ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴹⴹⴼⴰ ⵏ ⵢⵉⵡⴻⵜ ⵏ ⵜⵎⴰⴳⵍⴰ ⵜⴰⴳⵔⴰⵖⵍⴰⵏⵜ ⵏ ⵡⴰⵢⵜ ⵍⵇⴰⵏⵓⵏ ⴷⴻⴳ ⵔⵔⴱⴰⵟ

ⵒⴰⵔⵉⵙ – ⵜⴻⵏⵏⴰ-ⴷ ⵜⵉⴷⴷⵓⴽⵍⴰ ⵏ ⵢⵉⵎⴻⴷⴷⵓⴽⴰⵍ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵜⴰⵚⴻⵃⵔⴰⵡⵉⵜ ⵜⴰⵎⴻⴳⴷⴰⵢⵜ ⴷⴰⴽⴽⴻⵏ ⵜⴻⵜⵜⵡⴰⴹⴹⴻⴼ, ⴷⴻⴳ ⵔⵔⴱⴰⵟ, ⵢⵉⵡⴻⵜ ⵏ ⵜⵎⴰⴳⵍⴰ (ⵡⴰⴼⴷ) ⴰⵢ ⴷ-ⵢⵓⵣⴻⵏ ⵓⵎⴰⵣⴷⴰⵢ ⴰⴳⵔⴰⵖⵍⴰⵏ ⵏ ⵢⵉⵅⴻⴷⴷⴰⵎⴻⵏ ⵏ ⵍⵇⴰⵏⵓⵏ ⴰⴽⴽⴻⵏ ⴰⴷ ⵄⴰⵡⵏⴻⵏ ⵉⵎⴻⵃⴱⴰⵙ ⵉⵚⴻⵃⵔⴰⵡⵉⵢⴻⵏ ⵏ ⴳⴷⴻⵉⵎ ⵉⵣⵉⴽ.

« ⴰⵙⵙ ⵏ ⵍⴰⵕⴻⴱⵄⴰ ⵖⴻⴼ ⵜⵉⵙ 6, ⵜⴻⴹⴹⴻⴼ ⵜⴻⵎⵙⵓⵍⵜⴰ ⵜⴰⵎⴻⵕⵕⵓⴽⵉⵜ ⴷⴻⴳ ⵓⵙⴻⵏⵙⵓ: ⵎⴰⵙⵙⴰ ⵉⵏⴳⵔⵉⴷ ⵎⴻⵜⵜⵧⵏ (ⴷ ⵜⴰⴱⵓⴳⴰⵟⵓⵜ ⵜⴰⴼⵕⴻⵏⵙⵉⵙⵜ), ⴻⵔⵉⵛ ⴷⴰⵠⵉⴷ (ⴷ ⴰⵙⴻⵍⵎⴰⴷ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ ⵙⴻⴳ ⴱⵉⵍⵊⵉⴽ), ⵊⴻⵙⵓⵙ ⵎⴰⵔⵉⴰ ⵎⴰⵔⵜⵉⵏ ⵎⵧⵔⵉⵍⵍⵧ (ⴷ ⵍⵇⴰⴹⵉ ⴰⵙⵒⴻⵏⵢⵓⵍⵉ), ⴷ ⵎⴰⵔⵉⴰ ⵏⵉⴻⵠⴻⵙ ⵛⵓⴱⴰⵙ ⴰⵔⵎⴰⵙ, ⵊⵓⴰⵏ ⵛⴰⵔⵍⵧⵙ ⴳⵧⵎⴻⵣ ⴷ ⴰⵍⵜⴰⵎⵉⵔⴰ ⴳⵓⴻⵍⴱⴻⵏⵣⵓ ⴳⵧⵏⵣⴰⵍⵧ, ⴷ 3 ⵏ ⵢⵉⴱⵓⴳⴰⵟⵓⵜⴻⵏ ⵉⵙⵒⴻⵏⵢⵓⵍⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵔⴻⴳⵉⵏⴻ ⵠⵉⵍⵍⴻⵎⵧⵏⵜ, ⵜⴰⵙⴻⵍⵡⴰⵢⵜ ⵏ ⵜⵉⴷⴷⵓⴽⵍⴰ-ⴰ.

