ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵜⴻⵙⵙⴻⴼⵇⴻⴷ ⴰⵙⵙⴻⵡⵊⴻⴷ ⵉ ⵢⵉⴽⴰⵢⴰⴷⴻⵏ ⴷ ⵢⴻⵎⵙⴰⵣⵡⴰⵔⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⴷⴷⴰ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴻⴱⵔⵉⵜ, ⴰⵙⵙ ⵏ ⵜⵜⵍⴰⵜⴰ, ⵖⴻⵔ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⵉⴽⴰⵢⴰⴷⴻⵏ ⴷ ⵢⴻⵎⵙⴰⵣⵡⴰⵔⴻⵏ ⴰⴽⴽⴻⵏ ⴰⴷ ⵜⴻⵙⵙⴻⴼⵇⴻⴷ ⴰⴽⴽⴻⵏ ⴰⴷ ⵜⴻⵙⵙⴻⴼⵇⴻⴷ ⵉⴽⴰⵢⴰⴷⴻⵏ ⴷ ⵢⴻⵎⵙⴰⵣⵡⴰⵔⴻⵏ ⴰⵢ ⴷ-ⵢⴻⵜⵜⵉⵍⵉⵏ ⴷⴻⴳ ⵡⴻⵃⵔⵉⵛ-ⵏⵏⴻⵙ.
ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵢⵉⴽⴰⵜⴰⵔⴻⵏ ⴷ ⵢⵉⵅⴻⴷⴷⴰⵎⴻⵏ ⵏ ⵓⴷⵉⵡⴰⵏ, ⵜⴻⴼⴽⴰ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⵍⴻⵡⵚⴰⵢⴰⵜ ⴷ « ⵜⵓⵖⵜⵉⵙⵉⵏ » ⵉ ⵍⵎⴻⵏⴷ ⵏ ⵡⴻⵃⵔⴰⵣ ⵏ « ⵜⴼⴻⵍⵙⴰ » (ⵎⵉⵚⴷⴰⵇⵉⵢⵢⴰ) ⵏ ⵢⵉⴽⴰⵢⴰⴷⴻⵏ ⴷ ⵢⴻⵎⵙⴰⵣⵡⴰⵔⴻⵏ ⴰⵢ ⴷ-ⵢⴻⵜⵜⵉⵍⵉⵏ ⴷⴻⴳ ⵡⴻⵃⵔⵉⵛ-ⵏⵏⴻⵙ, ⵍⴰⴷⵖⴰ ⴰⴽⴰⵢⴰⴷ ⵏ ⵍⴱⴰⴽ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴽⴽ ⴰⴷ ⴷ-ⵉⵍⵉⵏⵜ ⵜⵓⵛⵛⴹⵉⵡⵉⵏ ⴷⴻⴳ ⵜⵓⵜⵜⵔⵉⵡⵉⵏ ⵏ ⵢⵉⴽⴰⵢⴰⴷⴻⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⴼⵇⴻⴷ ⵡⴰⵢⴰ ⵓⵇⴱⴻⵍ ⵎⴰ ⴼⴼⵖⴻⵏ-ⴷ ⴷⴻⴳ ⵍⴽⴰⵖⴻⴹ.
« ⴰⵃⴻⵣⵣⵉⴱ ⴰⵎⴰⵢⵏⵓ ⵢⴻⵔⵣⴰⵏ ⴰⵛⴻⴳⴳⴻⵔ (ⵎⵓⵔⴰⴵⴰⵄⴰ) ⵏ ⵜⵓⵜⵜⵔⵉⵡⵉⵏ ⵏ ⵢⵉⴽⴰⵢⴰⴷⴻⵏ ⴷ ⵜⵉⵏ ⴰⵢⴷⴻⴳ ⵙⵏⴰⵜ ⵏ ⵜⵙⴻⵇⵇⵓⵎⴰ ⴰⴷ ⴷ-ⵢⴻⵍⵀⵓⵏ ⵙ ⵓⵙⵙⴻⴼⵇⴻⴷ, ⵎⴰⵛⵉ ⴰⵍⴰ ⵢⵉⵡⴻⵜ, ⴰⵎ ⵣⵉⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.
