ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣⴻⵏⵣⴻⵍⵜ ⴷⴻⴳ ⴻⵛⵓⴰⴷⵧⵔ: 499 ⴰⵢ ⵢⴻⵎⵎⵓⵜⴻⵏ (ⵜⴰⵛⵔⴰⵡⵜ ⵜⴰⵎⴰⵢⵏⵓⵜ)

ⵇⵓⵉⵜⵧ - ⵜⵉⵣⴻⵏⵣⴻⵍⵜ-ⵏⵏⵉ ⵉⵊⴻⵀⴷⴻⵏ ⴰⵢ ⵉⵡⵜⴻⵏ ⵜⴰⵎⵏⴰⴹⵜ ⵏ ⵢⵉⵔⵉ ⵏ ⵢⵉⵍⴻⵍ ⴷⴻⴳ ⴻⵛⵓⴰⴷⵧⵔ ⴰⵙⵙ ⵏ ⵙⵙⴻⴱⵜ ⵢⴻⵣⵔⵉⵏ ⵜⴻⴳⵍⴰ ⵙ 499 ⵏ ⵜⵎⴻⴷⴷⵓⵔⵉⵏ, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ (ⵃⴰⵚⵉⵍⴰ) ⵜⴰⵎⴰⵢⵏⵓⵜ ⴰⵢ ⴷ-ⵢⴻⵙⵙⵓⴼⴼⴻⵖ ⵓⵏⴰⴱⴰⴹ (ⵃⵓⴽⵓⵎⴰ) ⴰⵙⵙ ⵏ ⵍⴰⵕⴻⴱⵄⴰ.

« ⴰⵔ ⵉⵎⵉⵔ-ⴰ, 499 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⵓ ⵊⴻⵔⵃⴻⵏ 4.027 ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵏⵎⴰⵣⵓⵍ ⵏ ⵓⵙⴻⵍⵡⴰⵢ (ⵏⴰ’ⵉⴱ ⵔⴰ’ⵉⵙ) ⵏ ⴻⵛⵓⴰⴷⵧⵔ, ⴷⵉⴻⴳⵧ ⴼⵓⴻⵏⵜⴻⵙ.

ⵜⴰⵛⵔⴰⵡⵜ ⵢⴻⵣⵔⵉⵏ ⵜⴻⴱⴷⴻⵔ-ⴷ 480 ⵏ ⵢⵉⵏⴻⵎⵎⵉⵜⴻⵏ.

ⵖⴻⴼ ⵍⴻⵃⵙⴰⴱ ⵏ ⵓⵏⴰⴱⴰⴹ, 159 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵜⴻⵎⵏⴰⴹⵜ ⵏ ⵒⴻⴷⴻⵔⵏⴰⵍⴻⵙ, ⴷⴻⴳ ⵜⵏⴻⴱⴹⵉⵜ (ⵎⵓⵇⴰⵟⴰⵄⴰ) ⵏ ⵎⴰⵏⴰⴱⵉ (ⴰⵜⴰⵔⴰⵎ [ⵖⴰⵔⴱ]), 142 ⵏ ⵜⴼⴻⴽⴽⵉⵡⵉⵏ ⴰⵢ ⴷ-ⵢⴻⵜⵜⵡⴰⵙⴽⴻⴼⵍⴻⵏ ⴷⴻⴳ ⵜⴻⵎⴷⵉⵏⵜ ⵜⴰⵎⴻⵔⵔⴰⵢⴰⵏⵜ ⵏ ⵎⴰⵏⵜⴰ. ⴷⴻⴳ ⵒⵧⵔⵜⵧⵠⵉⴻⵊⵧ, ⵜⴰⵎⴰⵏⴻⵖⵜ ⵏ ⵜⵏⴻⴱⴹⵉⵜ ⵏ ⵎⴰⵏⴰⴱⵉ, 116 ⵏ ⵢⴻⵎⴷⴰⵏⴻⵏ ⵢⴻⵎⵎⵓⵜⴻⵏ ⴰⵢ ⵢⴻⵜⵜⵡⴰⵄⴻⵇⵍⴻⵏ ⵢⴻⵔⵏⵓ ⵜⵜⵓⵏⴻⴼⴽⴻⵏ ⵉ ⵜⵡⴰⵛⵓⵍⵉⵏ-ⵏⵙⴻⵏ.

ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵖⴻⵍⵏⴰⵡ ⵏ ⵓⵙⵙⴻⴼⵔⴻⴽ (ⵜⴰⵙⵢⵉⵔ) ⵏ ⵜⵡⵓⵖⴰ ⴷⴰⴽⴽⴻⵏ 231 ⵏ ⵢⴻⵎⴷⴰⵏⴻⵏ ⴰⵢ ⵉⵄⴻⵔⵇⴻⵏ.

ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ 20.503 ⵏ ⵢⴻⵎⴷⴰⵏⴻⵏ ⴰⵢ ⵢⴻⵜⵜⵡⴰⵙⵣⴻⴷⵖⴻⵏ ⴷⴻⴳ ⵡⴰⵎⵎⴰⵙⴻⵏ ⵏ ⵓⵎⵎⴰⴳⴻⵔ ⴷⴻⴼⴼⵉⵔ ⵎⴰ ⵔⴻⵡⵍⴻⵏ-ⴷ ⵙⴻⴳ ⵢⴻⵅⵅⴰⵎⴻⵏ-ⵏⵙⴻⵏ ⵖⴻⴼ ⵍⴵⴰⵍ ⵜⵣⴻⵏⵣⴻⵍⵜ-ⴰ ⵏ 7,8 ⵏ ⵜⴼⴻⵙⵏⵉⵡⵉⵏ.

ⵜⵉⵣⴻⵏⵣⴻⵍⵜ-ⴰ ⵉⴵⴻⵀⴷⴻⵏ ⵉⵡⵜⴻⵏ ⴻⵛⵓⴰⴷⵧⵔ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⵜⴻⴳⵍⴰ-ⴷ ⴷⴰⵖ ⵙ ⵢⵉⵅⴻⵚⵚⴰⵔⴻⵏ ⴷⴻⴳ ⵡⴻⵏⵥⵓⵍ-ⵓⵜⵔⵉⵎ (ⴵⴰⵏⵓⴱ-ⵖⴰⵔⴱ) ⵏ ⵜⵎⵓⵔⵜ, ⵙⴷⴰⵜ ⵡⴰⵎⵎⴰⵙ ⵏ ⵜⵣⴻⵏⵣⴻⵍⵜ-ⴰ ⵍⵇⴰⵢⴻⵏ 10 ⵏ ⵢⵉⴽⵉⵍⵓⵎⵉⵜⵔⴻⵏ, ⴰⵎ ⵡⴰⴽⴽⴻⵏ ⴰⵢ ⴰⵙ-ⵃⵓⵍⴼⴰⵏ ⵎⴻⴷⴷⴻⵏ ⴷⴻⴳ ⵜⴻⵎⵏⴰⴹⵉⵏ ⵉⴱⴻⵄⴷⴻⵏ ⴰⵎ ⴳⵓⴰⵢⴰⵇⵓⵉⵍ ⴷ ⵜⵎⴰⵏⴻⵖⵜ ⵇⵓⵉⵜⵧ.

ⵜⵉⵣⴻⵏⵣⴻⵍⵜ-ⴰ ⵃⵓⵍⴼⴰⵏ-ⴰⵙ ⵓⵍⴰ ⴷⴻⴳ ⵡⴻⵏⵥⵓⵍ ⵏ ⴽⵓⵍⵓⵎⴱⵢⴰ ⴷ ⵒⵉⵔⵓ, ⵎⴰⵛⴰ ⵙⵏⴰⵜ-ⴰ ⵏ ⵜⵎⵓⵔⴰ ⵓⵔ ⴷ-ⵅⴻⴱⴱⵔⴻⵏⵜ ⴷⴰⴽⴽⴻⵏ ⵍⵍⴰⵏ ⵡⵉⴷ ⵢⴻⵏⴹⴻⵔⵔⴻⵏ ⵙⴻⴳ-ⵙ.