ⵉ ⵡⴻⵙⵎⴻⴽⵜⵉ, ⵉⵅⴻⴷⴷⴰⵎⴻⵏ-ⴰ ⵏ ⵍⵇⴰⵏⵓⵏ ⵔⵣⴰⵏ-ⴷ ⵖⴻⴼ ⵎⴻⵕⵕⵓⴽ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵢⵉⵎⴻⵃⴱⴰⵙ ⵉⵚⴻⵃⵔⴰⵡⵉⵢⴻⵏ ⵏ ⴳⴷⴻⵉⵎ ⵉⵣⵉⴽ ⴰⵢ ⵢⴻⵜⵜⵡⴰⵃⴻⴱⵙⴻⵏ ⴷⴻⴳ ⵍⵃⴻⴱⵙ ⵏ ⵔⵔⴱⴰⵟ-ⵙⴰⵍⵉ ⵢⴻⵔⵏⵓ ⴱⴷⴰⵏ-ⴷ ⴰⵙⵓⵏⴷⴻⴷ (ⵉⴹⵔⴰⴱ) ⵏ ⵍⴰⵥ 36 ⵏ ⵡⵓⵙⵙⴰⵏ ⴰⵢⴰ ⴰⴽⴽⴻⵏ ⴰⴷ ⴷ-ⵛⵛⴻⵜⴽⵉⵏ ⵖⴻⴼ ⵓⵄⴻⵜⵜⴻⴱ ⴷ ⵡⴻⵃⴱⴰⵙ ⴰⵎⴻⵙⴱⴰⵟⵍⵉ ⴰⵢ ⵜⵜⵡⴰⵃⴻⴱⵙⴻⵏ.

ⵜⴰⵎⴰⴳⵍⴰ-ⴰ ⵢⴻⵜⵜⵡⴰⴹⴹⴻⴼ, ⵙⴰⴽⴽⵉⵏ ⴱⵔⴰⵏ-ⴰⵙ-ⴷ ⵜⴰⵎⴻⴷⴷⵉⵜ. ⵜⵓⴹⴹⴼⴰ-ⴰ ⵜⴻⵍⵍⴰ-ⴷ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵜⴻⵍⵍⴰ ⵜⴻⵜⵜⴻⴷⴷⵓ ⴰⴷ ⵜⵜ-ⵜⴻⴳ ⵜⵎⴰⴳⵍⴰ-ⴰ ⴰⴽⴽⴻⵏ ⴰⴷ ⴷ-ⵜⵡⴻⵜ ⴷⴻⴳ ⵍⴱⴰⵟⴻⵍ ⴰⵢ ⵍⴰ ⵢⴻⵜⵜⴻⴽⴽⴻⵏ ⵖⴻⴼ ⵢⵉⵎⴻⵃⴱⴰⵙ-ⴰ ⵉⵚⴻⵃⵔⴰⵡⵉⵢⴻⵏ.

ⵖⴻⴼ ⵍⴻⵃⵙⴰⴱ ⵏ ⵜⵙⴻⵍⵡⴰⵢⵜ-ⴰ, ⵉⵏⵎⴰⵀⴰⵍⴻⵏ (ⵙⵓⴼⴰⵔⴰ’) ⵏ ⵙⵒⴻⵏⵢⵓⵍ, ⴱⵉⵍⵊⵉⴽ ⴷ ⴼⵕⴰⵏⵙⴰ ⴷⴻⴳ ⵎⴻⵕⵕⵓⴽ ⴷⴷⴰⵏ ⵖⴻⵔ ⵓⵙⴻⵏⵙⵓ-ⵏⵏⵉ ⴰⴽⴽⴻⵏ ⴰⴷ ⵙⵙⴻⵇⵙⵉⵏ ⵖⴻⴼ ⵢⵉⵎⴰⵙⵍⴰⴹⴻⵏ ⵏ ⵜⵎⴰⴳⵍⴰ-ⴰ.