ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵙⴰⵡⴻⵍ ⵉⵣⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⵔⴻⴼⴷⴻⵏ ⵜⵉⴽⵜⵉⵡⵉⵏ ⵉⵎⴰⵖⵕⴰⵚⴻⵏ ⴷ ⵢⴻⵎⴵⵓⵀⴰⴷ
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵙⵙⴰⵡⴻⵍ ⴰⵙⵙ ⵏ ⵍⴰⵕⴻⴱⵄⴰ "ⵉⵣⵣⴰⵢⵔⵉⵢⴻⵏ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵎⴻⴷⵢⴰ ⵏ ⵢⵉⵎⴰⵖⵕⴰⵚⴻⵏ ⴰⴽⴽ ⴷ ⵢⴻⵎⴵⵓⵀⴰⴷ ⵢⴻⵙⵙⴰⵡⴹⴻⵏ ⵖⴻⵔ ⵜⵉⵎⵎⵓⵏⴻⵏⵜ ⵏ ⵜⵎⵓⵔⵜ ⵙ ⵢⵉⴷⴰⵎⵎⴻⵏ ⵢⵓⵣⵣⵍⴻⵏ ⴰⴽⴽ ⴷ ⵍⴰⵄⵜⴰⴱ ⵎⵓⵇⵇⵕⴻⵏ".
ⴷⴻⴳ ⵢⵉⵡⴻⵏ ⵏ ⵢⵉⵣⴻⵏ ⴰⵢ ⵢⴻⵜⵜⵓⵛⴻⴳⴳⵄⴻⵏ ⵉ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ ⴰⵍⵎⴻⵏⴷ ⵏ ⵡⴻⵙⵎⴻⴽⵜⵉ ⵡⵉⵙ 60 ⵏ ⵓⵎⵓⵍⵍⵉ ⵏ ⵜⵍⴰⵍⵍⵉⵜ ⵏ ⵜⴷⵓⴽⴽⵍⵉ ⵜⴰⵎⴰⵜⵓⵜⵜ ⵏ ⵢⵉⵅⴻⴷⴷⴰⵎⴻⵏ ⵉⵣⵣⴰⵢⵔⵉⵢⴻⵏ (ⵓⴳⵜⴰ) ⴰⴽⴽ ⴷ ⵓⵎⵓⵍⵍⵉ ⵡⵉⵙ 45 ⵏ ⵓⵙⵖⵍⵏⴰⵥⵕⵉ ⵏ ⵍⵒⵉⵜⵕⵓⵍ ⴷ ⵍⴳⴰⵣ, ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵙⵙⴰⵡⴻⵍ ⵉ ⵢⵉⵣⵣⴰⵢⵔⵉⵢⴻⵏ "ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⴱⵔⵉⴷ ⵢⴻⵍⵍⴰⵏ ⴷ ⴰⵎⴻⴷⵢⴰ ⵏ ⵢⵉⵎⴰⵖⵕⴰⵚⴻⵏ ⴰⴽⴽ ⴷ ⵢⴻⵎⴵⵓⵀⴰⴷ ⴷ-ⵉⵃⴻⵍⵍⴰⵏ ⵜⵉⵎⵎⵓⵏⴻⵏⵜ ⵙ ⵍⴰⵄⵜⴰⴱ ⴷ ⵢⵉⴷⴰⵎⵎⴻⵏ ⵢⵓⵣⵣⵍⴻⵏ".
"ⴰⴷ ⵙⵙⵉⵡⵍⴻⵖ ⵉ ⵡⴻⴳⴷⵓⴷ ⴰⴽⴽⴻⵏ ⴰⴷ ⵃⴰⴷⵔⴻⵏ ⵖⴻⴼ ⵢⵉⴱⴻⵔⴷⴰⵏ ⵏ ⵜⵊⴰⴷⴷⵉⵜ-ⵏⵏⴻⵖ, ⴷ ⵉⵙⴻⴳⴳⴰⵙⴻⵏ ⵚⴻⴱⵕⴻⵏ, ⵡⴻⵔⴵⵉⵏ ⴽⵏⴰⵏ, ⴰⴽⴽⴻⵏ ⴰⴷ ⴱⵏⵓⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜⵜ ⵜⴰⴷⴰⵎⵙⴰⵏⵜ ⴷ ⵍⴰⵎⴰⵏ ⵉⵡⴰⵄⵕⴻⵏ", ⵉ ⵢⴻⵙⵙⴰⵃⵕⴻⵚ ⵓⵎⵓⵇⵇⵕⴰⵏ ⵏ ⴷⴷⴻⵡⵍⴰ ⵍⴰⴷⵖⴰ ⵎⵉ ⴷ-ⵢⴻⵏⵏⴰ ⴱⴻⵍⵍⵉ "ⵉⵍⴰⵇ ⵓⴽⴻⵎⵎⴻⵍ ⵓⵏⴰⴷⵉ ⵏ ⵜⵓⵙⵙⵏⴰ ⴷⴻⴳ ⵜⴻⵙⴷⴰⵡⵉⵢⵉⵏ-ⵏⵏⴻⵖ, ⵡⴻⵅⴷⴰⵎ ⵏ ⵡⴰⴽⴰⵍ ⵏ ⵜⴼⴻⵍⵍⴰⵃⵜ ⴷ ⵓⵙⴻⴼⵜⵉ ⴷⵉ ⵍⵍⵓⵣⵉⵏⴰⵜ ⴰⴽⴽⴻⵏ ⵍⴻⵣⵣⴰⵢⴻⵔ ⴰⴷ ⵜⵇⴰⴱⴻⵍ ⵜⴰⵙⵡⵉⵄⵜ-ⴰⴳⵉ ⵜⴰⵡⴰⵄⵕⴰⵏⵜ ⵙ ⵡⴰⵛⵓ ⴷ-ⵢⴻⴳⵍⴰ ⵙⵙⵓⵇ ⴰⴳⴻⵔⴰⵖⵍⴰⵏ ⵓⵒⵉⵟⵕⵓⵍⵍ".
