ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵜⴰⴷⵓⴽⵍⵉ ⵜⵓⵕⵓⴼⵉⵜ ⵜⵡⴻⴽⴽⴻⴷ-ⴷ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⴱⴰⵏ ⴽⵉ-ⵎⵧⵧⵏ ⴷ ⵎⵉⵏⵓⵔⵙⵧ
ⴱⵔⵓⵅⴻⵍⵍⴻⵙ– ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵜⴷⵓⴽⵍⵉ ⵜⵓⵕⵓⴼⵉⵜ, ⴰⵙⵙ ⵏ ⵍⴻⵅⵎⵉⵙ, ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵉ ⵍⵎⴻⵏⴷ ⵏ ⵜⵉⴼⵔⴰⵜ ⴰⴷ ⵢⴻⴼⴽⴻⵏ ⴰⵣⵔⴻⴼ ⵉ ⵡⴻⵖⵔⴻⴼ ⴰⵚⴻⵃⵔⴰⵡⵉ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ ⵏ ⵓⵏⴻⵥⵔⵓⴼ ⵓⵜⵔⵉⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴳⴻⵔ ⵜⵉⵖⵔⵉ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴽⴽⴻⵏ ⴰⴷ ⵜⴻⵇⵇⵉⵎ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ.
« ⴰⴷⴷⵓⴷ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⴷ ⵢⵉⵡⴰⵏⴰⴽⴻⵏ (ⴷⵓⵡⴰⵍ) ⵢⴻⵜⵜⴻⴽⴽⴰⵏ ⴷⴻⴳ-ⵙ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵏⴻⵥⵔⵓⴼ ⵓⵜⵔⵉⵎ ⵓⵔ ⵉⴱⴻⴷⴷⴻⵍ ⴷⴻⴳ ⵡⴰⵛⴻⵎⵎⴰ. ⵏⴻⵜⵜⵄⴰⵡⴰⴷ ⵏⴻⵜⵜⵡⴻⴽⴽⵉⴷ-ⴷ ⴷⴰ, ⴰⴱⴷⴰⴷ-ⵏⵏⴻⵖ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⵜⵉⴼⵉⵏ ⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵜⵓⵖⴷⵉⵎⵜ, ⵜⴰⵎⴻⵖⵍⴰⵍⵜ (ⴷⴰ’ⵉⵎⴰ) ⵢⴻⵔⵏⵓ ⴷ ⵜⵉⵏ ⴰⴷ ⵇⴻⴱⵍⴻⵏ ⴰⴽⴽ ⵢⵉⴷⵉⵙⴰⵏ ⵉ ⵍⵎⴻⵏⴷ ⵏ ⵓⴳⴳⵓⵛⵛⴻⵍⵎⴰⵏ ⵏ ⵡⴻⵖⵔⴻⴼ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵓⴽⴰⵜⴰⵔ ⵏ ⵢⵉⵃⴻⵣⵣⵉⴱⴻⵏ ⴰⴷ ⵉⵇⴰⴷⵔⴻⵏ ⵉⵙⵡⴰⵏ ⴷ ⵢⵉⵎⴻⵏⵣⴰⵢⴻⵏ ⵏ ⵡⴻⵔⴽⴰⵡⴰⵍ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵖⴻⴼ ⵏ ⵜⵥⵓⵏⵜ ⵏ ⵍⵎⴻⵖⵔⴻⴼ ⴷⴻⴳ ⵓⵎⴻⵥⵍⵓ ⵏ ⵜⵉⴳⴰⵡⵜ ⵜⵓⴼⴼⵉⵖⵜ ⵏ ⵜⵙⴻⵇⵇⴰⵎⵓⵜ ⵜⵓⵕⵓⴼⵉⵜ, ⴱⴻⵔⵏⴰⵔⴷ ⵙⴰⵠⴰⴳⴻ.
ⵎⴰⵙⵙ ⵙⴰⵠⴰⴳⴻ ⵢⴻⵏⵏⴰ-ⴷ ⴰⵢⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵜⵎⴰⴳⵍⴰ (ⵡⴰⴼⴷ) ⵏ ⵡⴰⵙⵙⴰⵖⴻⵏ ⴷ ⵜⵎⵓⵔⴰ ⵏ ⵍⵎⴻⵖⵔⴻⴱ ⴷ ⵜⴷⵓⴽⵍⵉ ⵏ ⵍⵎⴻⵖⵔⴻⴱ ⴰⵄⵕⴰⴱ ⴷⴻⴳ ⴱⵔⵓⵅⴻⵍⵍⴻⵙ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴰⴱⴷⴰⴷ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵖⴻⵔ ⵢⵉⴷⵉⵙ ⵏ ⴱⴰⵏ ⴽⵉ-ⵎⵧⵧⵏ ⴷⴻⴼⴼⵉⵔ ⵎⴰ ⵜⵡⴻⵜ-ⴷ ⵎⴻⵕⵕⵓⴽ ⵙ ⵜⴻⵇⵙⴻⵃ ⴷⴻⴳ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
