ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵟⵟⴼⴻⵏ ⵢⵉⵡⴻⵏ ⵓⵔⴻⵎⵎⴰⵖ ‘’ⴰⵎⵉⵀⴰⵏ’’ ⴷⴻⴳ ⵜⵉⵣⵉ ⵡⴻⵣⵣⵓ ⴰⴽⴽⴻⴷ ⵡⴰⵢⴻⴹ ⴷⴻⴳ ⵄⵉⵏ ⴰⵎⴻⵏⵏⴰⵙ (ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ)

ⵍⴻⵣⵣⴰⵢⴻⵔ – ⵟⵟⴼⴻⵏ ⵢⵉⵡⴻⵏ ⵓⵔⴻⵎⵎⴰⵖ (ⴰⵔⴳⴰⵣ ⵓⵔⴱⵉⴱ) ‘’ⴰⵎⵉⵀⴰⵏ’’, ⵖⴻⵔ ⵜⴰⵎⴰ ⵏ ⵜⵖⵉⵡⴰⵏⵜ ⵏ ⵢⵉⵄⴻⴽⴽⵓⵔⴻⵏ ⴷⴻⴳ ⵜⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ ⴰⴽⴽⴻⴷ ⵓⵔⴻⵎⵎⴰⵖ ⵏⵏⵉⴹⴻⵏ ⵉⵖⴻⴼ ⵍⵍⴰⵏ ⵜⵜⵏⴰⴷⵉⵏ ⴷⴻⴳ ⵄⵉⵏ ⴰⵎⴻⵏⵏⴰⵙ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵜⴰⵔⴻⵎⵖⴰ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵢⵉⴳⴻⵏ ⵜⴻⵏⴷⵉ ⵜⵉⵛⴻⵔⴽⴻⵜ ⵜⴻⵟⵟⴻⴼ, ⴰⵙⵙ ⵏ 12 ⵎⴻⵖⵔⴻⵙ 2016, ⵖⴻⵔ ⵜⴰⵎⴰ ⵏ ⵜⵖⵉⵡⴰⵏⵜ ⵏ ⵢⵉⵄⴻⴽⴽⵓⵔⴻⵏ, ⵜⴰⵡⵉⵍⴰⵢⵜ ⵏ ⵜⵉⵣⵉ ⵡⴻⵣⵣⵓ, ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ, ⴰⵔⴻⵎⵎⴰⵖ ⴰⵎⵉⵀⴰⵏ ‘’ⴷ. ⴰⵀⵎⴻⴷ’’ ⴰⴽⴽⴻⴷ ⵓⵙⴻⴳⵔⴻⵡ ⵏ ⵢⵉⵡⴻⵜ ⵏ ⵜⵎⴻⴽⵃⴻⵍⵜ ⴰⵣⵓⵏ ⵏ ⴽⴰⵍⴰⵛⵀⵏⵉⴽⵧⵠ, ⴷⴷⴻⵇⵙ ⵏ ⵢⵉⴽⴰⵟⵓⵛⴻⵏ, ⵙⵏⴰⵜ (02) ⵏ ⵜⵙⴻⴽⵙⴰⵡⵉⵏ ⴰⴽⴽⴻⴷ ⵢⵉⵡⴻⵏ ⵏ ⵡⴰⴳⵓⵙ ⵏ ⵓⵟⴻⵔⴹⴻⵇ’’, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ.

ⴰⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ) ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ‘’ⴰⵔⴻⵎⵎⴰⵖ-ⴰ ⵉⴽⴻⵛⵎⴻⵏ ⴷⴻⴳ ⵜⴻⴳⵔⴰⵡⵜ ⵏ ⵜⵔⴻⵎⵖⴰ ⴷⴻⴳ ⵓⵙⴻⴳⴳⴰⵙ 2002, ⵢⴻⵍⵍⴰ ⴷ ⴰⵄⴻⴳⴳⴰⵍ ⵏ ⵜⴻⴳⵔⴰⵡⵜ ⵢⴻⵙⵙⴻⴷⴷⵓⵢ ⵓⵔⴻⵎⵎⴰⵖ ‘’ⴰ. ⴳⵧⵓⵔⵉ’’ ⵉ ⵏⵖⴰⵏ ⴰⵙⵙ 22 ⴷⵓⴵⴻⵎⴱⴻⵔ 2014 ⴷⴻⴳ ⵢⴻⵙⵙⴻⵔ’’.

ⵢⵉⵡⴻⵏ ⵏ ⵓⵔⴻⵎⵎⴰⵖ ⵏⵏⵉⴹⴻⵏ ⵉⵖⴻⴼ ⵍⵍⴰⵏ ⵜⵜⵏⴰⴷⵉⵏ, ⵉⵙⴻⵎ-ⵉⵙ ‘’ⵙ. ⵙⵧⴼⵉⴰⵏⴻ’’, ⵟⵟⴼⴻⵏ-ⵜ ⴷⴻⴳ ⵄⵉⵏ ⴰⵎⴻⵏⵏⴰⵙ, ⴷⴻⴳ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 4, ⴽⵙⴻⵏ-ⴰⵙ ⵢⵉⵡⴻⵜ ⵏ ⵜⵎⴻⴽⵃⴻⵍⵜ ⴰⵣⵓⵏ ⵏ ⴽⴰⵍⴰⵛⵀⵏⵉⴽⵧⵠ, ⴷⴷⴻⵇⵙ ⵏ ⵢⵉⴽⴻⵔⵟⴰⵛ ⴰⴽⴽⴻⴷ ⵙⵏⴰⵜ (02) ⵏ ⵜⵙⴻⴽⵙⴰⵡⵉⵏ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵜⵉⵏⵏⵖⵉ ⵜⵓⴷⴷⵉⵙⵜ, ⵟⵟⴼⴻⵏ 130,44 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ ⴷⴻⴳ ⴱⴻⵛⵛⴰⵔ, ⵎⴻⵙⵙⴻⵜⵖⴰⵏⴻⵎ ⴰⴽⴽⴻⴷ ⵉⵍⵉⵣⵉ.