ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵔⴰⵣ ⴰⵎⴻⵇⵔⴰⵏ ⵏ ⵠⵧ-ⵠⵉⵏⴰⵎ-ⵠⵉⴻⵜ-ⵠⵧ-ⴷⴰⵧ: 50 ⵏ ⵢⵉⵏⴰⴷⴷⴰⵍⴻⵏ ⴰⵢ ⵉⵄⴻⴷⴷⴰⵏ ⵖⴻⵔ ⵜⵏⴻⴳⴳⴰⵔⵓⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 50 ⵏ ⵢⵉⵏⴰⴷⴷⴰⵍⴻⵏ ⴰⵢ ⵉⵄⴻⴷⴷⴰⵏ ⵖⴻⵔ ⵜⵏⴻⴳⴳⴰⵔⵓⵜ ⵏ ⵡⴰⵔⵔⴰⵣ ⴰⵎⴻⵇⵔⴰⵏ ⵏ ⵠⵧ-ⵠⵉⵏⴰⵎ-ⵠⵉⴻⵜ-ⵠⵧ-ⴷⴰⵧ ⴷⴻⴼⴼⵉⵔ ⵜⴻⵎⵍⵉⵍⵉⵢⵉⵏ ⵏ ⵓⵄⴻⴷⴷⵉ ⴰⵢ ⴷ-ⵢⴻⵍⵍⴰⵏ ⵓⵙⵙⴰⵏ ⵏ ⵍⵊⴻⵎⵄⴰ ⴷ ⵙⵙⴻⴱⵜ ⴷⴻⴳ ⵜⵣⴻⵇⵇⴰ ⵜⴰⴽⴽⴰⴷⴷⴰⵍⵜ ⵏ ⴷⴷⴰⵕ ⵍⴱⵉⴹⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⴰⵢⴷⴻⴳ ⵜⵜⴻⴽⴽⴰⵏ 320 ⵏ ⵢⵉⵏⴰⴷⴷⴰⵍⴻⵏ.

ⴰⵙⴻⵍⵡⴰⵢ ⵏ ⵜⴻⵎⵖⵓⵏⵜ (ⵔⴰⴱⵉⵟⴰ) ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴱⵉⵍⴻⵍ ⴱⵧⵓⵏⴻⴷⵊⵎⴰ, ⵢⵓⵎⴰⵔ ⵙ ⵡⴻⴱⵔⵉⴷ ⴰⵎⴰⵢⵏⵓ ⴰⵢ ⵢⴻⵜⵜⵡⴰⴹⴻⴼⵔⴻⵏ ⴷⴻⴳ ⵓⵙⵙⵓⴷⴷⴻⵙ ⵏ ⵡⴻⵎⵙⵉⵣⵡⴻⵔ-ⴰ, ⵉⵎⵉ ⴰⴱⵔⵉⴷ-ⴰ ⵢⴻⵔⵥⴻⵎ ⵜⴰⵡⵡⵓⵔⵜ ⵉ ⵓⵜⵜⴻⴽⴽⵉ ⵏ ⵡⵓⴳⴰⵔ ⵏ ⵢⵉⵏⴰⴷⴷⴰⵍⴻⵏ ⵖⴻⴼ ⵍⴻⵃⵙⴰⴱ ⵏ ⵜⴻⵥⵔⵉⴳⵉⵏ (ⵟⴰⴱⵄⴰⵜ) ⵢⴻⵣⵔⵉⵏ.

« ⵏⴻⵙⵙⴻⵇⴷⴻⵛ ⵢⵉⵡⴻⵜ ⵏ ⵜⵙⴻⵎⵙⴻⵍⵜ (ⵜⴰⵛⴽⵉⵍⴰ) ⵜⴰⵎⴰⵢⵏⵓⵜ ⵉ ⵓⵄⴻⴷⴷⵉ, ⴷ ⵜⵉⵏ ⴰⴷ ⵢⴻⴵⴵⴻⵏ ⵉⵏⴰⴷⴷⴰⵍⴻⵏ ⴰⴷ ⵎⵙⵉⵣⴻⵡⵔⴻⵏ ⴷⴻⴳ ⵙⵏⴰⵜ ⵏ ⵜⵎⴻⵣⵣⵓⴳⵉⵏ (ⵉⵎⴻⵏⵖⵉ ⴷ ⵢⵉⴽⴰⵟⴰⵜⴻⵏ) ⴰⴽⴽⴻⵏ ⴰⴷ ⵏⴻⵙⵄⵓ ⵓⴳⴰⵔ ⵏ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵜⵏⴻⴳⴳⴰⵔⵓⵜ ⵢⴻⵔⵏⵓ ⴰⴷ ⵏⴻⵙⵙⴻⵏ ⵓⵥⵡⵉⵔⴻⵏ ⵉⵎⴰⵢⵏⵓⵜⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⵧⵓⵏⴻⴷⵊⵎⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵉⵎⴻⵏⵖⵉⵢⴻⵏ ⵏ ⵜⵏⴻⴳⴳⴰⵔⵓⵜ ⴰⴷ ⴷ-ⵉⵍⵉⵏ ⴰⵙⵙ ⵏ 25 ⵎⴻⵖⵔⴻⵙ ⴷⴻⴳ ⴽⴰⵍⵉⵜⵓⵙ (ⵜⴰⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ). 50-ⵏⵏⵉ ⵏ ⵢⵉⵏⴰⴷⴷⴰⵍⴻⵏ ⴰⴷ ⵢⴻⵜⵜⴻⴽⴽⵉⵏ ⴷⴻⴳ-ⵙⴻⵏⵜ ⴽⴽⴰⵏ-ⴷ ⵙⴻⴳ 11 ⵏ ⵜⴻⵖⵍⴰⵎⵉⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, 3 ⵙⴻⴳ ⴱⵓⵎⴻⵔⴷⴰⵙ, ⵎⴰ ⴷ ⵙⴹⵉⴼ ⴷ ⵜⵉⵣⵉ ⵡⴻⵣⵣⵓ ⴰⴷ ⵜⵜⴻⴽⴽⵉⵏ ⵙ ⵢⵉⵡⴻⵏ ⵏ ⵓⵏⴰⴷⴷⴰⵍ ⵉ ⵢⴰⵍ ⵢⵉⵡⴻⵜ.

ⵜⴰⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵡⴰⴷⴷⴰⵍ-ⴰ ⴰⴷ ⵜⴻⴼⴽ ⵉⴷⵔⵉⵎⴻⵏ (ⴳⴰⵔ 100.000 ⴷ 400.000 ⵏ ⵢⵉⴷⵉⵏⴰⵕⴻⵏ) ⵉ ⵡⵉⴷ ⴰⴷ ⵉⵔⴻⴱⵃⴻⵏ ⴷⴻⴳ ⵡⴰⵔⵔⴰⵣ-ⴰ ⴰⵎⴻⵇⵔⴰⵏ.