ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵡⴻⴽⴽⴷⴻⵏ-ⴷ ⵢⵉⵡⴰⵎⵏⵉⵢⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⴱⵔⵓⵅⴻⵍⵍⴻⵙ ⴰⴷⴷⵓⴷ ⵏ ⵍⴷⵣⴰⵢⴻⵔ ⴷⴻⴳ ⵜⴻⵎⵙⴰⵍⵜ ⵜⴰⴼⴰⵍⴻⵙⵟⵉⵏⵉⵜ
ⴱⵔⵓⵅⴻⵍⵍⴻⵙ– ⵄⴰⵡⴷⴻⵏ ⵡⴻⴽⴽⴷⴻⵏ-ⴷ ⵢⵉⵡⴰⵎⵏⵉⵢⴻⵏ ⵉⴷⵣⴰⵢⵔⵉⵢⴻⵏ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴱⵔⵓⵅⴻⵍⵍⴻⵙ, « ⴰⴷⴷⵓⴷ ⵏ ⵓⵎⴻⵏⵣⴰⵢ » (ⵎⴰⴱⴷⴰ’) ⵏ ⵍⴷⵣⴰⵢⴻⵔ ⴷ ⵓⵜⵜⴻⴽⴽⵉ-ⵏⵏⴻⵙ ⵓⵎⵎⵉⴷ ⴷⴻⴳ ⵓⵄⴰⵡⴻⵏ ⵏ ⵡⴻⵖⵔⴻⴼ ⴰⴼⴰⵍⴻⵙⵟⵉⵏⵉ ⴷ ⵢⵉⵣⴻⵔⴼⴰⵏ-ⵏⵏⴻⵙ ⵓⵣⵔⵉⴼⴻⵏ (ⵛⴰⵔⵄⵉⵢⵢⴰ) ⵉ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ ⵉⵎⵣⵉⵔⴻⴳ ⴰⴷ ⵢⴻⵙⵄⵓⵏ ⵍⵇⵓⴷⵙ ⴷ ⵜⴰⵎⴰⵏⴻⵖⵜ-ⵏⵏⴻⵙ.
ⵎⵉ ⵢⴻⵜⵜⴻⴽⴽⴰ ⴷⴻⴳ ⵜⴻⵎⵍⵉⵍⵉⵜ ⵏ ⵜⵙⴻⵇⵇⴰⵎⵓⵜ ⵏ ⵜⵖⴰⵡⵙⵉⵡⵉⵏ ⵜⵉⵙⴻⵔⵜⴰⵏⵉⵏ, ⵏ ⵜⵖⴻⵍⵍⵉⵙⵜ ⴷ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵏ ⵜⴷⵓⴽⵍⵉ ⵉ ⵡⴻⴳⵔⴰⴽⴰⵍ (ⵓⵒⵎ), ⵢⴻⵏⵏⴰ-ⴷ ⵎⵧⵀⴰⵎⴻⴷ ⵎⴰⴷⴰⵏⵉ ⵀⴰⵧⵓⴻⴷ ⵎⵧⵓⵉⵙⵙⴰ, ⵢⴻⵍⵍⴰⵏ ⴷ ⴰⵎⴰⵙⵍⴰⴹ ⴷⴻⴳ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ, ⴷⴰⴽⴽⴻⵏ « ⵍⴷⵣⴰⵢⴻⵔ ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵓⵙⵙⵓⵜⴻⵔ ⴰⴼⴰⵍⴻⵙⵟⵉⵏⵉ ⵓⵣⵔⵉⴼ ⵉ ⵡⴻⵙⵜⴻⵄⵕⴻⴼ ⵙ ⵓⵡⴰⵏⴰⴽ ⴰⴼⴰⵍⴻⵙⵟⵉⵏⵉ ⴰⴷ ⵢⴻⵙⵄⵓⵏ ⵍⵇⵓⴷⵙ ⴷ ⵜⴰⵎⴰⵏⴻⵖⵜ-ⵏⵏⴻⵙ ».
