ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴰⵄⴻⵡⵡⴻⵍ-ⵏⵏⴻⵙ ⵏ ⵡⴻⵎⵛⵉⵡⴻⵕ ⴷ ⵎⴻⵕⵕⵓⴽ
ⵏⴻⵡ ⵢⵧⵔⴽ – ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵏⴻⵡ ⵢⵧⵔⴽ, ⴰⵡⵊⴰⴷ-ⵏⵏⴻⵙ ⴰⴽⴽⴻⵏ ⴰⴷ ⵜⴻⵎⵛⵉⵡⴻⵕ ⴷ ⵎⴻⵕⵕⵓⴽ ⵖⴻⴼ ⵓⵥⴰⵢⴻⵔ (ⵡⴰⴹⵄ) ⵏ ⵓⵏⴻⵥⵔⵓⴼ ⵓⵜⵔⵉⵎ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⵜ ⵜⵉⴷⴷⵉⵜ ⵏ ⵎⴻⵕⵕⵓⴽ ⴰⵢ ⵍⴰ ⵉⵔⴻⴳⴳⵍⴻⵏ ⵉⴱⵔⵉⴷⴻⵏ ⴰⴽⴽⴻⵏ ⴰⴷ ⵜⴻⵙⵙⴻⵅⵚⴻⵔ ⴰⴽⴰⵍⴰ (ⵎⴰⵙⴰⵔ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵏⴻⵡ ⵢⵧⵔⴽ, ⵢⴻⵏⵏⴰ-ⴷ ⵓⵙⴻⵎⵢⵓⴷⴷⴰⵙ (ⵎⵓⵏⴰⵙⵙⵉⵇ) ⴰⵚⴻⵃⵔⴰⵡⵉ ⵉⵅⴻⴷⴷⵎⴻⵏ ⴷ ⵜⵓⵖⴷⴰⴹⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵎⵉⵏⵓⵔⵙⵧ), ⵎⵀⴰⵎⴻⴷ ⴽⵀⴰⴷⴷⴰⴷ, ⴷⴰⴽⴽⴻⵏ ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ « ⵜⴻⵡⵊⴻⴷ ⴰⴷ ⵜⴻⴱⴷⵓ ⵍⴻⵎⵛⴰⵡⵕⴰⵜ ⴷ ⵎⴻⵕⵕⵓⴽ ⵖⴻⴼ ⵣⵉⴽ ⵍⵃⴰⵍ ⵢⴻⵔⵏⵓ ⵡⴰⵔ ⵛⵛⵓⵔⵓⴹ, ⵙ ⵓⵇⴰⴷⴻⵔ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏ 4 ⵏⵡⴻⵎⴱⴻⵕ 2015 ⴷ ⵜⵏⴻⵖⵜⵓⵙⵉⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ».
« ⵜⵉⵔⵏⵉ ⵏ ⵒⵧⵍⵉⵙⴰⵔⵉⵧ ⵜⴻⵏⵏⴰ-ⴷ ⴷⴰⴽⴽⴻⵏ ⵢⴻⵛⵖⴻⴱ-ⵉⵜⵜ ⵎⵍⵉⵃ » ⵓⵏⴻⵄⵔⵓⴹ ⴰⵢ ⵜⴻⵣⴳⴰ ⵎⴻⵕⵕⵓⴽ ⵜⵄⴻⵔⵔⴻⴹ ⴰⴽⴽⴻⵏ ⴰⴷ ⴷ-ⵜⴻⴳ ⵉⵄⴻⵡⵡⵉⵇⴻⵏ ⵉ ⵓⴽⴰⵍⴰ ⴰⵙⴻⵔⵜⴰⵏ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴰⴽⴰⵍⴰ ⴰⵙⴻⵔⵜⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⴰⵜⴰⵏ ⵢⴻⵃⴱⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⵀⴰⴷⴷⴰⴷ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵇⴱⴰⵔ-ⴰ ⵢⴻⵙⵙⴻⵅⵚⴻⵔ ⵜⴰⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ, ⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵕⴰⴱⵓⵍ ⴰⵏⴻⴳⴳⴰⵔⵓ ⵏ ⵢⵉⵖⴻⴼ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵥⴻⵎ ⴷⴰⵖ ⵡⴰⵢⴰ ⴰⴱⵔⵉⴷ ⵉ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⴰⴽⴻⵔ ⵜⵉⵖⴱⵓⵍⴰ (ⵎⴰⵚⴰⴷⵉⵔ) ⵜⵉⴳⴰⵎⴰⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ.
« ⵢⴻⵙⵙⴻⴼⴽ ⴰⴷ ⵜⴻⵙⵙⵓⴳⴳⴻⵜ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⵙⵙⵉⵙⴻⵏ-ⵏⵏⴻⵙ (ⵎⴰⴵⵀⵓⴷⴰⵜ) ⴰⴽⴽⴻⵏ ⴰⴷ ⵜⴻⵙⵙⵓⴷⴷⴻⵙ ⵜⴰⵙⴻⴼⵔⴰⵏⵜ (ⵏ ⵓⴳⴳⵓⵛⵛⴻⵍⵎⴰⵏ [ⵜⴰⵇⵔⵉⵔ ⵎⴰⵚⵉⵔ]) ⵢⴻⵔⵏⵓ ⴰⴷ ⵜⴻⴼⵔⵓ ⵙⵙⴻⴱⴱⴰⵜ ⵜⵉⵍⵇⴰⵢⴰⵏⵉⵏ ⵢⴻⵇⵇⵏⴻⵏ ⵖⴻⵔ ⵡⴻⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷ ⵓⵖⴻⵍⵍⴻⵜ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵏ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⵓⵜⴻⵔ.
