ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵃⴻⵜⵜⴻⵜ-ⴷ ⵍⵧⵓⵀ ⴷⴻⴳ ⵏⴻⵡ ⵢⵧⵔⴽ ⵖⴻⴼ ⵜⵜⴰⵡⵉⵍⴰⵜ ⵏ ⵡⴻⵃⵕⴰⵙ ⵏ ⵜⴻⴳⵏⵉⵜ ⵖⴻⴼ ⵜⴻⵀⵢⵓⴼⵉⵏ
ⵏⴻⵡ ⵢⵧⵔⴽ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵏⴻⵡ ⵢⵧⵔⴽ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵃⵕⴻⵙ ⵙⵙⵓⵇ ⵏ ⵜⴻⵀⵢⵓⴼⵉⵏ ⵙ ⵓⵙⵙⴻⴼⵄⴻⵍ ⵏ ⵢⵉⵃⴻⵣⵣⵉⴱⴻⵏ ⵎⴳⴰⵍ ⵜⴻⵊⵔⵉⵎⵜ ⵢⴻⵇⵇⵏⴻⵏ ⵖⴻⵔ ⵓⵙⵙⴻⵜⵜⵉ (ⵜⴰⵀⵔⵉⴱ) ⵏ ⵜⴻⵀⵢⵓⴼⵉⵏ.
ⵎⵉ ⵢⴻⵙⵙⴻⵍⵡⵉ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵡⴻⵎⵛⵉⵡⴻⵕ ⵖⴻⴼ ⵓⵙⵙⴻⵏⵇⴻⵙ ⵏ ⵓⵙⵙⵓⵎⴻⵔ (ⵄⴰⵔⴹ) ⵏ ⵜⴻⵀⵢⵓⴼⵉⵏ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵜⴻⴷⵡⵉⵍⵜ ⵜⴰⴼⴻⵖⵏⴰⵎⵉⵜ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵡⵓⴳⵓⵔ ⴰⵏⵎⴰⴹⴰⵍ ⵏ ⵜⴻⵀⵢⵓⴼⵉⵏ, ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⵉ ⵡⵉⴷ ⵢⴻⵜⵜⴻⴽⴽⴰⵏ ⴰⴽⴽⴻⵏ ⴰⴷ ⵙⵇⴻⴷⵛⴻⵏ ⵜⵜⴰⵡⵉⵍⴰⵜ ⵏ ⵡⴻⵃⵕⴰⵙ ⵏ ⵓⵙⵙⴻⵏⵣⵉ ⵏ ⵜⴻⵀⵢⵓⴼⵉⵏ ⴰⴽⴽⴻⵏ ⴰⴷ ⵢⴻⵏⵇⴻⵙ ⵓⵙⵙⵓⴷⴻⵔ-ⵏⵙⴻⵏⵜ (ⵉⵙⵜⵉⵀⵍⴰⴽ) ⴰⵢ ⵍⴰ ⵢⴻⵜⵜⵏⴻⵔⵏⵉⵏ.
ⵢⴻⵏⵏⴰ-ⴷ ⵎⴰⵙⵙ ⵍⵧⵓⵀ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵙⵄⵓⵏⵜ ⵜⵉⴳⴳⵜⵉⵏ (ⵡⴰⵃⴰⴷⴰⵜ) ⵏ ⵡⴻⵃⵜⴰⵛ ⵜⴰⵎⴰⵙⵉⵜ (ⵎⴰⵙ’ⵓⵍⵉⵢⵢⴰ) ⴷⴻⴳ ⵓⵅⴻⴷⴷⵉⵎ-ⵏⵙⴻⵏⵜ ⵉ ⵢⵉⵎⴻⵏⵖⵉ ⵎⴳⴰⵍ ⵜⴻⵀⵢⵓⴼⵉⵏ, ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⵛⴻⵔⴽⴻⵏⵜ ⵜⵎⵓⵔⴰ ⵜⵜⴻⵊⵕⵉⴱⴰⵜ-ⵏⵙⴻⵏⵜ ⴷⴻⴳ ⵡⴻⵏⵔⴰⵔ-ⴰ.
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⴷⴰⵖ ⵓⵅⴻⵎⵎⴻⵎ ⵖⴻⴼ ⵜⴻⵎⵙⴰⵍⵜ ⵏ ⵜⴳⴻⵎⵎⵉⵡⵉⵏ ⵏ ⵜⴻⵡⵙⵉ (ⵜⵉⵎⵓⵔⴰ ⴰⵏⴷⴰ ⵓⵔ ⵜⵜⵅⴻⵍⵍⵉⵚⴻⵏ ⵍⴻⵖⵔⴰⵎⴰ) ⴰⵢ ⵢⴻⵜⵜⵡⴰⵙⵙⴻⵇⴷⴰⵛⴻⵏ ⴷ ⵉⵎⵓⴽⴰⵏ ⵉ ⵓⵙⵙⵉⵔⴻⴷ ⵏ ⵢⴻⴷⵔⵉⵎⴻⵏ ⵏ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ, ⵢⴻⵔⵏⵓ ⵢⴻⵏⵏⴰ-ⴷ ⵎⴰⵙⵙ ⵍⵧⵓⵀ ⴷⴰⴽⴽⴻⵏ ⴰⵙⵙⴻⵜⵜⵉ-ⴰ ⴷ ⵜⴰⵖⴱⴰⵍⵓⵜ (ⵎⴰⵚⴷⴰⵔ) ⵏ ⵢⴻⴷⵔⵉⵎⴻⵏ ⵉ ⵔⵔⴻⴱⵔⴰⴱ, ⵢⴻⵔⵏⵓ ⵖⴻⴼ ⵡⴰⵢⴰ ⴰⵢ ⵢⴻⵙⵙⴻⴼⴽ ⴰⴷ ⵜⴻⵜⵜⵡⴰⵅⵏⴻⵇ ⵜⴻⵖⴱⴰⵍⵓⵜ-ⴰ.
ⴷⴻⴳ ⵜⴻⵎⵙⴰⵍⵜ-ⴰ ⴷⴰⵖ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⵊⴰⵒⵓⵏⵉ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⵎⴰⵙⵙ ⵙⴻⵉⵊⵉ ⴽⵉⵀⴰⵔⴰ, ⴷⴰⴽⴽⴻⵏ ⴰⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵢⵉⵡⴻⵏ ⵙⴻⴳ ⵍⴻⵚⵏⴰⴼ ⵉⵎⴻⵏⵙⴰⵢⴻⵏ ⵏ ⵜⴻⵊⵔⵉⵎⵜ ⵢⴻⵜⵜⵡⴰⵙⵙⵓⴷⴷⵙⴻⵏ ⴰⵢ ⵢⴻⵙⵡⴰⵖⴰⵢⴻⵏ ⵜⴰⴷⴰⵎⵙⴰ ⴷ ⵓⵏⵏⴻⵔⵏⵉ.
ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵙⵙⴰⵖ ⵍⴰ ⵢⴻⵜⵜⵏⴻⵔⵏⵉⵏ ⴳⴰⵔ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵔⵔⴻⴱⵔⴰⴱ ⴷ ⴰⵢⴻⵏ ⴰⵢ ⵢⴻⵙⵡⴰⵖⴻⵏ ⴰⵔⴽⴰⴷ ⵏ ⵓⵎⴰⴹⴰⵍ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵊⴰⵒⵓⵏ ⵜⴻⵜⵜⵄⴰⵇⴰⴱ ⴰⵙⵙⴻⵜⵜⵉ ⴷ ⵓⵙⵙⵓⴷⴻⵔ ⵏ ⵜⴻⵀⵢⵓⴼⵉⵏ ⵢⴻⵔⵏⵓ ⵜⴻⴽⴽⴰⵜ ⵖⴻⴼ ⵓⵙⵙⴻⴼⵄⴻⵍ ⵓⵃⵕⵉⵛ ⵏ ⵍⵇⴰⵏⵓⵏ ⵓⵍⴰ ⵖⴻⴼ ⵢⴻⵎⵙⵓⴷⵔⴻⵏ (ⵎⵓⵙⵜⴰⵀⵍⵉⴽⵉⵏ) ⴰⴽⴽⴻⵏ ⴰⴷ ⴰⵙⴻⵏ-ⵔⵥⴻⵏ ⵉⴼⴰⴷⴷⴻⵏ, ⵓⵔ ⵙⵙⴻⵇⴷⴰⵛⴻⵏ ⵜⵉⵀⵢⵓⴼⵉⵏ.
