ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴼⴰⵍⴻⵙⵟⵉⵏ: ⵢⴻⴼⴽⴰ ⵓⵎⵉⴷⴰⴳ ⴰⵣⴻⵡⵡⴰⵖ ⵜⵜⵊⵓⵕ ⵉ ⵢⵉⴽⴻⵔⵔⴰⵣⴻⵏ ⵏ ⵖⴻⵣⵣⴰ

ⵡⴰⴷⵉ ⵙⴰⵍⵇⴰ– ⵢⴻⴱⴷⴰ ⵉⴼⴻⵔⵔⴻⵇ ⵓⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵓⵎⵉⴷⴰⴳ ⴰⵣⴻⵡⵡⴰⵖ, ⴰⵙⵙ ⵏ ⵍⴰⵕⴻⴱⵄⴰ, ⵉⴳⵉⵎⴰⵏ (ⴰⵍⴰⴼ) ⵏ ⵜⵍⵓⵣⵜⵉⵏ ⵉ ⵢⵉⴽⴻⵔⵔⴰⵣⴻⵏ ⵏ Ɣⴻⵣⵣⴰ ⵓⵎⵉ ⵜⴻⵅⵚⴻⵔ ⵍⵖⴻⵍⵍⴰ ⵙ ⵍⴱⵓⵎⴱⴰⵜ ⵜⵉⵙⵕⴰⵢⵉⵍⵉⵢⵉⵏ.

ⴰⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵓⵎⵉⴷⴰⴳ ⴰⵣⴻⵡⵡⴰⵖ ⵢⴻⵙⵙⴻⴼⵔⴰⵢ ⴰⴷ ⵢⴻⴼⵔⴻⵇ « 4.000 ⵏ ⵜⵍⵓⵣⵜⵉⵏ ⵏ ⵛⵛⴻⵜⵍⴰⵜ ⵢⴻⵎⴳⴻⵔⵔⴰⴷⴻⵏ ⵉ ⵢⵉⴽⴻⵔⵔⴰⵣⴻⵏ ⵉⵣⴻⴷⵖⴻⵏ ⵖⴻⴼ ⵜⵍⵉⵙⴰ ⵏ Ɣⴻⵣⵣⴰ, ⵡⵉⴷ ⵢⴻⵏⴹⴻⵔⵔⴻⵏ ⴰⵟⴰⵙ ⵙⴻⴳ ⵢⴻⵎⴳⵓⵔⴰ-ⵏⵏⵉ (ⵃⵓⵔⵓⴱ) » ⴰⵢ ⴷ-ⵢⴻⵍⵍⴰⵏ ⴷⴻⴳ Ɣⴻⵣⵣⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵎⴰⵎⴰⴷⵧⵓ ⵙⵧⵡ ⵢⴻⵍⵍⴰⵏ ⴷ ⵉⵎⴹⴻⴱⴱⴻⵔ ⵏ ⵓⵎⵉⴷⴰⴳ ⴰⵣⴻⵡⵡⴰⵖ ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ

ⵖⴻⴼ ⵍⴻⵃⵙⴰⴱ ⵏ ⵢⵉⴽⴻⵔⵔⴰⵣⴻⵏ ⵏ ⵡⴰⴷⵉ ⵙⴰⵍⵇⴰ ⵢⴻⵍⵍⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵙⴼⵉⴼⵜ ⵏ ⵖⴻⵣⵣⴰ, ⵉⵙⵡⵉ ⵏ ⵢⵉⵙⵕⴰⵢⵉⵍⵉⵢⴻⵏ ⵏⴻⵜⵜⴰ ⴷ ⵜⵓⴽⴽⵙⴰ ⵏ ⵡⴻⵣⵔⴻⴼ ⵉ ⵢⵉⵎⴻⴽⵙⴰⵡⴻⵏ ⴰⴽⴽⴻⵏ ⴰⴷ ⴽⵙⴻⵏ ⵙⴷⴰⵜ ⵥⵥⴻⵔⴱ ⴷ-ⵢⴻⵣⵣⵉⵏ ⵖⴻⴼ Ɣⴻⵣⵣⴰ.

ⵖⴻⴼ ⵡⴰⴽⴽⴻⵏ ⴷ-ⵏⵏⴰⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵣⴳⴻⵏ ⵙⴻⴳ ⵡⴰⴽⴰⵍ ⵏ ⵜⴽⴻⵔⵔⴰⵣⵜ ⵏ ⵖⴻⵣⵣⴰ ⴷ 85% ⵙⴻⴳ ⵢⵉⵙⴻⵍⵎⴰⵏ-ⵏⵏⴻⵙ ⵓⵔ ⵣⵎⵉⵔⴻⵏ ⴰⵔⴰ ⴰⴷ ⴰⵡⴹⴻⵏ ⵖⴻⵔ-ⵙⴻⵏ ⵢⵉⵎⴻⵣⴷⴰⵖⴻⵏ ⵏ ⵡⴰⴽⴰⵍ-ⴰ ⵉⵎⵉ ⵜⵉⵎⵏⴰⴹⵉⵏ-ⴰ ⴰⴽⴽ ⵓⵙⴰⵏⵜ-ⴷ ⵖⴻⴼ ⵜⵍⵉⵙⴰ ⵢⴻⵔⵏⵓ ⵜⵃⵓⵣⴰ-ⵜⴻⵏⵜ ⵜⴻⵔⴳⵓⵍⵜ (ⵃⵉⵚⴰⵔ) ⴰⵢ ⴷ-ⵜⵃⴻⵜⵜⴻⵎ ⵉⵙⵕⴰⵢⵉⵍ ⵖⴻⴼ ⵖⴻⵣⵣⴰ ⵙⴻⴳ 2006. ⴷⴻⴳ 1968, ⵜⴰⴽⴻⵔⵔⴰⵣⵜ ⵜⴻⵍⵍⴰ ⵜⴳⴻⵍⵍⵓ-ⴷ ⵙ ⵡⵓⴳⴰⵔ ⵏ ⵡⴻⵣⴳⴻⵏ ⵙⴻⴳ ⵓⵎⴻⴷⵅⵓⵍ ⵏ ⵜⴷⴰⵎⵙⴰ ⵜⴰⴼⴰⵍⴻⵙⵟⵉⵏⵉⵜ. ⴰⵙⵙ-ⴰ, ⴰⵍⴰ 4 ⵖⴻⵔ 5% ⴰⵢ ⴷ-ⵜⴻⵙⵙⴰⴷⴰⴼ ⵉ ⵜⴷⴰⵎⵙⴰ.