ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵜⴻⵏⵢⵉ ⵏ ⵜⴻⴱⵕⴰⵜ ⵏ ⵡⴻⵎⵙⴻⴼⵀⴰⵎ ⵉ ⵓⵙⴻⴳⴳⴰⵙ ⵏ 2016 ⴳⴰⵔ ⵍⴻⵣⵣⴰⵢⴻⵔ ⴷ ⵡⴰⵀⵉⵍ ⴰⵏⵎⴰⴹⴰⵍ ⵏ ⵜⵓⵞⵞⵉⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴰⵙⵙ ⵏ ⵍⴻⵜⵏⵉⵢⴻⵏ ⴰⴷ ⵢⴻⵙⵜⴻⵏⵢⵉ ⴰⴱⴷⴻⵍⵀⴰⵎⵉⴷ ⵙⴻⵏⵧⵓⵛⵉ ⴱⴻⵔⴻⴽⵙⵉ, ⴰⵎⴰⵔⵓ ⴰⵎⴰⵜⵓ ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵜⴰⴱⵕⴰⵜ ⵏ ⵡⴻⵎⵙⴻⴼⵀⴰⵎ ⴳⴰⵔ ⵍⴻⵣⵣⴰⵢⴻⵔ ⴷ ⵡⴰⵀⵉⵍ ⴰⵏⵎⴰⴹⴰⵍ ⵏ ⵜⵓⵞⵞⵉⵜ, ⵖⴻⵔ ⵢⵉⴷⵉⵙ ⵏ ⵔⵧⵎⴰⵉⵏ ⵙⵉⵔⵧⵉⵙ. ⵜⴰⴱⵕⴰⵜ-ⴰ ⵏ ⵡⴻⵎⵙⴻⴼⵀⴰⵎ ⵏ 2016 ⴷ ⵜⵉⵏ ⴰⵢⴷⴻⴳ ⴰⴷ ⵢⴻⵜⵜⵡⴰⴹⵎⴻⵏ ⵓⵙⵙⵉⵡⴻⴹ ⵏ ⵜⵓⵞⵞⵉⵜ ⵉ ⵢⴻⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ.

ⵍⴻⵎⵄⴰⵡⵏⴰ-ⴰ ⵏ ⵢⵉⵚⴻⵃⵔⴰⵡⵉⵢⴻⵏ ⵜⴻⵔⵣⴰ 125.000 ⵏ ⵎⴻⴷⴷⴻⵏ ⵉⵅⵓⵚⵚⴻⵏ ⵢⴻⴷⴷⵔⴻⵏ ⴷⴻⴳ ⵢⴻⴳⵔⵉⵔⴻⵏ ⵏ ⵢⴻⵣⵔⴰⵣⴰⵖⴻⵏ, ⵢⴻⵔⵏⵓ ⵍⵍⴰⵏ ⴷⴰⵖ ⵙⵉⵏ ⵏ ⵡⴰⵀⵉⵍⴻⵏ ⵉ ⵡⴻⵙⵙⵎⴰⴷ ⵏ ⵍⴻⵎⵄⴰⵡⵏⴰ-ⴰ. ⴰⵎⴻⵣⵡⴰⵔⵓ ⵢⴻⵔⵣⴰ ⵉⴳⴻⵔⴷⴰⵏ ⵢⴻⵍⵍⵓⵥⴻⵏ ⵏ ⴷⴷⴰⵡ 5 ⵏ ⵢⵉⵙⴻⴳⴳⴰⵙⴻⵏ, ⵎⴰ ⴷ ⵡⵉⵙ ⵙⵉⵏ ⵢⴻⵔⵣⴰ ⵜⵉⵙⴻⴷⵏⴰⵏ ⵙ ⵜⴰⴷⵉⵙⵜ (ⵙ ⵓⵊⴻⵎⵎⴰⵍ, 22.500 ⵏ ⵢⵉⴳⴻⵔⴷⴰⵏ ⴷ ⵜⵙⴻⴷⵏⴰⵏ), ⴰⵎ ⵡⴰⴽⴽⴻⵏ ⴰⴷ ⴷ-ⵉⵃⴰⵣ ⵡⴰⵢⴰ ⵍⴻⵎⵄⴰⵡⵏⴰ ⵏ 32.500 ⵏ ⵢⵉⴳⴻⵔⴷⴰⵏ ⴰⵢ ⵢⴻⵜⵜⴻⵜⵜⴻⵏ ⴷⴻⴳ ⵓⵖⴻⵔⴱⴰⵣ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ.

ⴰⵣⴰⵍ ⵏ ⵍⴻⵎⵄⴰⵡⵏⴰ-ⴰ ⵢⴻⵡⵡⴻⴹ ⵖⴻⵔ 25.235.022 ⵏ ⵢⵉⴷⵓⵍⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⴰⵀⵉⵍ ⴰⵏⵎⴰⴹⴰⵍ ⵏ ⵜⵓⵞⵞⵉⵜ ⵢⴻⵍⵍⴰ ⴷⴻⴳ ⵍⴻⵣⵣⴰⵢⴻⵔ ⵙⴻⴳ 1963 ⵢⴻⵔⵏⵓ ⵢⴻⵙⵄⴰ ⵜⴰⵏⴰⵔⵉⵜ (ⵎⴰⴽⵜⴰⴱ) ⴷⴻⴳ ⵜⵉⵏⴷⵓⴼ ⵙⴻⴳ 1985. ⵜⴰⵏⴰⵔⵉⵜ-ⴰ ⵅⴻⴷⴷⵎⴻⵏ ⴷⴻⴳ-ⵙ ⵢⵉⵅⴻⴷⴷⴰⵎⴻⵏ ⵉⴱⴻⵕⵕⴰⵏⵉⵢⴻⵏ ⴰⵢ ⵍⴰ ⵢⴻⵜⵜⵄⴰⵙⵙⴰⵏ ⴰⴼⵔⴰⵇ ⵏ ⵍⴻⵎⵄⴰⵡⵏⴰ ⵖⴻⴼ ⵢⴻⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ.