ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵍⵎⴻⴷ ⵏ ⵜⵎⴰⵣⵉⵖⵜ ⵉⵜⴻⴷⴷⵓ ‘’ⵛⵡⵉⵟ ⵛⵡⵉⵟ’’ ⴷⴻⴳ ⵜⵖⴻⵔⴷⴰⵢⵜ

ⵜⴰⵖⴻⵔⴷⴰⵢⵜ – ⴰⵏⴻⴽⵛⵓⵎ ⵏ ⵜⵓⵜⵍⴰⵜ ⵜⴰⵎⴰⵣⵉⵖⵜ ⴷⴻⴳ ⵓⵏⴰⴳⵔⴰⵡ ⴰⵙⴻⴳⵎⴰⵏ ⴰⴽⴽⴻⴷ ⵓⵙⴻⵍⵎⴻⴷ-ⵉⵙ ⵉⵎⴻⵀⵀⵣⴻⵏ ‘’ⵛⵡⵉⵟ ⵛⵡⵉⵟ’’ ⴰⵛⴽⵓ ⵢⴻⵜⵜⴻⵎⵍⵉⵍⵉ-ⴷ ⴷⴻⴳ ⵓⴱⵔⵉ-ⵙ ⴷⴷⴻⵇⵙ ⵏ ⵡⵓⴳⵓⵔⴻⵏ ⴷⴻⴳ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ, ⵉ ⴷ-ⵏⵏⴰⵏⵜ ⴰⵙⵙ ⵏ ⵍⴰⵔⴻⴱⵄⴰ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵎⴰⵔⵔⴰⵡⴻⵏ ⵏ ⵢⵉⴱⴰⵍⵎⵓⴷⴻⵏ ⵢⴻⵜⵜⵎⴻⵙⵍⴰⵢⴻⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.

ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴷ ⵜⵓⵜⵍⴰⵢⵜ ⵎⴰⵞⵞⵉ ⴽⴰⵏ ⵏ ⵜⵢⴻⵎⵎⴰⵜ ⴷ ⵜⵉⵏ ⵏ ⵍⴻⵊⴷⵓⴷ-ⵏⵏⴻⵖ ⵔⵏⵓ ⴷⴰⵖⴻⵏ ⴷ ⴰⵃⵔⵉⵛ ⵙⴻⴳ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⵜⴰⵖⴻⵍⵏⴰⵡⵜ, ⵢⴻⵙⵙⴻⴼⴽ ⴰⴷ ⵜ-ⵏⴻⵙⵏⴻⵔⵏⵉ, ⴰⴷ ⵏⴻⵙⵎⴰⵜⵓ ⴰⵙⴻⵍⵎⴻⴷ-ⵉⵙ ⴷⴻⴳ ⵓⵃⵔⵉⵛ ⵏ ⵓⵙⴻⵍⵎⴻⴷ ⵙ ⵓⵙⵖⴰⵡⴻⵙ ⴰⴽⴽⴻⴷ ⵓⵙⵍⵓⴳⴻⵏ ⴰⵙⵏⵉⵍⵙⴰⵏ, ⵔⵏⵓ-ⴰⵙ ⴰⵡⴼⵓⵙ ⴰⵙⴻⵏⵙⴻⴳⵎⴰⵏ ⴰⴽⴽⴻⴷ ⵡⴰⵍⵍⴰⵍⴻⵏ ⵉⵙⵍⴰⵥⵔⵉⵢⴻⵏ ⵉ ⵓⵙⴻⵍⵎⴻⴷ-ⵉⵙ, ⵉ ⴷ-ⵣⵣⵉⵔⴳⴻⵏ ⵉ ⵜⵏⴻⴳⴳⴰ (ⴰⵒⵙ) ⵢⵉⵄⴻⴳⴳⴰⵍⴻⵏ ⵏ ⵜⵉⴷⴷⵓⴽⵍⵉⵡⵉⵏ ⵏ ⵢⵉⵎⴰⵔⵔⴰⵡⴻⵏ ⵏ ⵢⵉⴱⴰⵍⵎⵓⴷⴻⵏ.

ⵉⴱⴰ ⵏ ⵢⵉⵙⴻⵍⵎⴰⴷⴻⵏ ⵢⴻⵙⵙⵏⴻⵏ ⴰⴽⴽⴻⵏ ⵢⴻⵙⵙⴻⴼⴽ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴰⴽⴽⴻⴷ ⵜⴻⵔⵔⴰⵢⵉⵏ ⵜⵉⵙⴻⵏⵙⴻⴳⵎⴰⵏⵉⵏ ⴰⴽⴽⴻⵏ ⴰⴷ ⵣⴻⵎⵔⴻⵏ ⴰⴷ ⵜⵜ-ⵙⵍⴻⵎⴷⴻⵏ ⴰⴽⴽⴻⵏ ⵢⴻⵙⵙⴻⴼⴽ ⴰⴽⴽⴻⴷ ⵍⴻⵅⵚⴰⵙ ⵏ ⵓⵡⴼⵓⵙⴻⵏ ⵉⵖⵓⵔⴱⵉⵣⴻⵏ ⴷ ⵓⴳⵓⵔⴻⵏ ⵉⵎⴻⵣⵡⵓⵔⴰ ⵉ ⵢⴻⵔⵔⴰⵏ ⴰⵙⴻⵍⵎⴻⴷ ⵏ ⵜⵎⴰⵣⵉⵖⵜ ‘’ⵙ ⵓⴳⴰⵛⵓⵔ’’ ⴷⴻⴳ ⵜⴻⵎⵏⴰⴹⵜ ⵏ ⵜⵖⴻⵔⴷⴰⵢⵜ, ⴰⴽⴽⴰ ⵉ ⵜⵜ-ⵜⵜⵡⴰⵍⵉⵏ.