ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵢⵉⵜⴰ ⴷⴻⴳ ⵎⴰⴷⵔⵉⴷ ⴷⴻⴳ ⵡⴻⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵜⵉⴷⴷⵓⴽⵍⵉⵡⵉⵏ)
ⵎⴰⴷⵔⵉⴷ – ⵡⵜⴻⵏⵜ-ⴷ ⴽⵔⴰ ⵏ ⵜⵉⴷⴷⵓⴽⵍⵉⵡⵉⵏ ⵜⵉⵙⵒⴻⵏⵢⵓⵍⵉⵢⵉⵏ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵡⴻⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵏ ⵢⵉⵚⴻⵃⵔⴰⵡⵉⵢⴻⵏ ⵎⵉ ⵢⴻⴱⴷⴰ ⵓⵙⴰⵔⴰⴳ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⴻⵙⴷⴰⵡⵉⵜ ⵜⴰⴼⵓⵍⵎⴰⵏⵜ ⵏ ⵎⴰⴷⵔⵉⴷ.
ⴰⴳⴻⵍⵍⵓⵙ (ⵎⵉⵃⵡⴰⵔ) ⴰⵎⴻⵣⵡⴰⵔⵓ ⵏ ⵓⵙⴰⵔⴰⴳ-ⴰ ⴰⵢ ⵙⵙⵓⴷⴷⵙⴻⵏⵜ ⵜⴻⵙⴷⴰⵡⵉⵢⵉⵏ ⵜⵉⵏⴰⴳⴷⵓⴷⵉⵏ (ⵄⵓⵎⵓⵎⵉⵢⵢⴰ) ⵏ ⵎⴰⴷⵔⵉⴷ ⴷ ⵡⵉⵏ ⵢⴻⴵⴵⴰⵏ ⵜⵉⴷⴷⵓⴽⵍⵉⵡⵉⵏ ⵜⵉⵙⵒⴻⵏⵢⵓⵍⵉⵢⵉⵏ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷ ⵜⵎⴻⵖⵏⴰⵙⵜ ⵜⴰⵚⴻⵃⵔⴰⵡⵉⵜ ⵙⵓⵍⵜⴰⵏⴰ ⵊⴰⵢⴰ ⴰⴷ ⴷ-ⵡⵜⴻⵏ ⴷⴻⴳ ⵡⴻⵔⴽⴰⴹ ⴰⵏⴻⴳⵔⴰⵡⴰⵏ ⴰⵢ ⵜⵔⴻⴽⴽⴻⴹ ⵎⴻⵕⵕⵓⴽ ⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵙⴻⴳ ⵡⴰⵙⵎⵉ ⴰⵢ ⵜⴻⵥⴷⴻⵎ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⴰⵔ ⴰⵙⵙ-ⴰ.
ⵎⴻⵕⵕⵓⴽ « ⵜⴳⴰ ⵜⴰⵏⵖⴰⵖⵔⴻⴼⵜ ⴰⵎ ⵡⴰⴽⴽⴻⵏ ⴰⵢ ⵜⴳⴰ ⵜⵉⵊⵔⵉⵎⵉⵏ ⵏ ⵡⴻⵎⴳⴰⵔⵓ (ⵃⴰⵔⴱ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵏⵓⵔⵉⴰ ⴳⴰⵔⵛⵉⴰ ⵙⴰⵏⵣ, ⵜⴰⵙⴻⵍⵡⴰⵢⵜ ⵏ ⵜⵉⴷⴷⵓⴽⵍⴰ ⵜⴰⵙⵒⴻⵏⵢⵓⵍⵉⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ. ⵙⴻⴳ ⵡⴰⵙⵎⵉ ⵥⴻⴷⵎⴻⵏ ⵢⵉⵖⴰⵍⵍⴻⵏ ⵉⵎⴻⵕⵕⵓⴽⵉⵢⴻⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ, « ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵜⵜⵡⴰⵄⴻⵜⵜⴻⴱ ⵙ ⵡⴰⴽⴽ ⵍⴻⵚⵏⴰⴼ ⵏ ⵓⵄⴻⵜⵜⴻⴱ, ⵄⴻⴷⴷⴰⵏⵜ ⴼⴻⵍⵍ-ⴰⵙ ⴰⴽⴽ ⵍⴻⵚⵏⴰⴼ ⵏ ⵜⴻⵊⵔⵉⵎⵉⵏ ⵎⴳⴰⵍ ⵜⴰⵍⵙⴰ ⴷ ⵜⴻⵏⵖⴰⵖⵔⴻⴼⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⴷⴰⴽⴽⴻⵏ « ⵏⴻⵙⵄⴰ ⵜⵜⴱⵓⵜ ⴰⴽⵎⴰⵎ (ⵎⴰⵍⵎⵓⵙ) ⵖⴻⴼ ⵡⴰⵢⴻⵏ ⴰⵢ ⵢⴻⴹⵔⴰⵏ ⵢⴻⵔⵏⵓ ⵎⴰⵣⴰⵍ ⵉⴹⴻⵔⵔⵓ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ».
