ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
9 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵓⵙⴻⵀⵡⵓ ⵏ ⵡⴻⴱⵔⵉⴷ ⴷⴻⴳ ⴱⵏⵉ ⵓⵏⵉⴼ (ⴱⴻⵛⵛⴰⵕ)
ⴱⴻⵛⵛⴰⵕ– 9 ⵏ ⵢⴻⵎⴷⴰⵏⴻⵏ ⴰⵢ ⵉⵊⴻⵔⵃⴻⵏ ⵍⴻⵊⵔⵓⵃ ⴷ ⵉⴼⴻⵙⵙⴰⵙⴻⵏ ⴷⴻⴳ ⵢⵉⵡⴻⵏ ⵏ ⵓⵙⴻⵀⵡⵓ (ⵃⴰⴷⵉⵜ) ⵏ ⵡⴻⴱⵔⵉⴷ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⴻⵣⵡⴰⵔⴰ ⵏ ⵢⵉⴹ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ 6ⴰ ⵢⴻⵇⵇⵏⴻⵏ ⵜⴰⵖⵉⵡⴰⵏⵜ ⵏ ⴱⵏⵉ ⵡⵏⵉⴼ (ⴷ-ⵢⵓⵙⴰⵏ ⵖⴻⴼ ⵜⵍⵉⵙⴰ ⵏ ⵜⵎⵓⵔⵜ) ⵖⴻⵔ ⵜⴻⵎⴷⵉⵏⵜ ⵏ ⴱⴻⵛⵛⴰⵕ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ.
ⴰⵙⴻⵀⵡⵓ-ⴰ ⵢⴻⵍⵍⴰ-ⴷ ⴷⴻⴳ ⵢⵉⵡⴻⵏ ⵏ ⵡⴻⵎⴽⴰⵏ ⵉⴱⴻⵄⴷⴻⵏ ⵙ 20 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵡⵓⴼⴼⵓⵖ ⵏ ⵡⴻⵏⵥⵓⵍ (ⴵⴰⵏⵓⴱ) ⵏ ⵜⴻⵎⴷⵉⵏⵜ ⵏ ⴱⵏⵉ ⵓⵏⵉⴼ (110 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ ⵏ ⴱⴻⵛⵛⴰⵕ), ⵢⴻⵔⵏⵓ ⵢⴻⵜⵜⵉ ⴷⴻⴳ-ⵙ ⵢⵉⵡⴻⵏ ⵏ ⵓⵙⴰⴽⴰⵍ (ⵃⴰⴼⵉⵍⴰ) ⵢⴻⵙⵙⴰⵡⴰⴹⴻⵏ ⵎⴻⴷⴷⴻⵏ ⴳⴰⵔ ⴱⵏⵉ ⵓⵏⵉⴼ ⴷ ⴱⴻⵛⵛⴰⵕ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ.
ⵉⵎⴻⵊⵔⴰⵃ ⵙⵙⴰⵡⴹⴻⵏ-ⵜⴻⵏ ⵢⴻⵔⴳⴰⵣⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⵖⴻⵔ ⵡⴻⵙⴱⵉⵟⴰⵔ ⵏ ⴱⵏⵉ ⵓⵏⵉⴼ ⴰⵏⴷⴰ ⴰⵢ ⴰⵙⴻⵏ-ⴱⴻⴷⴷⴻⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵓⵄⵊⵉⵍⵉⵏ, ⵢⴻⵔⵏⵓ ⵓⵍⴰ ⴷ ⵢⵉⵡⴻⵏ ⵏ ⵓⵎⴻⵊⵔⵓⵃ ⵓⵔ ⵢⴻⵍⵍⵉ ⴷⴻⴳ ⵜⴻⴳⵏⵉⵜ ⵏ ⴷⵉⵔⵉ.
ⴰⵏⴻⵀⵀⴰⵕ ⵏ ⵓⵙⴰⴽⴰⵍ-ⴰ (ⵢⴻⵍⵍⴰⵏ ⴷ ⴰⵢⵍⴰ ⵏ ⵢⵉⵡⴻⵜ ⵏ ⵜⴻⵕⵎⵉⵙⵜ ⵏ ⵓⵎⴻⵙⵏⵉ ⴳⴰⵔ ⵜⵖⵉⵡⴰⵏⵉⵏ) ⵓⵔ ⵢⴻⵙⵙⴰⵡⴻⴹ ⴰⴷ ⵢⴻⵃⴽⴻⵎ ⴷⴻⴳ ⵓⵙⴰⴽⴰⵍ-ⵏⵏⴻⵙ, ⵎⴰⵛⴰ ⵡⴻⵔⵄⴰⴷ ⵓⵔ ⵜⴻⵜⵜⵡⴰⵙⵙⴻⵏ ⵙⵙⴻⴱⴱⴰ ⵏ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.
ⵜⴻⵔⵥⴻⵎ ⵜⴻⵎⵙⴻⵜⵍⴻⵍⵜ (ⴷⴰⵔⴰⴽ) ⵜⴰⵖⴻⵍⵏⴰⵡⵜ ⴰⵃⵜⴰⵛ ⴰⴽⴽⴻⵏ ⴰⴷ ⵜⴻⵙⵙⴻⵏ ⵙⵙⴻⴱⴱⴰⵜ ⵏ ⵜⵉⴷⴻⵜ ⵏ ⵓⵙⴻⵀⵡⵓ-ⴰ. ⵉ ⵡⴻⵙⵎⴻⴽⵜⵉ, ⵢⴻⵍⵍⴰ-ⴷ ⴷⴰⵖ ⵓⵙⴻⵀⵡⵓ ⴰⵙⵙ ⵏ ⵙⵙⴻⴱⵜ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵉⵙ 6ⴱ ⵢⴻⵇⵇⵏⴻⵏ ⵜⴰⵎⵏⴰⴹⵜ ⵏ ⵣⵓⵙⴼⴰⵏⴰ ⵖⴻⵔ ⵜⵖⵉⵡⴰⵏⵜ ⵏ ⵜⴰⵖⵉⵜ (97 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⵏⵥⵓⵍ ⵏ ⴱⴻⵛⵛⴰⵕ), ⴷ ⴰⵙⴻⵀⵡⵓ ⴰⵢ ⵢⴻⴳⵍⴰⵏ ⵙ 11 ⵏ ⵜⵎⴻⴷⴷⵓⵔⵉⵏ ⵢⴻⵔⵏⵓ ⵢⴻⵙⵙⴻⴳⴳⵔⴰ-ⴷ 7 ⵏ ⵢⵉⵎⴻⵊⵔⴰⵃ ⵢⴻⵏⴹⴻⵔⵔⴻⵏ.
