ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴼⵓⴳⴻⵍ ⵏ ⵜⴻⴼⵙⵓⵜ ⵏ ⵢⵉⵎⴰⵣⵉⵖⴻⵏ : ⵜⴰⵏⴻⴳⵎⵉⵜ ⵏ ⵜⵎⴰⴳⵉⵜ ⵜⴰⵎⴰⵣⵉⵖⵜ ⵜⴳⴰ "ⴰⵙⵓⵔⵉⴼ ⴰⵎⴻⵇⵇⵔⴰⵏ" (ⴰⵎⴰⵣⵣⴰⴳ)
ⵍⴻⵣⵣⴰⵢⴻⵔ - ⵜⴰⵏⴻⴳⵎⵉⵜ ⵏ ⵜⵎⴰⴳⵉⵜ ⵜⴰⵎⴰⵣⵉⵖⵜ ⵜⴳⴰ "ⴰⵙⵓⵔⵉⴼ ⴰⵎⴻⵇⵇⵔⴰⵏ", ⵙⴻⴳ ⵜⴻⴷⵢⴰⵏⵉⵏ ⵏ ⵜⴻⴼⵙⵓⵜ ⵏ ⵢⵉⵎⴰⵣⵉⵖⴻⵏ ⵏ 20 ⵢⴻⴱⵔⵉⵔ 1980 ⴰⵔ ⵜⵓⵔⴰ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⵓⵙⴷⴰⵡⴰⵏ ⴰⴱⴷⴻⵔⵔⴻⵣⴰⴽ ⴷⵧⵓⵔⴰⵔⵉ, ⵢⴻⵣⵣⵉⵔⴻⴳ-ⴷ ⴷⴰⴽⴽⴻⵏ ⴰⵙⴻⵏⵚⴻⴱ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⴻⵎⵙⵓⵖⴻⵍ ⵍⴻⵣⵣⴰⵢⴻⵔ ⴰⴽⴽⴻⴷ ‘’ⵜⵉⵣⵣⴰⵢⵔⵉⵜ-ⵉⵙ’’.
ⴽⵔⴰⴷ ⵜⵎⴻⵔⵡⵉⵏ ⴷ ⵙⴹⵉⵙ ⵏ ⵢⵉⵙⴻⴳⴳⴰⵙⴻⵏ ⵙⴻⴳ ⵜⴻⵣⵔⵉ ⵜⴻⴼⵙⵓⵜ ⵏ ⵢⵉⵎⴰⵣⵉⵖⴻⵏ, ‘’ⵍⴻⵣⵣⴰⵢⴻⵔ ⵜⵓⵖⴰⵍ ⵓⴳⴰⵔ ⴷ ⵜⴰⵣⵣⴰⵢⵔⵉⵜ, ⵜⴻⵍⴷⵉ ⵓⴳⴰⵔ, ⵖⴰⵙ ⴰⴽⴽⴻⵏ ⵎⴰⵣⴰⵍ ⴰⵎⵉⵀⵉ ⵏ ⵜⵎⵓⵖⵍⵉⵡⵉⵏ ⵜⵉⵙⵏⴰⴽⵜⴰⵏⵉⵏ ⴷⴷⵔⴻⵏⵜ. ⵜⵉⵥⵉⵏ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵎⵓⵣⵖⴰ ⵢⴻⵙⵙⴰⵡⴻⴹ ⵙ ⴰⵎⵙⵓⵖⴰⵍ ⵏ ⵍⴻⵣⵣⴰⵢⴻⵔ ⴰⴽⴽⴻⴷ ⵜⵉⵣⵣⴰⵢⵔⵉⵜ-ⵉⵙ, ⴰⵏⴰⵎⴻⴽ ⵏ ⵡⴰⵢⴰ ⴷ ⵓⴼⵓⵖ-ⵉⵙ ⵙⴻⴳ ⵜⴻⵇⵍⴰⴹⵜ ⵜⴰⵙⵏⴰⵎⵢⴰⵏⵜ ⵏ ⵜⵎⴰⴳⵉⵜ ⵜⴰⵄⵔⴰⴱⵜ-ⵜⵉⵙⵍⴰⵎⴰⵏⵜ’’, ⵉ ⴷ-ⵢⴻⵏⵏⴰ ⵉ ⵜⵏⴻⴳⴳⴰ, ⴰⴱⴷⴻⵔⵔⴻⵣⴰⴽ ⴷⵧⵓⵔⴰⵔⵉ, ⴷ ⴰⵒⵔⵓⴼⵉⵙⵓⵔ ⵏ ⵜⵓⵙⵙⵏⵉⵡⵉⵏ ⵏ ⵜⵎⴻⵙⵍⴰⵢⵜ ⴷⴻⴳ ⵜⴻⵙⴷⴰⵡⵉⵜ ⵏ ⵍⴻⵣⵣⴰⵢⴻⵔ ⵉⵉ.
ⵙⴻⴳ ⵢⵉⴷⵉⵙ ⵏⵏⵉⴹⴻⵏ ⴰⵎⴰⵣⵣⴰⴳ, ⴰⵏⴻⵎⵀⴰⵍ ⵏ ⵓⵍⴻⵎⵎⴰⵙ ⵏ ⵜⵎⴰⵣⵉⵖⵜ, ⵉⵛⵓⴷⴷⴻⵏ ⵙ ⴰⵖⵍⵉⴼ ⵏ ⵓⵙⴻⴳⵎⵉ ⴰⵖⴻⵍⵏⴰⵡ, ⵢⴻⵣⵡⴻⵔ-ⴷ, ⴷⴻⴳ ⵓⵡⴻⵀⵀⵉ-ⴰ, ⴰⵊⴻⵔⵔⴻⴷ ⴷⴻⴳ ⵜⵎⴻⵏⴹⴰⵡⵜ ⵢⴻⵜⵜⵡⴰⵛⴻⴳⴳⵔⴻⵏ, ⴷⴻⴳ ⴼⵓⵔⴰⵔ ⵢⴻⵣⵔⵉⵏ, ⴰⵎⴹⵉⵇ ⴰⵖⴻⵍⵏⴰⵡ ⵓⵏⵚⵉⴱ ⵉ ⴼⴽⴰⵏ ⵉ ⵜⵓⵜⵍⴰⵢⵜ-ⴰ, ⵢⴻⵜⵜⵡⴰⵍⵉ ⴷⴰⴽⴽⴻⵏ ⴰⵢⴰ ⴷ "ⴰⵙⵓⵔⵉⴼ ⴰⵎⴻⵇⵇⵔⴰⵏ".
