ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⵓⴷⴷⵓ ⵏ ⴽⵓⵥ ⵏ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴰⴽⴽⴻⴷ ⵓⵙⴻⴳⵔⴻⵡ ⵏ ⵢⵉⵎⵔⵉⴳⴻⵏ ⴷⴻⴳ ⴵⵉⴵⴻⵍ (ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ), ⵜⵓⴼⴰ ⵙⴰⴽⵉⵏ ⵜⵀⵓⴷⴷ ⴽⵓⵥ (4) ⵏ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵡⵉⵍⴰⵢⵜ ⵏ ⴵⵉⴵⴻⵍ, ⵜⴻⵔⵏⴰ ⵜⴻⵙⵙⴻⴳⵔⴻⵡ-ⴷ ⵉⵎⵔⵉⴳⴻⵏ ⵉⴷⴻⴳ ⵍⵍⴰⵏ ⴽⵔⴰⴹ ⵏ ⵍⴱⵓⵎⴱⴰⵜ ⵏ ⵓⵎⴰⵀⵉⵍ ⵏ ⵓⴼⵓⵙ, ⵙⵏⴰⵜ (2) ⵜⵎⴻⴽⵃⴰⵍ ⵏ ⵓⵚⴻⵢⵢⴻⴷ ⴰⴽⴽⴻⴷ ⵢⵉⴽⴻⵔⵟⵓⵛⴻⵏ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

‘’Deg ukatar n umennuɣ mgal iremmaɣen, yiwet n tsensirt n Tredsa taɣelnawt taɣerfant tufa sakin thudd, ass n 16 yebrir 2016, kuẓ (04) n tnaffarin n yiremmaɣen de Ǧiǧel (Tamnaḍt taserdasant tis 5), tessegrew-d kraḍ (3) n lbumbat n umahil n ufus, snat (2) tmekḥal n uṣeyyed, ddeqs n yikerṭucen akked ifecka n usṭerḍeq’’, i d-tesseddi teɣbalut-nni.

ⵙⴻⴳ ⵢⵉⴷⵉⵙ ⵏⵏⵉⴹⴻⵏ, ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⴰⵏⵖⴰ ⵓⴷⴷⵉⵙ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏⵏⵉⴹⴻⵏ ⵜⴻⵟⵟⴻⴼ ⴷⴻⴳ ⵜⵖⴻⵔⴷⴰⵢⵜ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5) ‘’ⵙⵉⵏ (2) ⵢⴻⵎⵙⴻⵜⵜⵉⵢⴻⵏ’’ ⵜⴻⴽⴽⴻⵙ-ⴰⵙⴻⵏ "500 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ ⴰⴽⴽⴻⴷ ⵙⵏⴰⵜ (2) ⵜⴽⴻⵔⵔⵓⵙⵉⵏ".

ⵜⵜⵡⴰⵟⵟⴼⴻⵏ ⵙⵉⵏ (2) ⵏ ⵢⵉⵎⵙⴻⵜⵜⵉⵢⴻⵏ ⵏⵏⵉⴹⴻⵏ, ⴽⵙⴻⵏ-ⴰⵙⴻⵏ ⵢⵉⵡⴻⵏ (1) ⵏ ⵓⴽⴰⵎⵢⵓⵏ ⵉⵄⴻⴱⴱⴰⵏ 35 ⵏ ⵢⵉⵇⴻⵏⵟⴰⵔⴻⵏ ⵏ ⴷⴷⴻⵅⵅⴰⵏ ⴷⴻⴳ ⵍⵡⴰⴷ, ⵉ ⵢⴻⵔⵏⴰ ⵢⴻⵏⵏⴰ-ⴷ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ (ⵎⴷⵏ).

ⴷⴻⴳ ⵜⵎⴻⵏⵖⴰⵙⵜ ⴰⴽⴽⴻⴷ ⴱⵓⵔⴵ ⴱⴰⴵⵉ ⵎⴻⵅⵜⵜⴰⵔ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 6), ‘’ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵜⴻⵟⵟⴻⴼ ⵙⴰ (7) ⵏ ⵢⵉⵎⵙⴻⵜⵜⵉⵢⴻⵏ ⴰⴽⴽⴻⴷ ⴽⵓⵥ ⵏ ⵜⵎⴻⵔⵡⵉⵏ ⴷ ⴽⵔⴰⴹ (43) ⵏ ⵢⵉⵎⵉⵏⵉⴳⴻⵏ ⵓⴼⴼⵉⵔⴻⵏ, ⵜⴻⴽⴽⴻⵙ-ⴰⵙⴻⵏ ⴽⵔⴰⴹ (3) ⵜⴽⴻⵔⵔⵓⵙⵉⵏ, ⵙⵉⵏ (2) ⵏ ⵢⵉⵎⵔⴻⵡⵜⵔⵉⵙⵉⵜⵉⵢⴻⵏ, ⵙⵉⵏ (2) ⵏ ⵢⵉⵎⴻⵖⴰⵔⴻⵏ ⵏ ⵜⵔⵉⵙⵉⵜⵉ, ⵉⴼⴻⵛⴽⴰ ⵏ ⵓⵙⵟⴻⵔⴹⴻⵇ ⴰⴽⴽⴻⴷ 600 ⵉⴽⵉⵍⵓⴳⵔⴰⵎⴻⵏ ⵏ ⵓⵎⴻⵅⵍⵓⴹ ⵏ ⵢⵉⵥⵔⴰ ⴰⴽⴽⴻⴷ ⵡⵓⵔⴻⵖ’’, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵍⵖⵓ.