ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵜⴻⵜⵜⵉⴽⵉ ⵍⴻⵣⵣⴰⵢⴻⵔ ⴷⴻⴳ ⵜⴻⵥⵔⵉⴳⵜ ⵜⵉⵙ 50 ⵏ ⵜⴰⴳⴳⴰⵣⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉⵜ ⴷⵉ ⴱⴻⵔⵍⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ- ⴰⴷ ⵜⵉⵍⵉ ⵍⴻⵣⵣⴰⵢⴻⵔ ⴳⴰⵔ ⵜⵎⵓⵔⴰ ⴰⵔⴰ ⵢⴻⵜⵜⵉⴽⵉⵏ ⴷⴻⴳ ⵜⴰⴳⴳⴰⵣⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉⵜ ( ⵜⴰⵥⵔⵉⴳⵜ-ⵉⵙ ⵜⵉⵙ 50) ⴰⵔⴰ ⴷ-ⵢⵉⵍⵉⵏ ⴳⴰⵔ 9 ⴰⴽⴽⴻⴷ 13 ⵙⴻⴳ ⵡⴰⵢⵢⵓⵔ-ⴰⵢⵉ ⵏ ⵎⴻⵖⵔⴻⵙ ⴷⵉ ⴱⴻⵔⵍⵉⵏ, ⴰⵏⴷⴰ ⴰⵔⴰ ⵢⵉⵍⵉⵏ 10 000 ⵏ ⵢⵉⵎⵜⴻⴽⴽⵉⵢⴻⵏ ⴰⵔⴰ ⵉⴳⴻⵏⵙⵙⴻⵏ 185 ⵏ ⵜⵎⵓⵔⴰ, ⵖⴻⴼ ⴰⴽⴽⴻⵏ ⵉⴷ-ⵢⴻⵏⵏⴰ ⴰⵙⵙ ⵏ ⵍⴰⵔⴻⴱⵄⴰ ⵡⴻⵖⵍⵉⴼ ⵏ ⵜⵎⴻⵔⵔⵉⵜ.

ⵜⴰⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⵎⴻⵔⵔⵉⵜ (ⵧⵏⵜ) ⵜⵀⴻⵢⵢⴰ-ⴷ ⵉⵍⵎⴻⵏⴷ ⵏ ⵜⴻⴷⵢⴰⵏⵜ-ⴰ, ⵢⵉⵡⴻⵏ ⵏ ⵡⴰⵀⵉⵍ ⴰⵎⴻⵕⴽⴰⵏⵜⵉ ⴰⵔⴰ ⵢⴻⵜⵜⵡⴰⴼⵙⴻⵔⴻⵏ ⴷⴻⴳ ⵢⵉⵡⴻⵏ ⵓⴼⵔⴰⴳ ⵏ 100 ⵎ2 , ⵉ ⵢⴻⵜⵜⵡⴰⵅⴻⴷⵎⴻⵏ ⵙ ⵡⵓⴷⴻⵎ ⴰⵔⴰ ⴷ-ⵉⴱⴻⴳⵏⴻⵏ ⵜⵉⵎⵎⴻⵔⴽⴰⵏⵜⵉⵜ ⵏ ⵜⴳⴻⵎⵎⵉ ⵜⴰⵙⴻⴳⴷⴰⵏⵜ ⵏ ⵍⴻⵣⵣⴰⵢⴻⵔ.

ⴰⴷ ⴷ-ⵢⵉⵍⵉ ⴷⴰⵖ ⴷⴻⴳ ⵓⴼⵔⴰⴳ-ⴰ, ⵓⵙⵄⴻⴷⴷⵉ ⵏ ⵜⴻⵙⴳⵉⵍⵉⵏ ⵏ ⵓⴷⴻⵍⵍⴻⵍ ⵢⴻⵔⵣⴰⵏ ⴰⴷⴳⴻⵏ ⴷ ⵢⵉⵎⵓⴽⴰⵏ ⵏ ⵜⵎⴻⵔⵔⵉⵜ ⵉ-ⵢⴻⵙ ⵜⴻⵟⵟⵓⵇⵇⴻⵜ ⵍⴻⵣⵣⴰⵢⴻⵔ, ⵖⴻⵔ ⵜⴰⵎⴰ ⵏ ⵓⴼⵙⴰⵔ ⵏ ⵢⵉⵎⵏⵉⵔⴻⵏ ⴰⴽⴽⴻⴷ ⵢⵉⴹⴻⴱⵙⵉⵢⴻⵏ (ⵛⴷ) ⵙ ⵜⵓⵜⵍⴰⵢⵉⵏ ⵜⴰⵏⴳⵍⵉⵣⵉⵜ ⴷ ⵜⴰⵍⵎⴰⵏⵉⵜ, ⵉ ⵓⵙⵙⵉⵙⵙⴻⵏ ⵏ ⵡⵉⴷ ⴰⵔⴰ ⴷ-ⵢⴰⵙⴻⵏ ⵙ ⵛⴱⴰⵃⴰ ⵏ ⵜⴰⵎⵉⵡⵉⵏ ⵢⴻⵎⵅⴰⵍⵍⴰⴼⴻⵏ ⵏ ⵜⵎⵓⵔⵜ ⵏ ⵍⴻⵣⵣⴰⵢⴻⵔ .

ⵜⴰⴳⴳⴰⵣⵜ ⵜⴰⴳⵔⴰⵖⵍⴰⵏⵜ ⵏ ⵜⵎⴻⵔⵔⵉⵜ ⵏ ⴱⴻⵔⵍⵉⵏ, ⴷ ⵏⴻⵜⵜⴰⵜ ⵉ ⴷ ⵜⴰⴷⵢⴰⵏⵜ ⵜⴰⵎⴻⵔⵔⴰⵏⵜ ⵉ ⵢⴻⵙⵄⴰⵏ ⵓⴳⴰⵔ ⵏ ⵡⴰⵣⴰⵍ ⴷⴻⴳ ⵓⵎⴰⴹⴰⵍ, ⵉⵎⵉ ⵜⴻⵍⵍⴰ ⴷ ⴰⴷⴻⴳ ⵙ ⵡⴰⵣⴰⵍ-ⵉⵙ ⵉ ⵓⵎⴱⴰⴷⴷⴻⵍ ⵏ ⵜⴻⵔⵎⵉⵜ ⴷⴻⴳ ⴰⵢⴻⵏ ⵢⴻⵔⵣⴰⵏ ⴰⵃⵔⵉⵛ ⵏ ⵜⵎⴻⵔⵔⵉⵜ ⴰⵎⴰⴹⵍⴰⵏ, ⵉⵎⵉ ⵜⴻⵜⵜⵉⵍⵉ ⴷ ⵜⴰⵍⴻⵎⵎⵉⵥⵜ ⵉ ⵡⵉⴷ ⴷ-ⵢⴻⵜⵜⴰⵙⴻⵏ ⵉ ⵡⴰⴽⴽⴻⵏ ⴰⴷ ⵉⵙⵙⵉⵏⴻⵏ ⴰⵢⴻⵏ ⵢⴻⵍⵍⴰⵏ ⴷ ⴰⵎⴰⵢⵏⵓⵜ ⴷⴻⴳ ⵜⵡⴻⵀⵀⵉⵢⵉⵏ ⵜⵉⵎⴻⵔⵔⴰⵏⵉⵏ ⵉ ⴷ-ⵢⴻⵜⵜⵔⵓⵙⵓⵏ.