ⵜⴻⵙⵙⴻⴼⵇⴻⴷ ⴷⴰⵖ ⵜⵏⴻⵖⵍⴰⴼⵜ ⵜⵉⵏⴰⵔⵉⵢⵉⵏ (ⵎⴰⴽⴰⵜⵉⴱ) ⵢⴻⵎⴳⴻⵔⵔⴰⴷⴻⵏ ⵏ ⵓⴷⵉⵡⴰⵏ-ⴰ, ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⴹⵎⴻⵏ ⵡⴻⵃⵔⴰⵣ ⵏ ⵍⴱⴰⴹⵏⴰ ⵏ ⵡⴰⵢⴻⵏ ⴷ-ⵢⴻⵜⵜⵡⴰⵀⴻⵢⵢⴰⵢⴻⵏ ⴷⵉⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵢⴻⴹⴼⴻⵔ ⵓⴷⵉⵡⴰⵏ ⴰⵢⴻⵏ ⵢⴻⵍⵍⴰⵏ ⴷ ⴰⵎⴰⵢⵏⵓ ⴷⴻⴳ ⵜⴻⵙⵏⴰⵜⵡⵉⵍⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ (ⵉⵜⵜⵉⵚⴰⵍ).
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵡⴻⵚⵚⴰ-ⴷ ⵖⴻⴼ ⵓⵙⵙⴻⵍⵀⵓ ⵏ ⵜⴻⴳⵏⵉⵜ ⵏ ⵓⵅⴻⴷⴷⵉⵎ ⵏ ⵢⵉⵅⴻⴷⴷⴰⵎⴻⵏ ⵏ ⵓⴷⵉⵡⴰⵏ ⴰⴽⴽⴻⵏ ⴰⴷ ⴳⴻⵏ ⵍⴻⵛⵖⴰⵍ-ⵏⵙⴻⵏ « ⴰⴽⴽⴻⵏ ⵉⴳⴻⵔⵔⴻⵣ ».
ⴷⴻⴳ ⵜⴰⵎⵙⴰⵍⵜ-ⴰ, ⵜⴻⵏⵏⴰ-ⴷ ⵎⴰⵙⵙⴰ ⴱⴻⵏⴳⵀⴻⴱⵔⵉⵜ ⴷⴰⴽⴽⴻⵏ ⵢⴻⵍⵍⴰ-ⴷ ⵡⴻⵙⵎⴰⵔ (ⵜⴰⵃⴷⵉⵜ) ⵏ ⵡⵓⵎⵓⵖ ⵏ ⵢⵉⵙⵎⴰⵡⴻⵏ ⵏ ⵡⵉⴷ ⴰⴷ ⵉⵄⴰⵙⵙⴻⵏ ⵉⴽⴰⵢⴰⴷⴻⵏ.
ⴷⴻⴳ ⵜⴳⴰⵔⴰ, ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⴷⴰⴽⴽⴻⵏ ⴰⴷⵉⵡⴰⵏ ⴰⵖⴻⵍⵏⴰⵡ ⵏ ⵢⵉⴽⴰⵢⴰⴷⴻⵏ ⴷ ⵢⴻⵎⵙⴰⵣⵡⴰⵔⴻⵏ ⴰⴷ ⵢⵉⵍⵉ ⴷ ⴰⵎⵙⵉⴳⴳ ⵖⴻⴼ ⵡⴻⵎⵙⴰⵣⵡⴰⵔ ⵏ ⵓⵙⵙⵉⴷⴻⴼ ⵏ ⵢⵉⵙⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ ⴰⴷ ⴷ-ⵢⵉⵍⵉⵏ ⴷⴻⴳ ⵜⴳⴰⵔⴰ ⵏ ⵎⴻⵖⵔⴻⵙ-ⴰ, ⵍⴰⴷⵖⴰ ⵉⵎⵉ ⴰⴷⵉⵡⴰⵏ-ⴰ ⵢⴻⵙⵄⴰ ⵜⵜⴻⵊⵕⵉⴱⴰ ⴷⴻⴳ ⵡⴰⵢⴰ ⵢⴻⵔⵏⵓ ⴰⴷ ⵉⵄⴰⵙⵙ ⵜⵓⴼⴼⵖⵉⵡⵉⵏ ⵏ ⵡⴻⴱⵔⵉⴷ ⴰⵢ ⴷ-ⵢⴻⵜⵜⵉⵍⵉⵏ ⴷⴻⴳ ⵡⴻⵎⵙⴰⵣⵡⴰⵔ-ⴰ.
