ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴰⵍⵎⴰⵏ ⵜⵄⴻⵡⵡⴻⵍ ⴰⴷ ⵜⴻⵎⵄⴰⵡⴰⵏ ⴷ ⵍⴻⵣⵣⴰⵢⴻⵔ ⴷⴻⴳ ⵓⵙⵙⵉⵍⴻⵖ ⵏ ⵢⵉⵏⴻⵍⵎⴰⴷⴻⵏ ⴷ ⵢⵉⴽⴰⵜⴰⵔⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, – ⵉⵡⴻⴽⴽⴻⴷ-ⴷ ⵡⴻⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵡⴻⵎⵏⵉ (ⴱⴰⵔⵍⴰⵎⴰⵏ) ⴰⵍⵎⴰⵏⵉ (ⴱⵓⵏⴷⴻⵙⵜⴰⴳ), ⵓⵍⵔⵉⵛⵀ ⵙⵀⵧⵍⴻⵔ) ⴰⵙⵙ ⵏ ⵜⵜⵍⴰⵜⴰ ⵖⴻⴼ ⵓⵄⴻⵡⵡⴻⵍ ⵏ ⵍⴰⵍⵎⴰⵏ ⴰⴽⴽⴻⵏ ⴰⴷ ⵜⴻⵎⵄⴰⵡⴰⵏ ⴷ ⵍⴻⵣⵣⴰⵢⴻⵔ ⴷⴻⴳ ⵓⵙⵙⵉⵍⴻⵖ (ⵜⴰⴽⵡⵉⵏ) ⵏ ⵢⵉⵏⴻⵍⵎⴰⴷⴻⵏ ⴷ ⵢⵉⴽⴰⵜⴰⵔⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⴻⴱⵖⴰ ⵛⵛⴻⵔⴹ ⵏ ⵜⵔⵉⵔⵉⵜ ⵏ ⵢⵉⵏⴻⵖⵍⴰⴼⴻⵏ ⵖⴻⴼ ⵜⵓⵜⵜⵔⵉⵡⵉⵏ ⵏ ⵢⵉⵎⴰⵣⴰⵏⴻⵏ (ⵏⵓⵡⵡⴰⴱ) ⵉⴷⵣⴰⵢⵔⵉⵢⴻⵏ ⴰⴷ ⵢⴻⵔⵙ ⴷⴻⴳ ⵜⵎⴻⵏⴹⴰⵡⵜ.

ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵓⵙⴻⵍⵡⴰⵢ ⵏ ⵜⴻⴳⵔⴰⵡⵜ ⵜⴰⵡⴰⵎⵏⵉⵜ ⵏ ⵜⴰⵎⵎⵉⴷⵡⴰ ⴳⴰⵔ ⵍⴻⵣⵣⴰⵢⴻⵔ ⴷ ⵍⴰⵍⵎⴰⵏ, ⴰⵀⵎⴻⴷ ⴽⵀⴰⵔⵛⵀⵉ, ⵢⴻⵏⵏⴰ-ⴷ ⵎⴰⵙⵙ ⵙⵛⵀⵧⵍⴻⵔ ⴷⴰⴽⴽⴻⵏ « ⴰⵎⵏⵉ ⴰⵍⵎⴰⵏⵉ (ⴱⵓⵏⴷⴻⵙⵜⴰⴳ) ⵉⵄⴻⵡⵡⴻⵍ ⴰⴷ ⵢⴻⵎⵄⴰⵡⴰⵏ ⴷ ⵍⴻⵣⵣⴰⵢⴻⵔ ⴷⴻⴳ ⵡⴻⵏⵔⴰⵔ ⵏ ⵓⵙⵙⵉⵍⴻⵖ ⵏ ⵢⵉⵏⴻⵍⵎⴰⴷⴻⵏ ⴷ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵢⴻⵔⵏⵓ ⵢⴻⴱⵖⴰ ⵍⴻⵎⵎⴻⵔ ⴰⴷ ⵢⴻⵜⵜⵡⴰⵙⵎⴻⵏⴹⴻⵡ ⵛⵛⴻⵔⴹ ⵏ ⵓⵃⴻⵜⵜⴻⵎ ⵏ ⵢⵉⵏⴻⵖⵍⴰⴼⴻⵏ ⴰⴽⴽⴻⵏ ⴰⴷ ⴷ-ⵔⵔⴻⵏ ⵖⴻⴼ ⵜⵓⵜⵜⵔⵉⵡⵉⵏ ⵏ ⵢⵉⵎⴰⵣⴰⵏⴻⵏ ⵉⴷⵣⴰⵢⵔⵉⵢⴻⵏ ⵢⴻⵍⵍⴰⵏ ⴷ ⵛⵛⴻⵔⴹ ⵉⵡⴻⵄⵕⴻⵏ ⴰⴽⴽⴻⵏ ⴰⴷ ⵉⵄⴻⴷⴷⵉ ⴷⴻⴳ ⵜⵎⵓⵔⵜ-ⵏⵏⴻⵙ ».

