ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵢⵢⵓⵔ ⵏ ⵜⴳⴻⵎⵎⵉ: « ⵄⴻⵏⵏⴰⴱⴰ, ⴷ ⵛⵛⴼⴰⵡⴰⵜ ⵏ ⵜⴻⵎⴷⵉⵏⵜ », ⴷ ⴰⴷⵍⵉⵙ ⴰⵎⴰⵢⵏⵓ ⴰⵢ ⴷ-ⵉⵃⴻⴽⴽⵓⵏ ⵖⴻⴼ ⵜⴻⵎⴷⵉⵏⵜ-ⴰ
ⵄⴻⵏⵏⴰⴱⴰ, – ⵢⴻⵜⵜⵡⴰⵇⵇⴻⴷⴻⵎ-ⴷ, ⴰⵙⵙ ⵏ ⵍⴻⵅⵎⵉⵙ, ⵡⴻⴷⵍⵉⵙ ⵏ « ⵄⴻⵏⵏⴰⴱⴰ, ⵛⵛⴼⴰⵡⴰⵜ ⵏ ⵜⴻⵎⴷⵉⵏⵜ », ⵏ ⵓⵎⴻⵙⴽⴰⵔ ⵉⴷⵔⵉⵙⵙ ⴱⵧⵓⴷⵉⴱⴰ ⴷⴻⴳ ⵡⴻⵅⵅⴰⵎ ⵏ ⵢⴻⴷⵍⴻⵙ ⵏ ⵎⵧⵀⴰⵎⴻⴷ ⴱⵧⵓⴷⵉⴰⴼ ⵏ ⵄⴻⵏⵏⴰⴱⴰ, ⴷⴻⴳ ⵜⵖⵉⵎⵉⵜ ⴰⵢⴷⴻⴳ ⵃⴻⴷⵕⴻⵏ ⵢⵉⵎⴻⵖⵔⵉⵢⴻⵏ ⴷ ⵡⴰⴳⴳⴰⴳⴻⵏ (ⵎⵓⵜⴰⵇⵇⴰⴼⵉⵏ) ⵉ ⵍⵎⴻⵏⴷ ⵏ ⵡⴰⵢⵢⵓⵔ ⵏ ⵜⴳⴻⵎⵎⵉ.
ⴰⴷⵍⵉⵙ-ⴰ ⵓⵛⴱⵉⵃ ⵏ 80 ⵏ ⵢⵉⵙⴻⴱⵜⴰⵔ ⵍⵍⴰⵏⵜ ⴷⴻⴳ-ⵙ ⵜⵓⴳⵏⵉⵡⵉⵏ ⴷ ⵢⴻⴹⵔⵉⵙⴻⵏ ⴷ-ⵢⴻⵜⵜⵅⴻⴱⴱⵉⵔⴻⵏ ⵖⴻⴼ ⵜⴻⵎⴷⵉⵏⵜ ⵏ ⴱⵓⵏⴰ ⵜⴰⵇⴱⵓⵔⵜ, ⵉⵃⴻⴽⴽⵓ-ⴷ ⴰⵎⴻⵣⵔⵓⵢ-ⵏⵏⴻⵙ ⴷⴻⴳ ⵜⴰⵍⵍⵉⵢⵉⵏ ⵢⴻⵎⴳⴻⵔⵔⴰⴷⴻⵏ ⵙ ⵡⴻⴹⵔⵉⵙ ⴷ ⴰⵥⵉⴷⴰⵏ ⴷ-ⵉⵏⵓⴷⴰⵏ ⵙ ⵜⴻⵍⵇⴻⵢ ⵖⴻⴼ ⵛⵛⴱⴰⵃⴰ ⵏ ⵜⴳⴻⵎⵎⵉ ⵏ ⵜⴻⵎⴷⵉⵏⵜ-ⴰ.
ⴰⵎⴻⵙⴽⴰⵔ ⵉⵇⴻⴷⴷⴻⵎ-ⴷ ⵉⵎⵓⴽⴰⵏ ⵉⵎⴻⵣⵔⵓⵢⴰⵏⴻⵏ ⴷ ⵜⵛⴻⵇⵇⵓⴼⵉⵏ ⵜⵉⵙⴻⵏⵣⵉⴽⴰⵏⵉⵏ (ⴰⵜⴰⵔⵉⵢⵢⴰ) ⵜⵉⵇⴱⵓⵔⵉⵏ ⵏ ⵜⴻⵎⴷⵉⵏⵜ ⵏ ⵄⴻⵏⵏⴰⴱⴰ, ⴰⵎ ⵓⵙⴰⵍⴰⵢ ⵏ ⵀⵉⵒⵒⵓⵏ, ⴰⵎⴻⵣⴳⵓⵏ ⵏ ⵕⵕⵓⵎⴰⵏ ⴷ ⵡⴻⵃⵚⵉⵏ ⵏ ⵢⵉⵃⴻⴼⵚⵉⵢⴻⵏ, ⵜⴰⴳⴻⵍⵎⵓⵙⵜ (ⵇⵉⵏⴰⵄ) ⵏ ⴳⵓⵔⴳⵓⵏ ⴷ ⵜⴱⴰⵣⵉⵍⵉⵜ ⵏ ⵓⴳⴻⵔⵔⵓⵎ ⴰⴳⵓⵙⵜⴰⵏ.
ⴰⴷⵍⵉⵙ-ⴰ ⵢⴻⵞⵞⵓⵕ ⴷ ⵜⵉⵡⵍⴰⴼⵉⵏ ⴷ-ⵢⴻⵙⵙⴽⴰⵏⴰⵢⴻⵏ ⵛⵛⴼⴰⵡⴰⵜ ⵏ ⵜⴻⵎⴷⵉⵏⵜ-ⴰ ⵙ ⵢⴻⵎⵇⴰⵎⴻⵏ-ⵏⵏⴻⵙ, ⵣⵣⴰⵡⵢⴰⵜ, ⵜⴰⴱⴰⵣⵉⵍⵉⵜ, ⵜⴰⴽⵍⵉⵣⵜ ⴷ ⵢⵉⵎⴻⴷⵔⵓⵣⴻⵏ-ⵏⵏⴻⵙ.
ⵢⴻⴷⴷⴰ-ⴷ ⴷⴰⵖ ⴷⴻⴳ ⵡⴻⴷⵍⵉⵙ-ⴰ ⵡⴻⵃⵔⵉⵛ ⴰⵢ ⴷ-ⵉⵃⴻⴽⴽⵓⵏ ⵖⴻⴼ ⵡⵓⴷⵎⴰⵡⴻⵏ ⵉⵣⴰⵎⵓⵍⴰⵏⴻⵏ ⵏ ⵜⴻⵎⴷⵉⵏⵜ-ⴰ, ⴷ ⵡⵉⵏ ⴰⵢⴷⴻⴳ ⴷ-ⵜⵜⵡⴰⴱⴻⴷⵔⴻⵏ ⵢⵉⵙⵎⴰⵡⴻⵏ ⵉⵎⴻⵇⵔⴰⵏⴻⵏ ⴰⵎ ⵓⴳⴻⵔⵔⵓⵎ ⴰⴳⵓⵙⵜⴰⵏ, ⵎⴻⵔⵧⵓⴰⵏⴻ ⵛⵀⴻⵔⵉⴼ ⴻⵍ ⴱⵧⵓⵏⵉ, ⵀⴰⵙⵙⴰⵏⴻ ⴷⴻⵔⴷⵧⵓⵔ, ⵀⴰⵙⵙⴰⵏⴻ ⴰⵍ-ⴰⵏⵏⴰⴱⵉ ⴷ ⴰⵎⴰⵔ ⵍⴰⵙⴽⵔⵉ.
