ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴳⴰⵍⵎⴰ: ⵜⴰⵣⵉⴽⴽⴻⵏⵜ ⵜⴰⵎⴻⵣⵡⴰⵔⵓⵜ ⵏ ⵢⴻⴷⵍⵉⵙⴻⵏ ⵉⵇⴱⵓⵔⴻⵏ
ⴳⴰⵍⵎⴰ– ⵜⴻⴱⴷⴰ, ⵓⵙⵙⴰⵏ-ⴰ, ⵜⵣⵉⴽⴽⴻⵏⵜ ⵜⴰⵎⴻⵣⵡⴰⵔⵓⵜ ⵏ 1000 ⵏ ⵢⴻⴷⵍⵉⵙⴻⵏ ⵉⵇⴱⵓⵔⴻⵏ ⵏ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵙⵙⵏⵉ ⴷⴻⴳ ⵜⴻⵎⴷⵉⵏⵜ ⵏ ⴳⴰⵍⵎⴰ.
ⵜⴻⵍⵍⴰ-ⴷ ⵜⵣⵉⴽⴽⴻⵏⵜ-ⴰ ⵉ ⵡⴻⵙⴼⵓⴳⴻⵍ ⵏ « ⵡⴰⵙⵙ ⵏ ⵜⵎⵓⵙⵙⵏⵉ » ⵏ 16 ⵢⴻⴱⵔⵉⵔ, ⵢⴻⵔⵏⵓ ⵙⵙⵓⴷⴷⵙⴻⵏ-ⵜⵜ ⴷⴻⴳ ⵡⴻⵅⵅⴰⵎ ⵏ ⵢⵉⵍⴻⵎⵥⵉⵢⴻⵏ ⵏ « ⵙⴰⵍⴰⵀ-ⴱⵧⵓⴱⴻⵏⴷⵉⵔ » ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ. ⴰⴷ ⵜⴽⴻⵎⵎⴻⵍ ⵜⵣⵉⴽⴽⴻⵏⵜ-ⴰ ⴰⵔⵎⴰ ⴷ 23 ⵢⴻⴱⵔⵉⵔ.
ⴰⵟⴰⵙ ⵏ ⵎⴻⴷⴷⴻⵏ ⴰⵢ ⴷ-ⵢⴻⵔⵣⴰⵏ ⵖⴻⴼ ⵜⵣⵉⴽⴽⴻⵏⵜ-ⴰ ⴰⴽⴽⴻⵏ ⴽⴰⵏ ⴰⵢ ⵜⴻⵔⵥⴻⵎ, ⴰⵙⵙ ⵏ ⵙⵙⴻⴱⵜ, ⵢⴻⵔⵏⵓ ⵉⴷⵍⵉⵙⴻⵏ ⴰⵢ ⴷ-ⵢⴻⵔⵙⴻⵏ ⴷⴻⴳ-ⵙ ⵜⵜⵡⴻⴱⴹⴰⵏ ⵖⴻⴼ 15 ⵏ ⵢⵉⵏⵓⵔⴰⵔ ⵙ 3 ⵏ ⵜⵓⵜⵍⴰⵢⵉⵏ, ⵜⴰⵄⵕⴰⴱⵜ, ⵜⴰⴼⵕⴻⵏⵙⵉⵙⵜ ⴷ ⵜⴰⵏⴳⵍⵉⵣⵉⵜ.
« ⵉⴷⵍⵉⵙⴻⵏ ⴰⵢ ⴷ-ⵢⴻⵔⵙⴻⵏ ⵜⵜⵡⴰⵍⴻⵇⴹⴻⵏ-ⴷ ⵙⵖⵓⵔ ⵢⵉⵖⴻⵔⵎⴰⵏⴻⵏ (ⵎⵓⵡⴰⵟⵉⵏⵉⵏ) ⴷ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵜⵣⵉⴽⴽⴻⵏⵜ-ⴰ ⵢⴻⵔⵏⵓ ⵢⴻⴼⵔⴻⵏ-ⵉⵜⴻⵏ-ⵉⴷ ⵓⵙⴻⵇⵇⴰⵎⵓ ⵏ ⵜⵖⵓⵔⵉ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵡⴻⵅⵅⴰⵎ ⵏ ⵢⵉⵍⴻⵎⵥⵉⵢⴻⵏ, ⴰⵎⴰⵔ ⴱⵧⵓⵛⵀⴻⵍⴰⴳⵀⴻⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵊⵎⴰⵄ ⵏ ⵢⴻⴷⵍⵉⵙⴻⵏ-ⴰ ⵢⴻⴱⴷⴰ-ⴷ ⴷⴻⴳ ⵎⴻⵖⵔⴻⵙ ⵢⴻⵣⵔⵉⵏ.
