ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵄⵉⵏ ⴷⴷⴻⴼⵍⴰ: ⵙⵏⴰⵜ ⵏ ⵜⴻⵎⵚⵓⴽⵉⵏ ⵏ ⵜⴻⵎⵙⵓⵍⵜⴰ ⴰⵢ ⵢⴻⵜⵜⵡⴰⵔⴻⵥⵎⴻⵏ ⴷⴻⴳ 2016

ⵄⵉⵏ ⴷⴷⴻⴼⵍⴰ – ⵙⵏⴰⵜ ⵏ ⵜⴻⵎⵚⵓⴽⵉⵏ (ⵀⴰⵢⴰⴽⵉⵍ) ⵏ ⵜⴻⵎⵙⵓⵍⵜⴰ ⴰⵢ ⵢⴻⵜⵜⵡⴰⵔⴻⵥⵎⴻⵏ ⴷⴻⴳ ⵓⵙⴻⴳⴳⴰⵙ ⵏ 2016 ⴷⴻⴳ ⵄⵉⵏ ⴷⴷⴻⴼⵍⴰ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵉ ⵓⵙⵙⴻⵍⵀⵓ ⵏ ⵜⴷⵓⵍⵉ ⵜⴰⵖⴻⵍⵍⵉⵙⴰⵏⵜ (ⴰⵎⵏⵉⵢⵢⴰ) ⴷⴻⴳ ⵜⵡⵉⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵢⵉⵡⴻⵏ ⵏ ⵓⴼⴻⵙⵢⴰⵏ ⵏ ⵜⵖⴻⵍⵍⵉⵙⵜ ⵏ ⵜⵡⵉⵍⴰⵢⵜ.

ⵢⵉⵡⴻⵜ ⵙⴻⴳ ⵜⴻⵎⵚⵓⴽⵉⵏ-ⴰ ⴷ ⴰⵎⵎⴰⵙ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏ ⵜⴷⴰⵢⵕⴰ ⵏ ⵃⴻⵎⵎⴰⵎ ⵔⵉⵖⴰ, ⵎⴰ ⴷ ⵜⴰⵢⴻⴹ ⴷⴻⴳ ⵜⴰⴼⴻⵔⵇⴻⵜ ⵜⴰⵣⵉⵔⴰⵣⵜ (ⵎⵓⵜⴰⵏⴰⵇⵇⵉⵍⴰ) ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ ⴷⴻⴳ ⵜⴻⵎⴷⵉⵏⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⵡⴻⴽⴽⴻⵍ ⴰⴳⴻⵊⴷⴰⵏ ⴱⵧⵓⴰⵏⴰⵏⵉ ⵔⴰⵎⴷⴰⵏⴻ, ⵢⴻⵍⵍⴰⵏ ⴷ ⴰⵎⴰⵙⴰⵢ ⵏ ⵜⵉⴳⴰⵡⵜ ⵜⴰⵏⵎⴻⵜⵜⵉⵜ ⴷ ⵢⴻⵔⵎⵓⴷⴻⵏ ⴰⴷⴷⴰⵍⴰⵏⴻⵏ, ⵎⵉ ⴷ-ⵉⵇⴻⴷⴷⴻⵎ ⵜⴰⵛⵔⴰⵡⵜ ⵏ ⵢⴻⵔⵎⵓⴷⴻⵏ ⵏ ⵜⴻⵎⵙⵓⵍⵜⴰ ⴷⴻⴳ 3 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ-ⴰ.

ⴰⴼⵎⵉⴹⵉ (ⵏⵉⵙⴱⴰ) ⵏ ⵜⴷⵓⵍⵉ ⵜⴰⵖⴻⵍⵍⵉⵙⴰⵏⵜ ⵏ ⵜⵡⵉⵍⴰⵢⵜ ⵏ ⵄⵉⵏ ⴷⴷⴻⴼⵍⴰ ⵢⴻⵡⵡⴻⴹ ⵖⴻⵔ 90%, ⵢⴻⵔⵏⵓ ⴰⵙⵎⵉ ⴰⴷ ⴷ-ⴼⴰⴽⴻⵏⵜ ⵜⴻⵎⵚⵓⴽⵉⵏ ⵜⵉⵎⴰⵢⵏⵓⵜⵉⵏ, ⴰⴷ ⵜⴰⵡⴻⴹ ⵜⴷⵓⵍⵉ-ⴰ ⵖⴻⵔ 100%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵢ ⴷ-ⵉⵅⴻⴱⴱⵔⴻⵏ ⴷⴰⴽⴽⴻⵏ ⵎⴰⵣⴰⵍ ⵍⴰ ⵢⴻⵜⵜⵡⴻⴱⵏⴰⵢ ⵡⴰⵎⵎⴰⵙ ⵡⵉⵙ 4 ⵏ ⵜⵖⴻⵍⵍⵉⵙⵜ ⵜⴰⵎⴷⵉⵏⴰⵏⵜ ⴷⴻⴳ ⵜⴻⵎⴷⵉⵏⵜ ⵏ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ ⵢⴻⵔⵏⵓ ⵢⴻⵡⵡⴻⴹ ⵖⴻⵔ 50% ⴷⴻⴳ ⵍⴻⴱⵏⵉ.

ⵎⴰⵣⴰⵍ ⴷⴰⵖ ⵍⴰ ⴷ-ⵜⵜⵉⵍⵉⵏⵜ ⵜⴻⵣⵔⴰⵡⵉⵏ ⵉ ⵍⴻⴱⵏⵉ ⵏ ⵜⴻⵎⵚⵓⴽⵉⵏ ⵏ ⵜⴻⵎⵙⵓⵍⵜⴰ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵜⵡⵉⵍⴰⵢⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⵡⵉ ⴷ ⴰⵎⵎⴰⵙⴻⵏ ⵏ ⵜⴻⵎⵙⵓⵍⵜⴰ ⵏ ⴵⴻⵏⴷⴻⵍ, ⵍⵄⴰⵎⵔⴰ ⴷ ⵍⵄⴻⵟⵟⴰⴼ, ⴰⵎⵎⴰⵙ ⵏ ⵜⴻⵎⵙⵓⵍⵜⴰ ⵡⵉⵙ 5 ⴷⴻⴳ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ, ⴰⵎⵎⴰⵙ ⵏ ⵜⴼⴻⵔⵇⴻⵜ ⵜⴰⵣⵉⵔⴰⵣⵜ ⵏ ⵜⴻⵎⵙⵓⵍⵜⴰ ⵜⴰⵖⴻⴷⵎⴰⵏⵜ ⴷⴻⴳ ⵜⵖⵉⵡⴰⵏⵜ ⵏ ⵟⴰⵔⵉⵇ ⵉⴱⵏ ⵣⴻⵢⵢⴰⴷ, ⴰⵣⴰⴷⵓⵔ ⵏ ⵜⵓⴷⴻⵔⵜ ⵉ ⵡⴻⵙⴳⵓⵏⴼⵓ ⴷⴻⴳ ⵃⴻⵎⵎⴰⵎ ⵔⵉⵖⴰ, ⵜⴰⵣⴻⵇⵇⴰ ⵏ ⵡⴰⴷⴷⴰⵍ ⴷⴻⴳ ⵜⴻⵎⴷⵉⵏⵜ ⵏ ⵄⵉⵏ ⴷⴷⴻⴼⵍⴰ ⴷ ⵜⵣⴻⵇⵇⴰ ⵏ ⵡⴻⵙⴼⵓⴳⴻⵍ ⴷⴻⴳ ⵍⴻⵅⵎⵉⵙ ⵏ ⵜⵎⴻⵍⵢⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ.