ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⵀⴰⵔⴻⴳ (ⵉⵍⴻⵎⵥⵉⵢⴻⵏ): ⴷ ⵎⴰⵚⴻⵔ ⴰⵢ ⴷ-ⵢⴻⴼⵔⵓⵔⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷ ⵎⴰⵚⴻⵔ ⴰⵢ ⴷ-ⵢⴻⴼⵔⵓⵔⵉⵏ ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⵀⴰⵔⴻⴳ (ⴵⵓⵎⴱⴰⵣ) ⴰⵏⴰⵥⵓⵔⴰⵏ ⴷ ⵡⴰⵢⵕⵓⴱⵉⴽ (ⵉⵍⴻⵎⵥⵉⵢⴻⵏ) ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⵇⵓⴱⴱⴻⵜ ⵏ ⵎⵧⵀⴰⵎⴻⴷ-ⴱⵧⵓⴷⵉⴰⴼ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) ⵢⴻⵔⵏⵓ ⵡⵡⵉⵏ-ⴷ ⵢⵉⵏⴰⴷⴷⴰⵍⴻⵏ ⵉⵎⴰⵚⵔⵉⵢⴻⵏ 3 ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ.

ⴰⵙⵙ-ⵏⵏⵉ ⴰⵎⴻⵣⵡⴰⵔⵓ ⵢⴻⵍⵍⴰ-ⴷ ⵉ ⵢⵉⴽⴰⵢⴰⴷⴻⵏ ⵏ ⵜⴻⵇⵛⵉⵛⵉⵏ ⵢⴻⵔⵏⵓ ⵜⴻⵔⴱⴻⵃ-ⴷ ⴷⴻⴳ-ⵙ ⵎⴰⵚⴻⵔ 148.300 ⵏ ⵜⴻⵏⵇⵉⴹⵉⵏ. ⵜⴰⴼⵔⵉⵇⵜ ⵏ ⵡⴻⵏⵥⵓⵍ ⵜⵓⵙⴰ-ⴷ ⴷ ⵜⵉⵙ ⵙⵏⴰⵜ ⵙ 146.400 ⵏ ⵜⴻⵏⵇⵉⴹⵉⵏ), ⵎⴰ ⴷ ⵎⴻⵕⵕⵓⴽ ⴷ ⵜⵉⵙ ⴽⵔⴰⴹⵜ ⵙ 119.400 ⵏ ⵜⴻⵏⵇⵉⴹⵉⵏ. ⵍⴻⵣⵣⴰⵢⴻⵔ ⵜⵓⵙⴰ-ⴷ ⴷ ⵜⵉⵙ 4 ⵙ 116.850 ⵏ ⵜⴻⵏⵇⵉⴹⵉⵏ.

ⴷⴻⴳ ⵡⴻⵎⵙⵉⵣⵡⴻⵔ ⴰⵎⴰⵜⵓ ⵙ ⵜⴻⵖⵍⴰⵎⵜ ⵏ ⵢⴻⵇⵛⵉⵛⴻⵏ, ⴰⵍⴰ ⵙⵏⴰⵜ ⵏ ⵜⴻⵖⵍⴰⵎⵉⵏ ⴰⵢ ⵢⴻⵜⵜⴻⴽⴽⴰⵏ ⵢⴻⵔⵏⵓ ⵜⵉ ⴷ ⵎⴰⵚⴻⵔ (ⴰⵢ ⵉⵔⴻⴱⵃⴻⵏ) ⴷ ⵎⴻⵕⵕⵓⴽ.

ⴷⴻⴳ ⵡⴻⵎⵙⵉⵣⵡⴻⵔ ⴰⵎⴰⵜⵓ ⴰⵜⴻⵔⵔⴰⵙⴰⵏ ⵏ ⵜⴻⵇⵛⵉⵛⵉⵏ, ⴷ ⵜⴰⵎⴰⵚⵔⵉⵜ ⵀⵓⵙⵙⴻⵉⵏ ⴰⵀⵎⴻⴷ ⴼⴰⵔⴰⵀ ⴰⵢ ⴷ-ⵢⵓⵙⴰⵏ ⴷ ⵜⴰⵎⴻⵣⵡⴰⵔⵓⵜ (50,550 ⵏ ⵜⴻⵏⵇⵉⴹⵉⵏ), ⵙⴰⴽⴽⵉⵏ ⵜⴻⴹⴼⴻⵔ-ⵉⵜⵜ-ⵉⴷ ⵛⴰⵉⵜⵍⵉⵏ ⵔⵧⵧⵙⴽⵔⴰⵏⵜⵣ (49,450 ⵏ ⵜⴻⵏⵇⵉⴹⵉⵏ) ⴷ ⵜⵎⴰⵚⵔⵉⵜ ⵎⴰⵀⵎⵧⵓⴷ ⵙⴰⵢⴻⴷ ⴼⴰⵔⴰⵀ (48,750 ⵏ ⵜⴻⵏⵇⵉⴹⵉⵏ).

ⴰⵙⵙ-ⵏⵏⵉ ⴰⵎⴻⵣⵡⴰⵔⵓ ⵍⵍⴰⵏ-ⴷ ⴷⴰⵖ ⴷⴻⴳ-ⵙ ⵢⵉⴽⴰⵢⴰⴷⴻⵏ ⵏ ⵓⵄⴻⴷⴷⵉ ⵏ ⵡⴰⵢⵕⵓⴱⵉⴽ ⵏ ⵢⵉⵍⴻⵎⵥⵉⵢⴻⵏ ⴷ ⵢⵉⵎⴻⵇⵔⴰⵏⴻⵏ ⴷⴻⴳ 3 ⵏ ⵜⵎⴻⵣⵣⵓⴳⵉⵏ: ⴰⵏⴰⴷⴷⴰⵍ ⴰⵡⵃⵉⴷ, ⵙⵉⵏ ⵏ ⵢⵉⵏⴰⴷⴷⴰⵍⴻⵏ ⴷ 3 ⵏ ⵢⵉⵏⴰⴷⴷⴰⵍⴻⵏ.