ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴳⴻⵔ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⵜⵉⵖⵔⵉ ⵉ ⵜⴻⵕⵎⵉⵙⵉⵏ ⵏ ⵍⴻⴱⵏⵉ ⵏ ⵛⵛⵍⴻⴼ ⴰⴽⴽⴻⵏ ⴰⴷ ⵜⵜⴻⴽⴽⵉⵏⵜ ⴷⴻⴳ ⵢⵉⵙⴻⵏⴼⴰⵔⴻⵏ

ⵛⵛⵍⴻⴼ– ⵉⴳⴻⵔ-ⴷ ⵓⵏⴻⵖⵍⴰⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ (ⴰⵛⵖⴰⵍ ⵄⵓⵎⵓⵎⵉⵢⵢⴰ), ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵛⵛⵍⴻⴼ, ⵉ ⵢⵉⵕⴻⵎⵎⴰⵙⴻⵏ (ⵎⵓⵇⴰⵡⵉⵍⵉⵏ) ⵏ ⵜⵡⵉⵍⴰⵢⵜ-ⴰ ⴰⴽⴽⴻⵏ ⴰⴷ ⴷ-ⵜⵜⴻⴽⴽⵉⵏ ⵓⴳⴰⵔ ⴷⴻⴳ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⴷ-ⵢⴻⵜⵜⵡⴰⵙⵙⴻⴼⵔⴰⵏ ⴰⴷ ⴷ-ⵉⵍⵉⵏⵏ ⴷⴻⴳ ⵜⵡⵉⵍⴰⵢⵜ-ⴰ, ⵢⴻⵔⵏⵓ ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵙⵅⴻⴷⵎⴻⵏ ⵢⵉⵅⴻⴷⴷⴰⵎⴻⵏ ⵢⴻⵙⵙⵏⴻⵏ ⵚⵚⴻⵏⵄⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⵉⵖⵉⵡⴻⵍ ⵓⵎⴰⵀⵉⵍ ⴷⴻⴳ ⵢⵉⵛⴰⵏⵟⵉⵢⴻⵏ ⴰⵢ ⵡⴻⵔⵄⴰⴷ ⴼⵓⴽⴻⵏ.

ⴷⴻⴼⴼⵉⵔ ⵎⴰ ⵢⴻⵙⵙⴻⴼⵇⴻⴷ ⴰⵙⴻⵏⴼⴰⵔ ⵏ ⵡⴻⴱⵔⵉⴷ ⵉⵎⴰⴷⴰⴼ ⵢⴻⵇⵇⵏⴻⵏ ⴰⵙⴰⴳⴻⵏ (ⵎⵉⵏⴰ’) ⵏ ⵜⵏⴻⵙ ⵖⴻⵔ ⵡⴻⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ (ⵖⴻⵣⵣⵉⴼ 48 ⵏ ⵢⵉⴽⵉⵍⵓⵎⵉⵜⵔⴻⵏ) ⵢⴻⵜⵜⵡⴰⵡⴻⴽⴽⵍⴻⵏ ⵉ ⵢⵉⵡⴻⵏ ⵏ ⵡⴻⵎⵙⴻⴳⵔⴰⵡ ⵏ ⵜⴻⵕⵎⵉⵙⵉⵏ ⵜⵉⵒⵓⵕⵜⵓⴳⴰⵍⵉⵢⵉⵏ, ⵢⵓⴼⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⴻⵏⴼⴰⵔ-ⴰ ⵉⵄⴻⴹⴹⴻⵍ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵔⵉⵛ-ⵏⵏⴻⵙ ⴰⵎⴻⵣⵡⴰⵔⵓ, ⵢⴻⵔⵏⵓ ⵉⵃⴻⵜⵜⴻⵜ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⵜⵡⴰⵙⵅⴻⴷⵎⴻⵏ ⵢⵉⵅⴻⴷⴷⴰⵎⴻⵏ ⵢⴻⵙⵙⵏⴻⵏ ⵚⵚⴻⵏⵄⴰ ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⵓⵄⴻⴹⴹⴻⵍ ⴷⴻⴳ ⵓⴼⴰⴽⵉ ⵏ ⵢⵉⵙⴻⵏⴼⴰⵔⴻⵏ.

