉ ⵢⵉⵎⵉⵀⵉⵜⴻⵏ (ⴰⵅⵟⴰⵔ) ⵏ ⵜⴰⵍⵓⴼⵜ-ⴰ ⵢⴻⵔⵏⴰ ⵎⴰⵣⴰⵍ ⴰⵙⵃⵓⵍⴼⵓ ⵢⴻⵜⵜⴽⴻⵎⵎⵉⵍ ⵉ ⵍⴼⴰⵢⴷⴰ ⵏ ⵢⵉⵅⴻⴷⴷⴰⵎⴻⵏ ⵏ ⵜⴻⵎⵙⵓⵍⵜⴰ.