ⵎⴰ ⴷ ⵎⴰⵙⵙ ⴽⵀⴰⵔⵛⵀⵉ ⵢⴻⵙⵙⴰⵡⴻⵍ ⴷ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵍⵎⴰⵏⵉ ⵖⴻⴼ ⵓⵛⴻⴳⴳⴻⵔ (ⵎⵓⵔⴰⴵⴰⵄⴰ) ⴰⵏⴻⴳⴳⴰⵔⵓ ⵏ ⵜⵎⴻⵏⴹⴰⵡⵜ ⵜⴰⴷⵣⴰⵢⵔⵉⵜ ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵙⵙⴻⴱⴷⴻⴷ-ⴷ ⴰⵙⴻⵇⵇⴰⵎⵓ ⵉⵎⵉⵏⴻⴳ ⵉ ⵜⵎⴻⴹⵔⵉⵜ (ⵛⴰⴱⴰⴱ) ⵉ « ⵡⴻⵙⴷⵓⵇⵇⴻⵙ ⵏ ⴷⴷⵓⵕ ⵏ ⵢⵉⵍⴻⵎⵥⵉⵢⴻⵏ ⴷⴻⴳ ⵜⵎⴻⴷⴷⵓⵔⵜ ⵜⴰⵙⴻⵔⵜⴰⵏⵜ ».

ⵢⴻⵙⵙⴰⵡⴻⵍ-ⴷ ⴷⴰⵖ ⵖⴻⴼ « ⵜⴻⵏⵡⵉⵜ (ⵜⴰⵄⴷⵉⵍ) ⴰⵢ ⵢⴻⵜⵜⵃⴻⵜⵜⵉⵎⴻⵏ ⵉⵏⴻⵖⵍⴰⴼⴻⵏ ⴰⴷ ⴷ-ⵔⵔⴻⵏ ⵖⴻⴼ ⵜⵓⵜⵜⵔⵉⵡⵉⵏ ⵜⵉⵏⵉⵎⵉⵢⵉⵏ (ⵛⴰⴼⴰⵡⵉⵢⵢⴰ) ⴷ ⵜⵉⴷ ⵢⵓⵔⴰⵏ ⵡⴰⵔ ⵎⴰ ⵄⴻⴹⴹⵍⴻⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⴰⵢⴰ ⵢⴻⵍⵍⴰ-ⴷ ⵉ ⵓⵙⵙⴻⵊⵀⴻⴷ ⵏ ⵍⴻⵛⵖⴰⵍ ⵏ ⵡⴻⵎⵏⵉ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔ-ⴷ ⵎⴰⵙⵙ ⴽⵀⴰⵔⵛⵀⵉ ⵜⵉⵖⵔⵉ ⵉ « ⵡⴻⵙⴱⵓⵖⴻⵔ (ⵉⵜⵔⴰ’) ⵏ ⵡⴰⵙⵙⴰⵖⴻⵏ ⵉⵡⴰⵎⵏⵉⵢⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⴰⵍⵎⴰⵏ ⵙ ⵡⴻⵎⴱⴰⴷⴷⴻⵍ ⵏ ⵜⴻⵔⵣⴰ ⴷ ⵜⵜⴻⵊⵕⵉⴱⴰⵜ ⵉ ⵍⵎⴻⵏⴷ ⵏ ⵓⵙⵙⴰⵍⵉ ⵏ ⵡⴻⵙⵡⵉⵔ ⵏ ⵡⴰⵙⵙⴰⵖⴻⵏ-ⴰ ⴷⴻⴳ ⵡⴰⴽⴽ ⵉⵏⵓⵔⴰⵔ, ⵍⴰⴷⵖⴰ ⴷⴻⴳ ⵡⵉⴷ ⵏ ⵜⴷⴰⵎⵙⴰ, ⵜⴰⵥⵡⴻⵔⵜ (ⵟⴰⵇⴰ) ⴷ ⵜⴻⵎⵃⴰⴷⴷⵉⵜ ».