ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵢⵢⵓⵔ ⵓⵔ ⵢⴻⵍⵍⵉ ⵢⴻⵜⵜⴻⵣⵣⵉ ⵖⴻⴼ ⵓⴳⴻⵍⵍⵓⵙ-ⵏⵏⴻⵙ ⴰⵢ ⵢⴻⵙⵄⴰ ⴰⵙⵙ-ⴰ
ⵒⴰⵔⵉⵙ- ⵜⴻⴽⵛⴻⴼ-ⴷ ⵢⵉⵡⴻⵜ ⵏ ⵜⴻⵣⵔⴰⵡⵜ (ⴷⵉⵔⴰⵙⴰ) ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵢⵉⵡⴻⵜ ⵏ ⵜⴻⵙⵖⵓⵏⵜ ⴷⴰⴽⴽⴻⵏ ⴰⵢⵢⵓⵔ ⵓⵔ ⵢⴻⵍⵍⵉ ⵢⴻⵜⵜⴻⵣⵣⵉ ⵖⴻⴼ ⵓⴳⴻⵍⵍⵓⵙ (ⵎⵉⵃⵡⴰⵔ) ⴰⵢ ⵢⴻⵙⵄⴰ ⴰⵙⵙ-ⴰ ⵍⴻⵎⵎⴻⵔ ⴰⴷ ⵏⵓⵖⴰⵍ ⵙ ⴽⵔⴰ ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴻⴳⴳⴰⵙⴻⵏ ⵖⴻⵔ ⴷⴻⴼⴼⵉⵔ, ⵢⴻⵔⵏⵓ ⵜⵉⵣⴻⴳⵍⵉⵏ-ⵏⵏⴻⵙ ⵍⵍⴰⵏⵜ ⴰⵏⴷⴰ ⵏⵉⴹⴻⵏ.
ⵉⵎⴰⵙⵙⴰⵏⴻⵏ ⵓⴼⴰⵏ-ⴷ ⵍⴰⵜⴻⵕ ⵏ ⵜⵛⵓⵛⴰⵢ ⵏ ⵡⴻⴳⵔⵉⵙ (ⴷ ⵉⵎⵓⴽⴰⵏ ⴰⵢⴷⴻⴳ ⵢⴻⵔⵙ ⵓⵀⵉⴷⵕⵓⵊⵉⵏ) ⴷⴻⴳ ⵜⴻⵎⵏⴰⴹⵉⵏ ⵢⴻⵃⵎⴰⵏ ⵏ ⵡⴰⵢⵢⵓⵔ ⵉⴱⴻⵄⴷⴻⵏ ⵛⵡⵉⵟ ⵖⴻⴼ ⵢⵉⵎⵓⴽⴰⵏ ⴰⵏⴷⴰ ⴰⵢ ⴷ-ⵣⴳⴰⵏⵜ ⵜⵣⴻⴳⵍⵉⵏ (ⴰⵇⵟⴰⴱ) ⵏ ⵓⴳⴰⴼⴰ ⵏ ⵡⴻⵏⵥⵓⵍ.
ⵓⵍⴰⵛ ⴰⵎⴰⵏ ⵉⵎⴻⵏⴳⵉⵢⴻⵏ (ⵙⴰ’ⵉⵍ) ⴷⴻⴳ ⵡⴰⵢⵢⵓⵔ, ⵎⴰⵛⴰ ⵢⴻⵣⵎⴻⵔ ⵍⵃⴰⵍ ⴰⴷ ⵢⵉⵍⵉ ⵢⴻⵙⵄⴰ ⵡⴰⵢⵢⵓⵔ ⴰⴳⵔⵉⵙ ⴷⴻⴳ ⵜⴻⵎⵏⴰⴹⵉⵏ-ⵏⵏⴻⵙ ⵜⵉⵣⴻⴳⵍⴰⵏⵉⵏ (ⵇⵓⵟⴱⵉⵢⵢⴰ) ⴰⵏⴷⴰ ⴰⵢ ⵜⴻⵣⴳⴰ ⵜⴻⵏⵇⴻⵙ ⵜⴰⴼⴰⵜ ⵏ ⵜⴰⴼⵓⴽⵜ.
ⴰⴳⵔⵉⵙ-ⵏⵏⵉ, ⵉⵎⵉ ⴰⵢ ⵢⴻⵇⵇⵉⵎ ⴷⴻⴳ ⵜⵉⵍⵉ, ⴰⴷ ⵢⵉⵍⵉ ⵢⴻⴹⴹⴻⴼ ⴰⵛⵃⴰⵍ ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⵙⴻⴳⴳⴰⵙⴻⵏ, ⵙⴰⴽⴽⵉⵏ, ⵎⵉ ⵢⴻⵔⵔⴰⴳⴳⴻⵜ, ⵢⴻⴵⴵⴰ-ⴷ ⵍⴰⵜⴻⵕ ⵏ ⵓⵀⵉⴷⵕⵓⵊⵉⵏ. ⵜⵉⵣⴻⴳⵍⵉⵏ ⵏ ⵡⴰⵢⵢⵓⵔ ⵙⴻⴳ ⵢⵉⵎⵓⴽⴰⵏ ⵉⵙⴻⵎⵎⴰⴹⴻⵏ ⴰⴽⴽ ⴷⴻⴳ ⵓⵏⴻⴳⵔⴰⵡ (ⵏⵉⴹⴰⵎ) ⴰⴼⵓⴽⴰⵏ.