ⵉ ⵍⵎⴻⵏⴷ ⵏ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵉ ⵓⵒⵎ ⴰⴽⴽⴻⵏ ⴰⴷ ⴷ-ⵜⴻⵙⵙⴻⵄⵊⴻⵍ ⴰⵙⵙⴻⴱⴷⴻⴷ ⵏ ⵜⴻⴳⵔⴰⵡⵜ ⵏ ⵓⵅⴻⴷⴷⵉⵎ ⵖⴻⴼ ⴼⴰⵍⴻⵙⵟⵉⵏ ⴰⴽⴽⴻⵏ ⴰⴷ ⵜⴻⴷⵀⴻⵍ (ⵜⴰⴷⵄⴰⵎ) ⴰⵙⵙⵓⵜⴻⵔ ⵓⵣⵔⵉⴼ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ ⴰⵡⴰⵏⴰⴽ (ⴷⴰⵡⵍⴰ) ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵉⵡⴻⴽⴽⴻⴷ-ⴷ ⵓⵎⴰⵙⵍⴰⴹ-ⴰ (ⵄⵓⴹⵡ) ⵏ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵅⴻⴷⴷⵉⵎ ⵉ ⵍⵎⴻⵏⴷ ⵏ « ⵜⴰⵍⵡⵉⵜ ⴷ ⵡⴻⵔⴽⴰⴷ ⵏ ⵡⴻⴳⵎⵓⴹ ⴰⵍⴻⵎⵎⴰⵙ », ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⵜ ⴷⴻⴳ ⵓⵙⵙⴻⵅⵍⴻⴹ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴳⴰⵔ ⵓⵙⵙⵓⵜⴻⵔ ⵏ ⵓⵣⴰⵔⵓⴳ (ⵉⵙⵜⵉⵇⵍⴰⵍ) ⴷ ⵔⵔⴻⴱⵔⴰⴱ.
« ⵎⴰ ⵢⴻⵍⵍⴰ ⴰⵅⴻⴷⴷⵉⵎ ⵏ ⴽⵔⴰ ⵏ ⵡⴻⵖⵔⴻⴼ ⴰⴽⴽⴻⵏ ⴰⴷ ⴷ-ⵢⴻⵙⵙⵓⵜⴻⵔ ⴰⵣⴰⵔⵓⴳ-ⵏⵏⴻⵙ ⴷ ⵔⵔⴻⴱⵔⴰⴱ, ⵉⵀⵉ ⴰⵎⴻⴽ ⴰⴷ ⴰⵙ-ⵏⵙⴻⵎⵎⵉ ⵉ ⵡⵉⵏ ⴰⵢ ⵢⴻⴹⴹⴼⴻⵏ ⵜⴰⵎⵓⵔⵜ ⵏ ⵡⴻⵖⵔⴻⴼ-ⴰ? », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵢⵉⵡⴰⵎⵏⵉⵢⴻⵏ (ⴱⴰⵔⵍⴰⵎⴰⵏⵉⵢⵢⵉⵏà ⵏ ⵜⵎⵓⵔⴰ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵒⵎ.
ⵎⴰ ⴷ ⵎⴰⵙⵙⴰ ⵀⴰⴼⵉⴷⴰ ⴱⴻⵏⵛⵀⴻⵀⵉⴷⴰ, ⵢⴻⵍⵍⴰⵏ ⴷⴰⵖ ⴷ ⵜⴰⵎⴰⵙⵍⴰⴹⵜ ⴷⴻⴳ ⵓⵙⴻⵇⵇⴰⵎⵓ ⵏ ⵡⴻⵖⵍⴰⵏ, ⵜⵄⴰⵡⴻⴷ ⵜⵡⴻⴽⴽⴻⴷ-ⴷ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ, ⴰⵣⵔⴻⴼ ⵏ ⵡⴻⵖⵔⴻⴼ ⴰⴼⴰⵍⴻⵙⵟⵉⵏⵉ ⴰⴽⴽⴻⵏ ⴰⴷ ⵢⴻⴷⴷⴻⵔ ⴷⴻⴳ ⵜⵖⴻⵍⵍⵉⵙⵜ ⴷⴻⴳ ⵓⵡⴰⵏⴰⴽ ⴰⴷ ⵉⴷⵓⵎⴻⵏ, ⵢⴻⵔⵏⵓ ⴷ ⵡⵉⵏ ⴰⴷ ⵢⴻⵙⵄⵓⵏ ⵜⴰⵎⴰⵏⴻⵖⵜ-ⵏⵏⴻⵙ ⴷ ⵍⵇⵓⴷⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⵜ ⴰⵟⴰⵙ ⵜⴻⵎⵙⴰⵍⵜ ⵏ ⵡⴻⵅⵚⴰⵔ ⵏ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ ⴷⴻⴳ ⵡⴻⴳⵎⵓⴹ ⴰⵍⴻⵎⵎⴰⵙ.