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵙ ⴽⵔⴰ ⵏ ⵡⴻⵎⴷⴰⵏ ⴰⵢ ⴷ-ⵢⴻⴼⴽⴰⵏ ⴰⴷⵍⵉⵙ ⵉ ⵜⵣⵉⴽⴽⴻⵏⵜ-ⴰ ⵢⴻⵜⵜⵓⵏⴻⴼⴽ-ⴰⵙ ⵓⵜⵉⴽⵉ, ⵢⴻⵔⵏⵓ ⵣⴻⵎⵔⴻⵏ ⵎⴻⴷⴷⴻⵏ ⴰⴷ ⵎⴱⴰⴷⴷⴰⵍⴻⵏ ⵉⴷⵍⵉⵙⴻⵏ ⵎⴰ ⴱⵖⴰⵏ.
ⵢⴻⵏⵏⴰ-ⴷ ⵎⴰⵙⵙ ⴱⵧⵓⵛⵀⴻⵍⴰⴳⵀⴻⵎ ⴷⴰⴽⴽⴻⵏ ⵉⵙⵡⵉ ⵏ ⵜⵣⵉⴽⴽⴻⵏⵜ-ⴰ ⴷ « ⴰⵙⵎⴻⵏⴷⴻⴳ ⵏ ⵜⴻⵡⵏⴰⴼⵉⵜ (ⴼⵓⴹⵓⵍ) ⴷ ⵓⵙⵙⴻⴱⵖⴻⵙ ⵏ ⵎⴻⴷⴷⴻⵏ ⵉ ⵜⵖⵓⵔⵉ », ⵍⴰⴷⵖⴰ ⵉⵍⴻⵎⵥⵉⵢⴻⵏ, ⴰⵎ ⵡⴰⴽⴽⴻⵏ ⴰⴷ ⴷ-ⵢⵉⵍⵉ ⵡⴰⵢⴰ ⴷ ⵍⴻⵎⵄⴰⵡⵏⴰ ⵉ ⵢⵉⴳⴻⵍⵍⵉⵍⴻⵏ ⴰⴽⴽⴻⵏ ⴰⴷ ⴷ-ⵙⵖⴻⵏ ⵉⴷⵍⵉⵙⴻⵏ ⴰⴷ ⵣⴻⵎⵔⴻⵏ ⴰⴷ ⵜⴻⵏ-ⵙⵇⴻⴷⵛⴻⵏ ⴷⴻⴳ ⵜⴻⵣⵔⴰⵡⵉⵏ-ⵏⵙⴻⵏ (ⴷⵉⵔⴰⵙⴰ) ⴷ ⵓⵏⴰⴷⵉ.
ⵜⴰⵣⵉⴽⴽⴻⵏⵜ-ⴰ ⵜⴻⵜⵜⵡⴰⵔⵥⴻⵎ ⵙ ⵓⴱⴻⵔⵔⵉⵃ ⵏ « ⴰⴷ ⵏⴻⴼⴽⴻⵜ ⵜⵓⴷⴻⵔⵜ ⵏⵉⴹⴻⵏ ⵉ ⵢⴻⴷⵍⵉⵙⴻⵏ », ⵢⴻⵔⵏⵓ ⵜⴻⵄⵊⴻⴱ-ⴰⵙⴻⵏ ⵉ ⵡⴰⵟⴰⵙ ⵏ ⵢⵉⵏⴻⵔⵣⴰⴼⴻⵏ (ⵣⵓⵡⵡⴰⵔ) ⴰⵢ ⴷ-ⵢⵓⴼⴰⵏ ⴷⴻⴳ ⵜⵏⴻⴼⵙⴰⵔⵉⵏ ⵏ ⵜⵣⵉⴽⴽⴻⵏⵜ-ⴰ ⴰⵟⴰⵙ ⵏ ⵢⴻⴷⵍⵉⵙⴻⵏ ⵉⵏⴻⵇⴷⴻⵏ.