ⵉⵎⵓⴽⴰⵏ-ⴰ ⴰⵢⴷⴻⴳ ⵢⴻⵍⵍⴰ ⵍⴰⵜⴻⵕ ⵏ ⵓⵀⵉⴷⵕⵓⵊⵉⵏ ⵓⵔ ⴷ-ⵓⵙⵉⵏ ⴷⴻⴳ ⵜⵣⴻⴳⵍⵉⵏ ⵏ ⵡⴰⵢⵢⵓⵔ ⵏ ⵡⴰⵙⵙ-ⴰ ⵡⴰⵏⴰⴳ ⵓⵙⴰⵏ-ⴷ ⴷⴻⴳ ⵜⴻⵎⵏⴰⴹⵉⵏ ⴰⵢ ⵜⴻⵜⵜⵃⴰⵣ ⵜⴰⴼⴰⵜ ⵏ ⵜⴰⴼⵓⴽⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⵏⴰⴷⵉⵢⴻⵏ.
ⵎⴰⵜⵜⵀⴻⵡ ⵙⵉⴻⴳⵍⴻⵔ ⵏ ⵓⵙⵓⴷⵓ ⵏ ⵜⵓⵙⵙⵏⵉⵡⵉⵏ ⵜⵉⵎⵜⵉⵡⴳⴰⵏⵉⵏ ⵏ ⵜⵓⵛⵙⵧⵏ (ⴰⵔⵉⵣⵧⵏⴰ) ⴷ ⵢⴻⵔⴼⵉⵇⴻⵏ-ⵏⵏⴻⵙ ⵙⵙⴻⴽⵏⴻⵏ-ⴷ ⴷⴰⴽⴽⴻⵏ ⵜⵉⵎⵏⴰⴹⵉⵏ-ⴰ ⴰⵏⴷⴰ ⴰⵢ ⵢⴻⵔⵙ ⵓⵀⵉⴷⵕⵓⵊⵉⵏ ⵓⵙⴰⵏⵜ-ⴷ ⴷⴻⴳ ⵢⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ ⵏ ⵡⴰⵢⵢⵓⵔ, ⴰⴽⴽⴻⵏ ⴰⵢ ⴷ-ⵓⵙⴰⵏⵜ ⵜⵣⴻⴳⵍⵉⵏ ⵏ ⵓⴳⴰⴼⴰ ⴷ ⵡⴻⵏⵥⵓⵍ.
ⵏⵏⵉⴳ ⵡⴰⵢⴰ, ⴰⵎⴻⵛⵛⴰⵇ ⵢⴻⵍⵍⴰⵏ ⴳⴰⵔ ⵜⴻⵎⵏⴰⴹⵉⵏ-ⴰ ⴷ ⵜⵣⴻⴳⵍⵉⵏ ⵏ ⵡⴰⵢⵢⵓⵔ ⴽⵉⴼⴽⵉⴼ-ⵉⵜ.
ⵉⵀⵉ, ⵖⴻⴼ ⵍⴻⵃⵙⴰⴱ ⵏ ⵢⴻⵎⵏⴰⴷⵉⵢⴻⵏ-ⴰ, ⴰⵢⴰ ⴷ ⵜⵜⴱⵓⵜ ⴷⴰⴽⴽⴻⵏ ⴰⴳⴻⵍⵍⵓⵙ ⵏ ⵜⵓⵣⵣⵢⴰ ⵏ ⵡⴰⵢⵢⵓⵔ ⵉⴱⴻⴷⴷⴻⵍ ⵙ ⵡⴰⵣⴰⵍ ⵏ 6 ⵏ ⵜⴼⴻⵙⵏⵉⵡⵉⵏ (ⴷⴰⵔⴰⴵⴰⵜ) ⵢⴻⵔⵏⵓ ⴷ ⴰⵢⴰ ⴰⵢ ⵢⴻⵙⵜⴰⵅⵔⴻⵏ ⵜⵉⵣⴻⴳⵍⵉⵏ ⵏ ⵡⴰⵢⵢⵓⵔ ⵖⴻⴼ ⵡⴻⵎⴽⴰⵏ ⴰⵢⴷⴻⴳ ⵍⵍⴰⵏⵜ ⵣⵉⴽ.
ⵖⴻⴼ ⵍⴻⵃⵙⴰⴱ ⵏ ⵎⴰⵜⵜⵀⴻⵡ ⵙⵉⴻⴳⵍⴻⵔ ⴷ ⵢⴻⵔⴼⵉⵇⴻⵏ-ⵏⵏⴻⵙ, ⵉⵎⵜⵉⵡⴳⴻⵏ (ⴽⴰⵡⴰⴽⵉⴱ) ⵣⴻⵎⵔⴻⵏ ⴰⴷ ⴱⴻⴷⴷⵍⴻⵏ ⴰⴳⴻⵍⵍⵓⵙ-ⵏⵙⴻⵏ ⵎⴰ ⴱⴻⴷⴷⵍⴻⵏ ⵢⵉⴼⴻⵔⴷⵉⵙⴻⵏ (ⵄⴰⵏⴰⵚⵉⵔ) ⵢⴻⵍⵍⴰⵏ ⴷⴻⴳ-ⵙⴻⵏ.