ⵏⵏⵉⴳ ⵡⴰⵢⴰ, ⵜⴻⵏⵏⴰ-ⴷ ⵜⵙⴻⵍⵡⴰⵢⵜ ⵏ ⵜⵉⴷⴷⵓⴽⵍⴰ ⵜⴰⵙⵒⴻⵏⵢⵓⵍⵉⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴰⴽⴽⴻⵏ ⵓⴼⴰⵏ-ⴷ ⵉⵥⴻⴽⵡⴰⵏ ⵓⵛⵔⵉⴽⴻⵏ ⴷⴻⴳ ⵜⴻⵎⵏⴰⴹⵜ ⵏ ⴰⵎⴳⴰⵍⴰ « ⵢⴻⵔⵏⵓ, ⴷⴻⴼⴼⵉⵔ ⵎⴰ ⵢⴻⵜⵜⵡⴰⵙⵍⴻⴹ (ⵃⵓⵍⵍⵉⵍⴰ) ⵡⴰⴷⵉⵢⴰⵏ-ⵏⵙⴻⵏ, ⵓⴼⴰⵏ-ⴷ ⴷⴰⴽⴽⴻⵏ ⵉⵎⴷⴰⵏⴻⵏ-ⵏⵏⵉ ⵢⴻⵜⵜⵡⴰⵎⴻⴹⵍⴻⵏ ⴷⴻⴳ-ⵙⴻⵏ ⴷ ⵉⵚⴻⵃⵔⴰⵡⵉⵢⴻⵏ ⵢⴻⵍⵍⴰⵏ ⵎⴰⵣⴰⵍ ⵙⵄⴰⵏ ⵍⴻⴽⵡⴰⵖⴻⴹ ⵉⵙⵒⴻⵏⵢⵓⵍⵉⵢⴻⵏ, ⴷⵖⴰ ⴷ ⴰⵢⴰ ⴰⴷ ⴰⵖ-ⵢⴻⴵⴵⴻⵏ ⴰⴷ ⵏⴻⵛⵛⴻⵜⴽⵉ ⵖⴻⴼ ⵡⴰⵢⴰ ⴷⴻⴳ ⵛⵛⵕⴻⵄ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ.
« ⵏⴻⵙⵄⴰ ⴷⴰⵖ ⵉⵙⵎⴰⵡⴻⵏ ⵏ 59 ⵏ ⵡⵓⴷⵎⴰⵡⴻⵏ ⵉⵙⴻⵔⴷⴰⵙⴰⵏⴻⵏ ⴷ ⵢⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⵉⵎⴻⵕⵕⵓⴽⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⵙ ⵡⴻⴱⵔⵉⴷ ⵓⵙⵔⵉⴷ ⵏⴻⵖ ⴰⵔⵓⵙⵔⵉⴷ ⴷⴻⴳ ⵜⴻⵊⵔⵉⵎⵉⵏ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ. « ⵉⵙⵡⵉ ⵏ ⵢⵉⵎⴻⵏⵖⵉ-ⵏⵏⴻⵖ ⴷ ⴰⵃⵔⴰⵣ ⵏ ⵢⵉⵣⴻⵔⴼⴰⵏ ⵏ ⵜⴻⵖⵜⴰⵙ (ⴹⴰⵃⴰⵢⴰ) ⵏ ⵡⴻⵎⵃⴰⵇ ⴰⵎⴻⵕⵕⵓⴽⵉ ⴷ ⵡⴻⵣⵔⴻⴼ ⵏ ⵍⵍⵙⴰⵙ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ.
