ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴻⵏⵏⵓⵖ ⵎⴳⴰⵍ ⵜⴰⵔⴻⵎⵖⴰ ⴰⴷ ⵢⴻⴽⴽ ⵙⴻⴳ ⵓⵙⴻⴳⵔⴻⵡ ⵏ ⵍⴵⴻⵀⴷ-ⵏⵏⴻⵖ (ⵎⴻⵙⵙⴰⵀⴻⵍ)
ⴷⵉⵎⴻⵛⵇ - ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵏ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵉⴷⴻⵔⵔⴻⵔ-ⴷ ⵖⴻⴼ ⵡⴰⴽⴽⴻⵏ ⵢⴻⵙⵙⴻⴼⴽ ⴼⴻⵍⵍ-ⴰⵖ ⴰⴽⴽ ⴰⴷ ⵏⴻⵙⵙⴻⴳⵔⴻⵡ ⵍⴵⴻⵀⴷ-ⵏⵏⴻⵖ ⴰⴽⴽⴻⵏ ⴰⴷ ⵏⴻⵏⵏⴰⵖ ⵎⴳⴰⵍ ⵜⴰⵔⴻⵎⵖⴰ, ⵉⵃⴻⵜⵜⴻⵜ ⵖⴻⴼ ⵓⵃⵔⴰⵣ ⵏ ⵜⴷⵓⴽⵍⵉ ⵏ ⵜⵎⴻⵜⵜⵉ ⴰⴽⴽⴻⴷ ⴼⴻⵔⵔⵓ ⵏ ⵟⵔⴰⴷ ⵙ ⵡⴰⵍⵍⴰⵍⴻⵏ ⵏ ⵜⴻⵍⵡⵉⵜ.
ⴷⴻⴳ ⵢⵉⵡⴻⵏ ⵏ ⵢⵉⵏⴰⵡ ⵎⵉ ⵍⴷⵉⵏ ⵢⵉⵎⵓⵀⴰⵍ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵓⴹⴼⴰⵔ ⴰⵣⵣⴰⵢⵔⵉ-ⴰⵙⵓⵔⵉ ⵉ ⵢⴻⵙⵙⴻⵍⵡⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⴷⵉⵎⴻⵛⵇ, ⴰⴽⴽⴻⴷ ⵓⵏⴻⵖⵍⴰⴼ ⴰⵙⵓⵔⵉ ⵏ ⵜⴷⴰⵎⵙⴰ ⴰⴽⴽⴻⴷ ⵜⵏⴻⵣⵣⵓⵜ ⵏ ⴱⴻⵔⵔⴰ, ⵀⴰⵎⵎⴰⵎ ⴻⵍ-ⵊⴰⵣⴰⵉⵔⵉ, ⵎⴰⵙⵙ ⵎⴻⵙⵙⴰⵀⴻⵍ ⵉⵡⴻⴽⴽⴻⴷ-ⴷ ‘’ⵜⴰⵍⵍⴻⵍⵜ ⵏ ⵍⴻⵣⵣⴰⵢⴻⵔ ⵉ ⵙⵓⵔⵢⴰ ⴷⴻⴳ ⵓⵎⴻⵏⵏⵓⵖ-ⵉⵙ ⵎⴳⴰⵍ ⵜⴰⵔⴻⵎⵖⴰ ⴰⴽⴽⴻⴷ ⵜⴻⵥⵔⵉⵖⴻⴼⵜ ⵜⵓⴽⵔⵉⴹⵜ’’.
ⵢⵓⵍⴻⵙ-ⴰⵙ-ⴷ ⵉ ⵡⴰⴷⴷⵓⴷ ⵏ ⵍⴻⵣⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵙⵓⵔⵢⴰ ⵉ ⵢⴻⵡⵡⵉⵏ ‘’ⵢⵉⵡⴻⵜ ⵏ ⵜⵢⵉⵜⴰ ⵙⴻⴳ ⵢⵉⵔⴻⵎⵎⴰⵖⴻⵏ ⵉⵇⴻⵙⴷⴻⵏ ⴰⴷ ⵀⵓⴷⴻⵏ ⵍⵙⴰⵙ ⵏ ⵓⵡⴰⵏⴻⴽ, ⴰⴷ ⵢⴻⵟⵟⴻⴼ ⴰⴷⴰⴱⵓ ⵙ ⵢⵉⵖⵉⵍ ⴰⴽⴽⴻⴷ ⵡⵓⵥⵓ ⵏ ⵜⵉⴳⴷⵉⵏ’’, ⵎⴰⵙⵙ ⵎⴻⵙⵙⴰⵀⴻⵍ ⵢⴻⵙⵎⴻⴽⵜⴰ-ⴷ ⴷⴰⴽⴽⴻⵏ ⵍⴻⵣⵣⴰⵢⴻⵔ ‘’ⵜⵄⴻⴷⴷⴰ-ⴷ ⵙⴻⴳ ⵍⵃⵉⴼ ⴰⴱⴻⵔⴽⴰⵏ ⵏ ⵢⵉⵔⴻⵎⵎⴰⵖⴻⵏ ⵢⴻⵟⵟⴼⴻⵏ ⵓⴳⴰⵔ ⵏ ⵎⵔⴰⵡ ⵏ ⵢⵉⵙⴻⴳⴳⴰⵙⴻⵏ’’.