ⵉ ⵍⵎⴻⵏⴷ ⵏ ⵡⴰⵢⴰ, ⵢⵓⵎⴻⵕ ⵓⵏⴻⵖⵍⴰⴼ ⴰⵎⵙⴻⴳⵔⴰⵡ-ⵏⵏⵉ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⵒⵓⵕⵜⵓⴳⴰⵍⵉⵢⵉⵏ ⴰⴽⴽⴻⵏ ⴰⴷ ⵇⴰⴷⵔⴻⵏⵜ ⵜⴰⵍⵍⵉⵜⵏ ⵏ ⵓⴼⴰⴽⵉ ⵏ ⵓⵙⴻⵏⴼⴰⵔ, ⵢⴻⵔⵏⵓ ⵉⵡⴰⵍⴰ-ⴷ ⴷⴰⴽⴽⴻⵏ ⴰⵍⴰ 7% ⵙⴻⴳ ⵓⵎⴰⵀⵉⵍ (ⵄⴰⵎⴰⵍ) ⴰⵢ ⵉⴼⵓⴽⴻⵏ. ⴰⵄⴻⴹⴹⴻⵍ-ⴰ ⴰⵎⴻⵇⵔⴰⵏ ⵢⴻⵍⵍⴰ-ⴷ ⵍⴰⴷⵖⴰ ⵖⴻⴼ ⵍⴵⴰⵍ ⵏ ⵓⵄⴻⴹⴹⴻⵍ ⴷⴻⴳ ⵓⵙⵙⴻⵡⵊⴻⴷ ⵏ ⵜⴻⵣⵔⴰⵡⵉⵏ ⵜⵉⵜⵡⵉⵍⴰⵏⵉⵏ.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⵙⴻⵕⵛⴻⴷ ⵏ ⵓⵚⴻⵔⵔⴻⴼ « ⴰⴷ ⴷ-ⵢⴻⴱⴷⵓ ⵙ ⵓⵇⴰⴷⴻⵔ ⵏ ⵜⴰⵍⵍⵉⵜ ⵏ ⵍⴻⴱⵏⵉ ⵏ ⵓⵙⴻⵏⴼⴰⵔ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵢⴻⵡⵊⴻⴷ ⴷⴻⴳ ⵎⴻⵖⵔⴻⵙ ⵏ 2017 ».

ⵙⴼⴻⵀⵎⴻⵏ-ⴰⵙ-ⴷ ⴷⴰⵖ ⵉ ⵓⵏⴻⵖⵍⴰⴼ ⴷⴰⴽⴽⴻⵏ ⵢⴻⵍⵍⴰ ⵓⵙⴻⵏⴼⴰⵔ ⵏ ⵍⴻⴱⵏⵉ ⵏ ⵡⴻⴱⵔⵉⴷ ⵏ ⵓⵙⵙⵉⵏⴻⴼ ⵏ ⵡⵍⴰⴷ ⴼⴰⵔⴻⵙ, ⴷⵖⴰ ⵉⵡⴻⵚⵚⴰ-ⴷ ⴰⴽⴽⴻⵏ ⴰⴷ ⵉⴼⴰⴽ ⵓⵙⴻⵏⴼⴰⵔ-ⴰ ⵓⵇⴱⴻⵍ ⵓⵏⴻⴱⴷⵓ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵙⴻⴼⵇⴻⴷ ⵓⵏⴻⵖⵍⴰⴼ ⴰⵙⴻⵏⴼⴰⵔ ⵏ ⵡⴻⴱⵔⵉⴷ ⵏ ⵓⵙⵙⵉⵏⴻⴼ ⵏ ⵜⴻⵎⴷⵉⵏⵜ ⵏ ⵜⵏⴻⵙ (ⵖⴻⵣⵣⵉⴼⴻⵏ 12 ⵏ ⵢⵉⴽⵉⵍⵓⵎⵉⵜⵔⴻⵏ) ⵢⴻⵔⵏⵓ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵍⴰⵜⵔⴰⵛⵀⴻ ⵣⵧⵀⴻⵉⵔ, ⴰⵏⴻⵎⵀⴰⵍ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⵏ ⵛⵛⵍⴻⴼ, ⴰⴱⵔⵉⴷ-ⴰ ⴰⴷ ⵢⴻⴵⴵ ⵎⴻⴷⴷⴻⵏ ⴰⴷ ⵜⵜⴰⵡⴹⴻⵏ ⵙ ⵜⴻⴼⵙⴻⵙ ⵖⴻⵔ ⵜⴻⴼⵜⵉⵙⵉⵏ (ⵛⴰⵡⴰⵟⵉ’) ⵏ ⵓⵜⴰⵔⴰⵎ (ⵖⴰⵔⴱ) ⵏ ⵜⴻⵎⴷⵉⵏⵜ-ⴰ.

ⵢⴻⵔⵣⴰ ⴷⴰⵖ ⵓⵏⴻⵖⵍⴰⴼ ⵖⴻⴼ ⵓⵛⴰⵏⵟⵉ ⵏ ⵓⵙⴻⵏⴼⴰⵔ ⵏ ⵓⵙⵙⵉⵙⵍⴻⴳ ⵏ ⵡⴻⴱⵔⵉⴷ ⵏ ⵜⵡⵉⵍⴰⵢⵜ 132 ⵢⴻⵇⵇⵏⴻⵏ ⵜⴰⵖⵉⵡⴰⵏⵜ ⵏ ⵍⴻⴽⵔⵉⵎⴻⵢⵢⴰ ⵖⴻⵔ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵉⵙ 11 (12 ⵏ ⵢⵉⴽⵉⵍⵓⵎⵉⵜⵔⴻⵏ ⵏ ⵜⴻⵖⵣⴻⴼ) ⴷ ⵓⵙⴻⵏⴼⴰⵔ ⵏ ⵓⴱⴻⴷⴷⴰⵍ ⵏ ⵜⵖⵉⵡⴰⵏⵜ ⵏ ⵃⴻⵕⵛⵓⵏ.