ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵡⴰⵍ ⴳⴰⵔ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵛⵛⵕⴻⵄ ⴰⴳⵔⴰⵖⵍⴰⵏ ⵖⴻⴼ ⵜⴻⵊⵔⵉⵎⵉⵏ ⵏ ⵉⵙⵕⴰⵢⵉⵍ ⴷⴻⴳ Ɣⴻⵣⵣⴰ
ⵔⴰⵎⴰⵍⵍⴰⵀ – ⵍⵍⴰⵏⵜ-ⴷ ⵜⴻⵎⵍⵉⵍⵉⵢⵉⵏ ⵙⴻⴳ ⵡⴰⵙⵙ ⵏ ⵍⵃⴻⴷⴷ ⵢⴻⵣⵔⵉⵏ ⴳⴰⵔ ⵢⴻⵎⴹⴻⴱⴱⵔⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⴷ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⴻⵎⵡⴻⴽⴽⵍⴻⵏ ⵏ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⴷⴻⴳ ⵄⴻⵎⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⴼⴰⵍⴻⵙⵟⵉⵏⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵔⵉⴰⴷ ⵎⴰⵍⴽⵉ, ⴰⵙⵙ ⵏ ⵍⴻⵜⵏⵉⵢⴻⵏ.
ⵜⵉⵎⵍⵉⵍⵉⵢⵉⵏ-ⴰ ⵏ 3 ⵏ ⵡⵓⵙⵙⴰⵏ ⴱⴷⴰⵏⵜ-ⴷ ⴰⵙⵙ ⵏ ⵍⵃⴻⴷⴷ ⵢⴻⵔⵏⵓ ⵜⵜⴻⴽⴽⴰⵏ ⴷⴻⴳ-ⵙⴻⵏⵜ ⴰⵟⴰⵙ ⵏ ⵜⵓⴷⴷⵙⵉⵡⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ ⵏ ⵜⵎⴻⵜⵜⵉ ⵜⴰⵖⴰⵔⵉⵎⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵍⴽⵉ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵜⵖⴻⵎⵙⴰ.
ⴰⵏⴻⵖⵍⴰⴼ ⴰⴼⴰⵍⴻⵙⵟⵉⵏⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵎⵍⵉⵍⵉⵢⵉⵏ-ⴰ ⵔⵣⴰⵏⵜ « ⵜⵉⵙⴻⵔⵜⵉⵢⵉⵏ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴰⵢ ⵜⴻⵙⵙⴻⵇⴷⴰⵛ ⵉⵙⵕⴰⵢⵉⵍ ».
ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵜⵉⵎⵍⵉⵍⵉⵢⵉⵏ-ⴰ ⴰⴷ ⴷ-ⵃⴰⵣⴻⵏⵜ ⵜⵉⵊⵔⵉⵎⵉⵏ ⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⴰⵎ ⵍⴻⴱⵏⵉ ⵏ ⵜⴻⵀⵔⴰⵙ (ⵎⵓⵙⵜⴰⵡⵟⴰⵏⴰⵜ), ⴰⵃⴱⴰⵙ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵜⵓⵎⵎⵖⵉⵡⵉⵏ ⵢⴻⵜⵜⴽⴻⵎⵎⵉⵍⴻⵏ ⵖⴻⴼ ⵡⴻⵖⵔⴻⴼ ⴰⴼⴰⵍⴻⵙⵟⵉⵏⵉ ⴷ ⵡⴰⴽⴰⵍ-ⵏⵏⴻⵙ ⴷⴻⴳ ⵜⴻⵙⴼⵉⴼⵜ ⵏ Ɣⴻⵣⵣⴰ.
ⵉⴼⴰⵍⴻⵙⵟⵉⵏⵉⵢⴻⵏ ⵜⵜⴻⴽⴽⴰⵏ ⴷⴻⴳ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵙⴻⴳ ⵡⴰⵙⵙ ⵏ 26 ⵢⴻⵏⵏⴰⵢⴻⵔ 2015, ⵙⴻⴳ ⵡⴰⵙⵎⵉ ⴰⵢ ⵙⵜⴻⵄⵕⴼⴻⵏ ⵙ ⴼⴰⵍⴻⵙⵟⵉⵏ ⴷ ⴰⵡⴰⵏⴰⴽ (ⴷⴰⵡⵍⴰ) ⵓⵔ ⵢⴻⵍⵍⵉⵏ ⴷ ⵜⴰⵎⴰⵙⵍⴰⴹⵜ ⴷⴻⴳ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵙⵙ ⵏ 29 ⵏⵡⴻⵎⴱⴻⵕ 2012.
ⴰⴷⴰⴱⵓ ⴰⵖⴻⵍⵏⴰⵡ ⴰⴼⴰⵍⴻⵙⵟⵉⵏⵉ ⵢⴻⵙⵙⴻⵔⵙ ⴰⵛⵛⴻⵜⴽⵉ ⴰⵎⴰⵜⵓ ⵖⴻⵔ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵖⴻⴼ « ⵜⴻⵊⵔⵉⵎⵉⵏ ⵜⵉⵙⵕⴰⵢⵉⵍⵉⵢⵉⵏ » ⴷⴻⴳ ⵢⵓⵏⵢⵓ ⵢⴻⵣⵔⵉⵏ, ⴰⵎ ⵡⴰⴽⴽⴻⵏ ⴰⵢ ⵢⴻⴼⴽⴰ ⵢⵉⵡⴻⵏ ⵏ ⵓⵕⴰⴱⵓⵍ ⵖⴻⴼ ⵜⴻⴷⵢⴰⵏⵜ-ⵏⵏⵉ ⴰⵢⴷⴻⴳ ⵉⵎⵀⴰⵔⵙⴻⵏ (ⵎⵓⵙⵜⴰⵡⵟⵉⵏⵉⵏ) ⵉⵙⵕⴰⵢⵉⵍⵉⵢⴻⵏ ⵙⵙⴻⵔⵖⴻⵏ ⵢⵉⵡⴻⵏ ⵏ ⵡⴻⵅⵅⴰⵎ ⵏ ⵢⵉⵡⴻⵜ ⵏ ⵜⵡⴰⵛⵓⵍⵜ ⵜⴰⴼⴰⵍⴻⵙⵟⵉⵏⵉⵜ, ⴷ ⵜⴰⴷⵢⴰⵏⵜ ⴰⵢⴷⴻⴳ ⵎⵎⵓⵜⴻⵏ 3 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴳⴰⵔ-ⴰⵙⴻⵏ ⵢⵉⵡⴻⵏ ⵏ ⵓⵍⵓⴼⴰⵏ.
